ការពិតទាំង១០ អំពីការជួញដូរសាច់ឆ្កែ និងឆ្មានៅអាស៊ីអាគ្នេយ៍
តើអ្នកដឹងទេ?
- អង្គការ FOUR PAWS កំណត់មុខសញ្ញាការជួញដូរសាច់ឆ្កែ និងឆ្មានៅកម្ពុជា វៀតណាម និងឥណ្ឌូណេស៊ី ដោយមានគោលដៅបញ្ឈប់ការជួញដូរដ៏ឃោរឃៅនេះត្រឹមឆ្នាំ២០៣០។
- ឆ្កែរហូតដល់ ៣លានក្បាល ត្រូវបានសម្លាប់ជារៀងរាល់ឆ្នាំដើម្បីយកសាច់សម្រាប់ការជួញដូរនៅកម្ពុជា ៥លានក្បាលជារៀងរាល់ឆ្នាំនៅវៀតណាម និងជាង១លានក្បាលជារៀងរាល់ឆ្នាំនៅឥណ្ឌូណេស៊ី។
- ឆ្កែ និងឆ្មាភាគច្រើនជាសត្វចិញ្ចឹមតាមផ្ទះដែលត្រូវបានលួចទៅ។ ដើម្បីបំពេញតម្រូវការ ពួកឈ្មួញបានទាក់ឆ្កែតាមផ្លូវ ឬលួចចាប់នៅតាមផ្ទះប្រជាជនដែលជាញឹកញាប់ប្រើថ្នាំបំពុល។ សាច់ប្រហិតលាយថ្នាំស៊ីយ៉ានីត (Cyanide) និងនុយប្រឡាក់ថ្នាំស្ទ្រីចនីន (Strychnine) ត្រូវបានប្រើជាទូទៅសម្រាប់បំពុលសត្វ។
- នៅកម្ពុជា សាច់ឆ្កែមួយចានតម្លៃប្រហែល៥០០០រៀល (១,២៣ដុល្លារ)
- នៅកម្ពុជា សាច់ឆ្កែត្រូវបានហៅថា សាច់ពិសេស ហើយជាញឹកញាប់ត្រូវបានទទួលទានជាគ្រឿងក្លែមសម្រាប់ការជួបជុំផឹកស៊ីជាមួយមិត្តភក្ដិ។ ស្ត្រីមានផ្ទៃពោះភាគច្រើនទទួលទានសាច់ឆ្កែដោយសារយល់ថាវាត្រូវជាថ្នាំកែរោគ ដូចជាបន្ទាប់ពីការសម្រាលកូនរួចជាដើម។
- នៅវៀតណាម សាច់ឆ្មាត្រូវបានគេទទួលទាននៅដើមខែចន្ទគតិដើម្បីនាំលាភសំណាងល្អសម្រាប់ខែបន្ទាប់។
- ឆ្កែជាទូទៅត្រូវបានសម្លាប់ដោយជ្រមុជក្នុងទឹក សំពងក្បាល រឹតក ឬឆក់ចរន្តអគ្គិសនីជាដើម ហើយជាញឹកញាប់គឺធ្វើនៅចំពោះមុខឆ្កែដទៃទៀតដែលកំពុងរង់ចាំដល់វេនរបស់ខ្លួនមកដល់។
- ការបរិភោគសាច់ឆ្កែ បានជាប់ពាក់ព័ន្ធនឹងការផ្ទុះឡើងនូវជំងឺទ្រីឈីណូស៊ីស ជំងឺអាសន្នរោគ និងជំងឺឆ្កែឆ្កួតលើមនុស្ស។
- នៅវៀតណាម សាច់ឆ្មា ត្រូវបានគេហៅថា “ខ្លាតូច” ហើយក្លាយជាសាច់ដ៏ពេញនិយមកាន់តែខ្លាំងនៅតាមហាងនានា ពិសេសតំបន់ភាគខាងជើង។
- ឆ្កែ និងឆ្មាខ្មៅ ជាគោលដៅត្រូវប៉ាន់បំផុតដោយសារគេយល់ថាវាត្រូវជាឱសថពិសេស។
