![ខ្លាញីនៅដែនជម្រកអម្បូរឆ្មាធំរបស់ FOUR PAWS ខ្លាញីនៅដែនជម្រកអម្បូរឆ្មាធំរបស់ FOUR PAWS](https://media.4-paws.org/d/a/0/1/da01cd0854b7455bb809bb377ec4b3ff72e48f12/VIER%20PFOTEN_2020-08-28_000066-2001x1385-1920x1329.jpg)
អំពីអង្គការ FOUR PAWS
សុខុមាលភាពសត្វ ទូទាំងពិភពលោក
FOUR PAWS គឺជាអង្គការសុខុមាលភាពសត្វអន្តរជាតិមួយដើម្បីជួយដល់សត្វដែលស្ថិតរងនៅក្រោមឥទ្ធិពលផ្ទាល់របស់មនុស្សដូចជាដែលលាតត្រដាងបង្ហាញពីទុក្ខវេទនារបស់សត្វ សង្គ្រោះ និងការពារសត្វដែលត្រូវការការគាំពារជាដើម។
អង្គការនេះ បានបង្កើតឡើងក្នុងឆ្នាំ១៩៨៨ ដោយលោក Heli Dungler ដោយខំប្រឹងប្រែងដើម្បីពិភពលោកមួយដែលមនុស្សចេះគោរពឱ្យតម្លៃសត្វដោយការអធ្យាស្រ័យ និងយោគយល់។ បច្ចុប្បន្នអង្គការ FOUR PAWS មានការិយាល័យនៅតាមបណ្ដាប្រទេសជាច្រើនដូចជាអូស្រ្តាលី អូទ្រីស បែលហ្ស៊ិក ប៊ុលហ្គារី អាល្លឺម៉ង់ កូសូវ៉ូ ហូឡង់ ស្វ៊ីស អាហ្វ្រិកខាងត្បូង ថៃ អ៊ុយក្រែន ហុងគ្រី ចក្រភពអង់គ្លេស សហរដ្ឋអាមេរិក និងវៀតណាម ក៏ដូចជាតំបន់ជម្រកសត្វដើម្បីសង្គ្រោះសត្វផ្សេងៗនៅតាមបណ្ដាប្រទេសទាំង១២ទៀត ដែលមានកាតព្វកិច្ចផ្តល់ជំនួយបន្ទាន់ និងដំណោះស្រាយរយៈពេលវែង។
យុទ្ធនាការ និងគម្រោងគាំទ្រផ្សេងៗរបស់ FOUR PAWS ផ្ដោតសំខាន់លើសត្វជាដៃគូរបស់មនុស្សរួមមាន ឆ្កែ និងឆ្មាអនាថា សត្វចិញ្ចឹមនៅកសិដ្ឋាន និងសត្វព្រៃដូចជាខ្លាឃ្មុំ អម្បូរឆ្មាធំ ស្វាអូរ៉ង់ហ្គូតង់ និងដំរី។ល។ ដែលសត្វទាំងនោះកំពុងស្ថិតក្នុងស្ថានភាពលំបាក ក៏ដូចជានៅតំបន់ជួបគ្រោះធម្មជាតិ និងតំបន់មានការប៉ះទង្គិចជាដើម។
យើងមានការប្តេជ្ញាចិត្តយ៉ាងមុតមាំចំពោះការព្យាបាលសត្វឆ្កែ និងឆ្មាអនាថាដោយស្មារតីមនុស្សធម៌ ក៏ដូចជារក្សាលក្ខខណ្ឌដ៏ល្អប្រសើរសម្រាប់សត្វជាដៃគូ និងសត្វចិញ្ចឹមនៅកសិដ្ឋាន។ យើងបង្កើត និងដំណើរការតំបន់ជម្រកសត្វនានានៅទូទាំងពិភពលោកដែលក្នុងនោះសត្វព្រៃដែលយើងសង្គ្រោះបានពីការប្រមាញ់ចាប់យកដោយបំពាន បានរកឃើញជម្រកដ៏សមស្របតាមប្រភេទរបស់ខ្លួន។
អង្គការ FOUR PAWS ប្រើវិធីសាស្រ្តផ្អែកលើដំណោះស្រាយបញ្ហា និងផ្តល់ដល់សត្វនូវជំនួយបន្ទាន់ និងដោយផ្ទាល់។ គោលបំណងរបស់យើង គឺដើម្បីសម្រេចឱ្យបាន និងបង្កើតឱ្យមានការផ្លាស់ប្តូរនៅក្នុងគោលនយោបាយ សង្គម និងសេដ្ឋកិច្ច ដែលនឹងផ្តល់ផលប្រយោជន៍ចំពោះសត្វ តាមរយៈគម្រោង យុទ្ធនាការ និងការអប់រំនានា។ ការងាររបស់យើងគឺផ្អែកលើជំនាញវិទ្យាសាស្ត្រ ការស្រាវជ្រាវដ៏ត្រឹមត្រូវ និងការបញ្ចុះបញ្ចូលមតិថ្នាក់ជាតិ និងអន្តរជាតិ។
![](https://media.4-paws.org/2/c/d/d/2cddb7d982808e1b27d61bf93981fd4364d90f1e/VIER%20PFOTEN_2018-07-08_065-2664x2662-720x719.jpg)
បង្ហាញ
