![ការផ្លាស់ប្ដូរកំពុងកើតឡើងទូទាំងអាស៊ី! សមាជិកបុគ្គលិក FOUR PAWS ជាមួយសត្វឆ្កែ](https://media.4-paws.org/b/6/3/7/b6376272915bfa45400d0f778b0ce85999bc47f1/9R3A7770-2857x1977-1920x1329.jpg)
ការផ្លាស់ប្ដូរកំពុងកើតឡើងទូទាំងអាស៊ី!
ទីក្រុង រដ្ឋ និងប្រទេសនានា កំពុងចាប់ផ្ដើមចាត់វិធានការប្រឆាំងនឹងសាច់ឆ្កែ និងឆ្មា
ចាប់តាំងពីផ្ទុះឡើងដំបូងនូវជំងឺម្យ៉ាងដែលបច្ចុប្បន្នហៅថាកូវីត១៩ នៅខែធ្នូ ឆ្នាំ២០១៩ រហូតមកដល់ដំណាច់ខែឧសភា មនុស្សជាងប្រាំលាននាក់ បានឆ្លង ហើយជាង៣០០.០០០នាក់ បានបាត់បង់ជីវិតនៅក្នុងប្រទេសចំនួន ២១៣។
អ្នកមានសិទ្ធិស្វ័យសម្រេចនានានៅអាស៊ីបានចាប់ផ្ដើមក្រោកឡើងប្រឆាំងនឹងការគំរាមកំហែងដែលបណ្ដាលមកពីការជួញដូរ។
![វៀតណាម ឆ្មានៅក្នុងទ្រុងមួយ](https://media.4-paws.org/5/c/9/0/5c90891d811f733e2cbd9602f1e13c5e16154ade/VIER%20PFOTEN_2019-05-21_406-2000x1384-560x388.jpg)
វៀតណាម
នៅថ្ងៃទី១៦ ខែមីនា ក្នុងប្រទេសវៀតណាម គណៈកម្មាធិការអចិន្ត្រៃយ៍ដើម្បីការទប់ស្កាត់ជំងឺកូវីត១៩ នៅទីក្រុងហាណូយបានជួបប្រជុំផែនការបន្តអនុវត្តវិធានការនានាដើម្បីទប់ស្កាត់ និងគ្រប់គ្រងជំងឺឆ្លងរាលដាលក្នុងរដ្ឋធានី។ ក្នុងកិច្ចប្រជុំ គណៈកម្មាធិការប្រជាជនទីក្រុងហាណូយបានជំរុញឱ្យពលរដ្ឋក្នុងទីក្រុងបញ្ឈប់ការទទួលទានសាច់ឆ្កែ!
![ឥណ្ឌា ឆ្កែអនាថា](https://media.4-paws.org/1/6/a/c/16aca9529e08b55a2ba9066dc5b751a858c765ab/1-2301x1594-560x388.jpg)
ឥណ្ឌា
នៅថ្ងៃទី២៤ ខែមីនា សភាឥណ្ឌានៃរដ្ឋ Mizoram បានលុបសាច់ឆ្កែចេញពីបញ្ជីប្រភេទសត្វដែលត្រូវសម្លាប់យកសាច់។ នេះជាជំហានប្រវត្តិសាស្ត្រមួយក្នុងការប្រយុទ្ធប្រឆាំងដើម្បីបញ្ឈប់ការជួញដូរសាច់ឆ្កែនៅក្នុងរដ្ឋ ដែលឆ្កែអនាថារាប់ពាន់ក្បាលត្រូវបានសម្លាប់យកសាច់ជារៀងរាល់ឆ្នាំ។
![ចិន ឆ្មានៅក្នុងទ្រុងមួយ](https://media.4-paws.org/5/9/3/7/5937eaf092ace4e46d9187735315be2951a39041/VP0219015-2000x1385-560x388.jpg)
ចិន
នៅថ្ងៃទី២ ខែមេសា ទីក្រុង Shenzhen ដែលជាទីក្រុងធំជាងគេលំដាប់ទី៥របស់ប្រទេសចិន បានប្រកាសយ៉ាងទូលំទូលាយជាប្រវត្តិសាស្ត្រ និងអចិន្ត្រៃយ៍ ហាមឃាត់រាល់ការទទួលទានសាច់ឆ្កែ និងឆ្មាក៏ដូចជាសត្វព្រៃដទៃទៀត ធ្វើឱ្យទីនេះក្លាយជាទីក្រុងដំបូងគេនៅប្រទេសចិន ដែលបានហាមឃាត់ជាអចិន្ត្រៃយ៍ចំពោះការជួញដូរសាច់ឆ្កែ និងឆ្មា។
ចិន
នៅថ្ងៃទី៩ ខែមេសា ក្រសួងកសិកម្ម និងកិច្ចការជនបទ បានប្រកាសដាក់ចេញថាឆ្កែគឺជា “សត្វដៃគូពិសេស” មិនមែនជា “សត្វធ្វើជាអាហារ” ហើយក៏មិនមែនសម្រាប់ទទួលទានឡើយ។ ក្រសួងនេះ ក៏បានកំណត់បញ្ជីប្រភេទសត្វដែលអាចទទួលទានបាន ហើយជាការកត់សម្គាល់ទាំងឆ្កែ និងឆ្មា មិនស្ថិតក្នុងបញ្ជីនេះឡើយ។.
![ចិន ឆ្កែនៅក្នុងទ្រុងមួយនៅអាស៊ីអាគ្នេយ៍](https://media.4-paws.org/6/5/9/7/6597a9c52c90fc2844e55c1232313c8230a915b2/VP0220029-1326x918-560x388.jpg)
ចិន
នៅថ្ងៃទី១៥ ខែមេសា ទីក្រុង Zhuhai បានក្លាយជាទីក្រុងទីពីររបស់ចិនដែលបានហាមឃាត់ការជួញដូរសាច់ឆ្កែ និងឆ្មា។ ច្បាប់បញ្ញត្តិទាំងនៅ Shenzhen និង Zhuhai បានដាក់ចេញឱ្យមានប្រសិទ្ធភាពជាធរមានចាប់ពីថ្ងៃទី១ ខែឧសភា ឆ្នាំ២០២០ តទៅ។
ចិន
នៅថ្ងៃទី២៩ ខែ យោងតាមសំណើក្នុងខែមេសា ក្រសួងកសិកម្ម និងកិច្ចការជនបទរបស់ចិន បានបោះពុម្ពសៀវភៅបញ្ជីថ្នាក់ជាតិស្ដីពីប្រភេទសត្វជាអាហារ និងធនធានពូជបសុបក្សី ដែលនេះមានន័យថាការចិញ្ចឹមឆ្កែសម្រាប់ជាអាហារ និងការលក់សាច់ឆ្កែ ត្រូវបានហាមឃាត់។ អ្នកនាំពាក្យរដ្ឋាភិបាលមួយរូបបានបញ្ជាក់ថាមតិសាធារណៈភាគច្រើនបានជំទាស់មិនឱ្យចាត់បញ្ចូលឆ្កែជាសត្វសម្រាប់ធ្វើជាអាហារក្នុងបញ្ជីទេ ហើយទទួលស្គាល់ថាឆ្កែ និងឆ្មាមានតួនាទីសំខាន់ក្នុងនាមជាដៃគូ និងជាសត្វចិញ្ចឹម។ នេះជាជំហានដ៏សំនាន់មួយក្នុងការបញ្ឈប់ការជួញដូរសាច់ឆ្កែ និងឆ្មានៅប្រទេសចិន។