1. សេចក្តីថ្លែងការណ៍អំពីឯកជនភាពទិន្នន័យនេះគឺដើម្បីជូនដំណឹងដល់អ្នកអំពីលក្ខណៈ វិសាលភាព និង​គោលបំណង​នៃ​ការដំណើរការទិន្នន័យផ្ទាល់ខ្លួនដែលទាក់ទងនឹងសេវាកម្មរបស់យើង និង​គេហទំព័រ មុខងារ និង​មាតិកាដែលពាក់ព័ន្ធ (ចាប់ពីពេលនេះ​តទៅ​ហៅកាត់ថា "សេវាកម្មអនឡាញ" ឬ "គេហទំព័រ")។ ព័ត៌មានលម្អិតនៃសកម្មភាពដំណើរការទាំងនេះ​អាច​រកបាន​នៅក្នុងផ្នែកទី 2 ។ 

2. ព័ត៌មានលម្អិតនៃការដំណើរការទិន្នន័យសម្រាប់គោលបំណងអនុវត្ត​ដំណើរការ​អាជីវកម្ម​របស់យើងគឺមាន​ពិពណ៌នានៅក្នុងផ្នែកទី 3 ។ 

3. សេវាកម្មអនឡាញត្រូវបានផ្តល់ជូនដោយអង្គការ​ VIER PFOTEN International ដែល​មាន​អាសយដ្ឋាន​នៅ Linke Wienzeile 236, A​-​1150 Vienna ប្រទេសអូទ្រីស – ចាប់ពីពេលនេះតទៅហៅកាត់ថា “អ្នកផ្តល់សេវា” “យើង” ឬ “ពួកយើង” ដែលជាអ្នក​ទទួលខុសត្រូវ​ផ្នែក​ច្បាប់​នៅ​ក្រោម​ច្បាប់​ស្ដីពី​ការ​ការពារ​ទិន្នន័យផងដែរ។ 

4. សេវាកម្មអនឡាញរបស់យើង​ត្រូវបាន​បង្ហោះនៅលើគេហទំព័រដោយ​ក្រុមហ៊ុន Hetzner Online GmbH ដែលមានអាសយដ្ឋាននៅ Industriestr. 25, 91710 Gunzenhausen ប្រទេសអាល្លឺម៉ង់ និង​ថែទាំ​ដោយ​ក្រុមហ៊ុន web&co ដែលមានអាសយដ្ឋាននៅ Marxergasse 5/24, A-1030 Vienna ប្រទេសអូទ្រីស។ 

5. អ្នកអាច​ទាក់ទង​ទៅកាន់​មន្ត្រីផ្នែកការពារ​ទិន្នន័យ​របស់យើង​តាមរយៈ​អាសយដ្ឋានអ៊ីមែល office@four-paws.org។ 

6. ពាក្យថា "អ្នកប្រើប្រាស់" រាប់​បញ្ចូលទាំងអតិថិជន អ្នក​ដែលចាប់អារម្មណ៍ បុគ្គលិក និង​អ្នកចូលមើល​គេហទំព័រ​សេវាកម្មអនឡាញរបស់យើង​ទាំងអស់។

a. ការយល់ព្រម ស្របតាមមាត្រា 6 កថាខណ្ឌ 1 (a) នៃ​បទប្បញ្ញត្តិស្ដីពីការការពារទិន្នន័យទូទៅ (GDPR) ។ ការយល់ព្រមមានន័យថារាល់ការបង្ហាញការព្រមព្រៀងដោយស្ម័គ្រចិត្ត ជាក់លាក់ ដោយ​ជ្រាប​ព័ត៌មាន​គ្រប់​ស​ព្វ និង​មិន​ស្រពិចស្រពិល ដែល​អាច​មានទម្រង់ជា​សេចក្តីបញ្ជាក់​ ឬ​សកម្មភាព​បញ្ជាក់​ដែល​មិន​ស្រពិច​ស្រពិល​ណាមួយផ្សេងទៀត ដែលត្រូវបានផ្តល់ឱ្យ​ដោយ​ម្ចាស់ទិន្នន័យ​យល់ព្រម​ឱ្យ ដំណើរការ​ទិន្នន័យ​ផ្ទាល់​ខ្លួន​​ដែល​ទាក់ទង​ទៅនឹងគាត់។ 

b. ភាពចាំបាច់សម្រាប់ការអនុវត្តកិច្ចសន្យា ឬដើម្បី​ចាត់វិធានការមុន​ពេល​ចុះកិច្ចសន្យា ស្របទៅតាមមាត្រា 6 កថាខណ្ឌទី 1 (b) នៃបទប្បញ្ញត្តិ GDPR មានន័យថាទិន្នន័យ​ត្រូវបាន​ទាមទារ​ដើម្បី​ឱ្យ​យើងអាច​​បំពេញ​កាតព្វកិច្ច​កិច្ចសន្យា​របស់​យើង​ចំពោះអ្នក ឬ​ការរៀបចំ​ចុះកិច្ចសន្យា​ជាមួយ​អ្នក។ 

