បរិច្ចាគ
សមាជិកបុគ្គលិក FOUR PAWS ជាមួយសត្វឆ្កែ

ជំងឺ ការស្លាប់ និងសាច់ឆ្កែ ជាហានិភ័យសុខភាពសាធារណៈដែលគ្មាននរណាម្នាក់ចង់និយាយពីវាឡើយ 

របាយការណ៍តាមបទពិសោធផ្ទាល់អំពីការជួញដូរសាច់ឆ្កែ (និងឆ្មា) ដ៏រន្ធត់ 

27.7.2020

រណ្ដៅទឹកស្អុយ កាំភ្លើងច្នៃ ថ្នាំបំពុលស៊ីយ៉ានីត និងស្ទ្រីចនីន ការរោលភ្លើង ការវាយសំពងសត្វរស់នៅកណ្ដាលផ្សារទីប្រជុំជនទាំងនេះពិតជារឿងដែលពិបាកស្រមៃណាស់ដល់ទិដ្ឋភាពពោរពេញដោយភាពឃោរឃៅដែលធ្វើឡើងដោយបើកចំហ ជំងឺឆ្លង និងភាពអមនុស្សធម៌ចំពោះសុខភាពសាធារណៈ។

ការជួញដូរសាច់ឆ្កែ ជាវិស័យរកប្រាក់ចំណេញមួយខុសច្បាប់ដោយគ្មានការត្រួតពិនិត្យដែលជាប្រភពនៃជំងឺរាតត្បាតថ្មី បម្រុងនឹងកើតឡើងនោះ ត្រូវបានគេមើលរំលង។គ្រាន់តែជំងឺឆ្កែឆ្កួតតែមួយមុខដែលបណ្ដាលមកបីការជួញដូរនេះ ក៏មានឥទ្ធិពលធ្វើឱ្យប៉ះពាល់យ៉ាងខ្លាំងដល់អាយុជីវិតមនុស្សជាច្រើនរាប់មិនអស់។ផលប៉ះពាល់កាន់តែធ្ងន់ធ្ងរដល់សុខភាពសាធារណៈ គឺការអនុវត្តការងារផ្ទាល់ទាក់ទងនឹងការជួញដូរនេះរួមមានការទាក់ចាប់ដ៏ឃោរឃៅ ការដឹកជញ្ជូនយ៉ាងឃោរឃៅ ការបង្ខាំងសត្វជាច្រើនថ្ងៃជាប់ៗគ្នាក្នុងកន្លែងចង្អៀត គ្មានអនាម័យ និងការសម្លាប់យ៉ាងព្រៃផ្សៃ ដែលទាំងអស់នេះបង្កបានជាព្យុះដ៏មានឥទ្ធិពលក្នុងការបង្កើតនូវវីរុសថ្មីៗដែលជាភ្នាក់ងារចម្លងជំងឺទៅមនុស្ស។ក្នុងរយៈពេលប៉ុន្មានខែចុងក្រោយនេះព័ត៌មានថ្មីៗរបស់ប្រព័ន្ធផ្សព្វផ្សាយពិភពលោកអំពីទីផ្សារលក់សត្វរស់នៅប្រទេសចិន បានល្បីយ៉ាងឆាប់រហ័ស ហើយបានបញ្ជាក់ថាអ្វីដែលយើងបានធ្វើផ្ទាល់រាប់ឆ្នាំទាក់ទងនឹងការជួញដូរ ភាពឃោរឃៅ និងការសម្លាប់សត្វជាដើម អាចបង្កផលប៉ះពាល់ធ្ងន់ធ្ងរដល់សុខភាពសាធារណៈ។