ច្រើនទៀត។
![](https://media.4-paws.org/b/8/f/e/b8fee64d0b8681683c6e7b1aeb309a87d8ce5f83/VIER%20PFOTEN_2019-10-27_055-1881x1881-720x720.jpg)
សង្គ្រោះ
ច្រើនទៀត។
![](https://media.4-paws.org/b/d/f/8/bdf8ba474119d9f82896622ffb96d6d18c25ad62/VIER%20PFOTEN_2018-04-28_001-2668x2666-720x719.jpg)
ការពារ
ច្រើនទៀត។
បង្ហាញ សង្គ្រោះ ការពារ
បង្ហាញ
អង្គការ FOUR PAWS បង្ហាញពីលក្ខខណ្ឌមិនសមស្រប និងការគំរាមកំហែងដល់ជីវិតចំពោះសត្វ។ អង្គការ FOUR PAWS បង្ហាញពីការរំលោភបំពាន បង្កើតដំណោះស្រាយសមស្រប និងជំរុញកិច្ចការនោះឈានទៅរកការអនុវត្តតាមមធ្យោបាយដ៏ល្អបំផុត។
គម្រោង យុទ្ធនាការ ព័ត៌មាន និងការបញ្ចុះបញ្ចូលផ្សេងៗរបស់យើង គឺដើម្បីការពារសត្វដែលស្ថិតរងក្រោមឥទ្ធិពលផ្ទាល់ពីមនុស្ស លើកកម្ពស់ការយល់ដឹង និងបញ្ជាក់ពីប្រធានបទដែលពាក់ព័ន្ធ។
បណ្តាញការងាររបស់យើង មានលក្ខណៈជាអន្តរជាតិ ហើយយើងធ្វើការស្រាវជ្រាវយ៉ាងយកចិត្តទុកដាក់ និងអភិវឌ្ឍគំនិតថ្មីៗជានិច្ច។ នេះជារបៀបដែលយើងនាំមកនូវការផ្លាស់ប្តូរផ្នត់គំនិត និងច្បាប់ផ្សេងៗ។
សង្គ្រោះ
FOUR PAWS ជួយសង្គ្រោះសត្វនានាទូទាំងពិភពលោកដែលស្ថិតក្រោមការរងឥទ្ធិពលផ្ទាល់របស់មនុស្ស កាត់បន្ថយ និងបញ្ឈប់ទុក្ខវេទនារបស់សត្វដោយបន្តជួយ និងផ្ដល់ការថែទាំព្យាបាល។
FOUR PAWS ចាត់វិធានការជាក់ស្តែង ប្រមូលផ្តុំប្រជាជន ផ្លាស់ប្តូរឥរិយាបថអ្នកទទួលទាន និងនាំមកនូវការផ្លាស់ប្តូរក្នុងផ្នែកច្បាប់ផ្សេងៗដើម្បីសម្រេចបាននូវដំណោះស្រាយរយៈពេលវែងសម្រាប់សុខុមាលភាពសត្វ។
FOUR PAWS បានប្តេជ្ញាចិត្តចំពោះការទទួលខុសត្រូវចំពោះសត្វ និងដើម្បីប្រយុទ្ធប្រឆាំងនឹងសកម្មភាពអនុវត្តខុសច្បាប់។ យើងធ្វើការជាមួយអាជ្ញាធរ និងរដ្ឋាភិបាលនៅជុំវិញពិភពលោកដើម្បីណែនាំនូវការផ្លាស់ប្តូរផ្នែកច្បាប់ដែលធ្វើឱ្យជីវិតសត្វរាប់លានបានប្រសើរឡើង។
ការពារ
FOUR PAWS ផ្តល់ជូនជម្រកសុវត្ថិភាពសម្រាប់សត្វព្រៃដូចជាអម្បូរឆ្មាធំ ខ្លាឃ្មុំ ស្វាអូរ៉ង់ហ្គូតង់ និងដំរី ដែលដែលបានសង្គ្រោះពីលក្ខខណ្ឌរក្សាទុកមិនសមស្របនឹងប្រភេទពូជសត្វទូទាំងពិភពលោក។
FOUR PAWS ប្រយុទ្ធប្រឆាំងដើម្បីការប្រព្រឹត្តនូវឥរិយាបថត្រឹមត្រូវ និងប្រកបដោយក្រមសីលធម៌ចំពោះសត្វ ដោយទាមទារឱ្យគោរពតាមស្តង់ដារ និងស្ថាប័នសុខុមាលភាពសត្វ។
ក្រោមកិច្ចសហការជាមួយបណ្តាប្រទេស និងសហគមន៍នានា ក្នុងគោលបំណងគឺធានាថាសត្វទាំងអស់ត្រូវបានការពារដោយច្បាប់ និងបទប្បញ្ញត្តិផ្សេងៗ ហើយច្បាប់ទាំងនេះត្រូវបានអនុវត្តយ៉ាងតឹងរ៉ឹងបំផុត។ យើងមើលឃើញថានេះជាមូលដ្ឋានដើម្បីសម្រេចបាននូវយុត្តិធម៌ និងភាពត្រឹមត្រូវចំពោះសត្វ ព្រមទាំងដើម្បីស្តាររៀបចំសណ្តាប់ធ្នាប់ឡើងវិញ។