ការស៊ើបអង្កេតលើការជួញដូរសាច់ឆ្កែ និងឆ្មា ពិតជាក្ដុកក្ដួល និងរន្ធត់ខ្លាំងណាស់ ហើយមិនមែនជារឿងងាយស្រួលឡើយ។ ថ្វីបើប្រទេស ក្រុងតំបន់ស្ដុកទុក ទីផ្សារ និងកន្លែងសត្តឃាតដ្ឋាននានា មានលក្ខណៈខុសៗគ្នា ប៉ុន្តែវាមានលក្ខណៈពិសេសដូចគ្នាគឺ៖ ក្លិន ទិដ្ឋភាព​ និងសំឡេង ដែលដក់ជាប់ក្នុងការចងចាំរបស់ខ្ញុំរហូត។

ក្លិន

អ្វីដែលធ្វើឱ្យខ្ញុំប៉ះទង្គិចមុនគេ គឺក្លិនស្អុយនៅកន្លែងជួញដូរ។ដោយសារគ្រឿងឧបករណ៍កម្រនឹងលាងសម្អាត ធ្វើឱ្យវាមានក្លិនស្អុយអាក្រក់ដែលអាចពិពណ៌នា គួរឱ្យចង់ក្អួត និងខ្ពើមរអើមបំផុត។គ្របដណ្តប់ទៅដោយលាមក និងទឹកនោមឆ្កែដែលព្យាយាមរត់គេចពីទ្រុងបង្ខាំងពួកវា នៅលើផ្ទៃដីលាយឡំដោយរបស់ស្មោគគ្រោក។រណ្ដៅថ្លុកឈាមប្រមូលផ្តុំនៅក្នុងកន្លែងសម្លាប់ក៏មានក្លិនស្អុយដែរ​​​ ហើយក្នុងករណីខ្លះឈាមនេះត្រូវបានគេដួសទៅដាក់ក្នុងធុងដើម្បីយកទៅធ្វើឱ្យទឹកជ្រលក់ ទុកចោលពេញមួយថ្ងៃនិងនៅអាស៊ីអាគ្នេយ៍ និង ។ក្លិនដែលមិនអាចបំភ្លេចបានជាពិសេសនោះ គឺរោមដែលបោចចេញពីរាងកាយសត្វងាប់ និងសត្វរស់។អស់រយៈពេលជាច្រើនថ្ងៃបន្ទាប់ពីបានទៅកាន់ទីផ្សារនោះមក ខ្ញុំនៅតែបន្តធុំក្លិនក្លិនឈ្ងៀមរោមសត្វនៅក្នុងសក់របស់ខ្ញុំ មិនថាខ្ញុំព្យាយាមលាងសម្អាតវាប៉ុន្មានដងទេ ក្លិននោះនៅតែបន្តធ្វើឱ្យខ្ញុំឃើញ ទិដ្ឋភាពពីថ្ងៃមុននៅស្រស់ៗនឹងមុខ។

ទីសត្តឃាត

ទិដ្ឋភាព

ទិដ្ឋភាពដែលពាក់ព័ន្ធនឹងការជួញដូរ គឺពោរពេញទៅដោយភាពអមនុស្សធម៌ចំពោះទាំងសត្វ និងសុខភាពសាធារណៈ។ ក្នុងនាមជាបសុពេទ្យម្នាក់ អ្វីដែលធ្វើឱ្យទាក់អារម្មណ៍ខ្ញុំមុនគេគឺសត្វ។ យ៉ាងណាឃើញបរិស្ថានដ៏សង្វេគនេះ ពិតជាពិបាកឱ្យខ្ញុំទ្រាំឱបដៃឈរមើលណាស់។ រូបរាងសត្វឈឺ និងមានរបួស គឺជារឿងធម្មតាទៅហើយ ឯសត្វភាគច្រើនទន់ខ្សោយខ្លាំង ញាក់កន្ត្រាក់ព្រោះជំងឺសរសៃទាញ ដោយសារតែខ្សោះជាតិទឹកធ្ងន់ធ្ងរ ឬបាក់ឆ្អឹងដោយការវាយដំក្នុងពេលត្រូវចាប់យកមកជាដើម។ សត្វទាំងអស់ត្រូវឃាំងទុកដោយមិនគិតដល់បញ្ហាសុខុមាលភាព ហើយត្រូវបានគេវាយធ្វើបាបជាញឹកញាប់។ ទិដ្ឋភាពដែលទាក់ទងនឹងការជួញដូរពិតជាពិបាកភ្នែកមើលណាស់ ដោយអ្នកសម្លាប់ និងឈ្មួញ បានជ្រមុជសត្វក្នុងទ្រុងទៅក្នុងរណ្ដៅមានទឹកពេញ រួចលើកទ្រុងមកវិញ បើកបំពង់ហ្គាសបាញ់ភ្លើងរោលសម្លាប់ឱ្យបានឆាប់បំផុតតាមដែលអាចធ្វើបាន។ នៅកន្លែងខ្លះក៏មានការជួញដូរទាំងសាច់សត្វព្រៃ ទាំងសាច់ឆ្កែ និងឆ្មាផង ក្នុងកន្លែងមួយ ដោយសត្វស្វាត្រូវបានគេដាក់ច្រវាក់ព្យួរនៅពីលើរណ្តៅទឹកដែលបានសម្លាប់ជីវិតសត្វឆ្កែជាង ១០០ក្បាលក្នុងមួយថ្ងៃជ្រមុជពួកវាទៅក្នុងទឹករហូតដល់លែងឃើញពពុះខ្យល់ដង្ហើមផុសឡើង។ នៅកន្លែងបោះដុំសាច់ឆ្មា ទូក្លាស្សេពេញទៅដោយសាច់ឆ្មាក្លាស្សេ​ ព្រមទាំងមានដបកែវស្រាត្រាំស្វា និងកូនខ្លា ដាក់តាំងលើធ្នើទុកលក់ផងដែរ។

សមាជិកបុគ្គលិក FOUR PAWS ជាមួយសត្វឆ្កែ

សំឡេង

ទិដ្ឋភាពដ៏គួរឱ្យរន្ធត់បំផុតនៃការស៊ើបអង្កេត គឺជាសំឡេងសត្វស្រែករោទ៍ និងថ្ងូរដោយការឈឺចាប់ឯខ្លះទៀតកំពុងខំប្រឹងអង្កៀមទ្រុង ឬកាយរកផ្លូវចេញ។ដោយឡែកក្រៅពីសត្វផ្ទាល់ សំឡេងបរិយាកាសជុំវិញពិតរំខានយ៉ាងខ្លាំង ដូចជាសំឡេងពួកឈ្មួញស្រែកឮខ្លាំងៗ ស្នូរទ្រុងដែកធ្ងន់ៗប៉ះទង្គិចគ្នាលាន់ឮឡើងដោយសារត្រូវគេរើលើកដាក់ ឬជញ្ជូនចុះឡើង។

Live animal markets are only a part of the trade

បើពិចារណាលើលក្ខណៈនៃការជួញដូរ និងដំណើរការរបស់វា អ្វីដែលខ្ញុំបានឃើញធ្វើឱ្យខ្ញុំមានការយល់ឃើញបែបវិជ្ជមានថា ច្បាប់គ្រប់គ្រងការជួញដូរដើម្បីកាត់បន្ថយហានិភ័យទាំងនេះគឺមិនអាចទៅរួចទេ លុះត្រាតែមានការហាមឃាត់ទាំងស្រុងតែមួយគត់។

សូមមេត្តាកុំច្រឡំ ការប្រយុទ្ធប្រឆាំងនឹងការជួញដូរសាច់សត្វឆ្កែ និងឆ្មា មិនមែនសំដៅទៅលើអាហារដែលប៉ះពាល់ដល់ប្រជាជន លោកខាងលិច ឬការជជែកវែកញែកពីអ្វីដែលអាចទទួលទានបាន ឬមិនបាននោះទេ។ផ្ទុយទៅវិញវាគឺជាសមរភូមិពាក់ព័ន្ធដល់ការស្លាប់រស់ទាំងសត្វ និងមនុស្ស។វាមិនគ្រាន់តែជាការដោះស្រាយចំពោះភាពឃោរឃៅ និងទុក្ខវេទនារបស់សត្វជាដៃគូរបស់មនុស្សរាប់លានក្បាលប៉ុណ្ណោះទេ ប៉ុន្តែថែមទាំងការពារសហគមន៍ក្នុងតំបន់ ភ្ញៀវទេសចរអន្តរជាតិ និងលើកស្ទួយកេរ្តិ៍ឈ្មោះប្រទេស និងទីក្រុងក្នុងឆាកអន្តរជាតិផងដែរ។ខ្ញុំគ្រាន់តែសង្ឃឹមថាការចែករំលែកបទពិសោធរបស់ខ្ញុំអាចជួយនាំមកនូវការផ្លាស់ប្តូរចំពោះការអនុវត្តដែលនៅសតវត្សរ៍ទី ២១នេះ នឹងគ្មានកន្លែងណាមួយនាំឱ្យមានការឆ្លងរាលដាលជំងឺរាតត្បាតបន្ទាប់ទៀតឡើយ។

ឆ្កែនៅក្នុងទ្រុងមួយនៅអាស៊ីអាគ្នេយ៍

បញ្ឈប់ការជួញដូរសាច់ឆ្កែ និងឆ្មាដ៏ឃោរឃៅ

#ProtectMillions

ចុះហត្ថលេខាឥឡូវនេះ! 
ជីវប្រវត្តិ៖ បណ្ឌិត Katherine Polak

ជីវប្រវត្តិ៖ បណ្ឌិត Katherine Polak

ប្រធានថែទាំសត្វអនាថារបស់អង្គការ FOUR PAWS ប្រចាំអាស៊ីអាគ្នេយ៍ 

បច្ចុប្បន្ននេះ Katherine កំពុងគ្រប់គ្រងកម្មវិធីសត្វដៃគូរបស់ FOUR PAWS នៅអាស៊ីអាគ្នេយ៍ដោយផ្តោតការយកចិត្តទុកដាក់ជាពិសេសទៅលើការប្រយុទ្ធប្រឆាំងនឹងការជួញដូរសាច់ឆ្កែ និងឆ្មាដ៏ឃោរឃៅ។ ក្នុងនាមអ្នកឯកទេសទាំងផ្នែកថែទាំផ្ដល់ទីជម្រក និងការព្យាបាលការពារបសុសត្វ អ្នកនាងបានធ្វើការនៅតាមអង្គការសុខុមាលភាពសត្វ និងអង្គការផ្ដល់ជម្រកថែទាំសត្វជាច្រើននៅអាមេរិកខាងជើង និងអាស៊ី។ ការងារភាគច្រើនរបស់អ្នកនាង គឺផ្ដោតលើការបណ្តុះបណ្តាលបសុពេទ្យ កម្មវិធីបញ្ឈប់កំណើត(គ្រៀវ)ទ្រង់ទ្រាយធំ ​និងគុណភាពខ្ពស់។ Katherine ធ្វើការយ៉ាងជិតស្និទ្ធជាមួយអង្គការដៃគូនានារបស់ FOUR PAWS នៅកម្ពុជា ឥណ្ឌូណេស៊ី វៀតណាម និងថៃ ដើម្បីបង្កើតបណ្តាញដ៏រឹងមាំសម្រាប់កម្មវិធីថែទាំសត្វអនាថានៅក្នុងតំបន់។

Katherine ក៏ជាសាស្ត្រាចារ្យបង្រៀនក្នុងសាកលវិទ្យាល័យនៅសហរដ្ឋអាមេរិក និងពិគ្រោះយោបល់លើប្រធានបទជាច្រើនទាក់ទងនឹងកម្មវិធីគ្រប់គ្រងឆ្មាក្នុងសហគមន៍ទូទាំងពិភពលោក។

Search