c. ការដំណើរការដើម្បីបំពេញកាតព្វកិច្ចផ្លូវច្បាប់ស្របតាមមាត្រា 6 កថាខណ្ឌ 1 (c) នៃបទប្បញ្ញត្តិ GDPR មានន័យថា ឧ. ការដំណើរការ​ទិន្នន័យ​ត្រូវបានទាមទារដោយច្បាប់ ឬ​បទប្បញ្ញត្តិផ្សេងទៀត។ 

d. ការដំណើរការដើម្បីការពារផលប្រយោជន៍ស្របច្បាប់ ស្របតាមមាត្រា 6 កថាខណ្ឌទី 1 (f) នៃ​បទប្បញ្ញត្តិ GDPR មានន័យថាការដំណើរការគឺ​មាន​ភាព​​ចាំបាច់​ដើម្បី​ការពារ​ផលប្រយោជន៍​ស្របច្បាប់​របស់​យើង ឬ​ភាគីទីបី លើកលែងតែ​ផលប្រយោជន៍​ សិទ្ធិ និងសេរីភាពជាមូលដ្ឋាន​របស់​អ្នក​ដែល​ទាមទារ​ការ​ការពារ​​ទិន្នន័យផ្ទាល់ខ្លួនមានសារៈសំខាន់​ជាង​ផលប្រយោជន៍​ស្របច្បាប់​របស់​យើង ឬ​ភាគីទីបី។

អ្នកមានសិទ្ធិដូចខាងក្រោមទាក់ទងនឹងការដំណើរការទិន្នន័យរបស់អ្នក​ដោយពួកយើង៖ 

a. សិទ្ធិក្នុងការ​​ដាក់​ពាក្យបណ្តឹង​ទៅកាន់​អាជ្ញាធរត្រួតពិនិត្យ​ ដោយ​អនុលោម​តាមមាត្រា 13 កថាខណ្ឌ 2 (d) នៃបទប្បញ្ញត្តិ GDPR និងមាត្រា 14 កថាខណ្ឌ 2 (e) នៃបទប្បញ្ញត្តិ GDPR 

b. សិទ្ធិក្នុងការចូលមើល​ទិន្នន័យ ដោយអនុលោមតាមមាត្រា 15 នៃបទប្បញ្ញត្តិ GDPR 

c. សិទ្ធិក្នុងការកែតម្រូវស្របតាមមាត្រា 16 នៃបទប្បញ្ញត្តិ GDPR 

d. សិទ្ធិក្នុងការលុបចោល ("សិទ្ធិទាមទារឱ្យលុបទិន្នន័យរបស់ខ្លួន") ស្របតាមមាត្រា 17 នៃបទប្បញ្ញត្តិ GDPR 

e. សិទ្ធិក្នុងការដាក់កម្រិត​ការដំណើរការទិន្នន័យ ស្របតាមមាត្រា 18 នៃបទប្បញ្ញត្តិ GDPR 

f. សិទ្ធិក្នុងការផ្ទេរទិន្នន័យដោយអនុលោមតាមមាត្រា 20 នៃបទប្បញ្ញត្តិ GDPR 

g. សិទ្ធិក្នុងការបដិសេធស្របតាមមាត្រា 21 នៃបទប្បញ្ញត្តិ GDPR 

ការជូនដំណឹង៖ អ្នកប្រើប្រាស់អាចបដិសេធការដំណើរការទិន្នន័យផ្ទាល់ខ្លួនរបស់ពួកគេ នៅពេលណាក៏បាន តាម​ដែលច្បាប់អនុញ្ញាត ហើយនឹងមានប្រសិទ្ធភាពចាប់ពីពេលនោះតទៅអនាគត។ ជាពិសេស គឺអាច​បដិសេធ​ទៅ​នឹងការ​ដំណើរការទិន្នន័យ​សម្រាប់​គោលបំណង​ផ្សព្វផ្សាយទីផ្សារដោយផ្ទាល់ (direct marketing)។ 

អ្នកមានសិទ្ធិដាក់ពាក្យបណ្តឹងទៅកាន់​អាជ្ញាធរត្រួតពិនិត្យ ជាពិសេស​នៅក្នុង​ប្រទេស​ជា​សមាជិក​ដែល​អ្នក​រស់នៅ ធ្វើការ ឬ​កន្លែង​ដែល​ការបំពាន​ដែលត្រូវបានចោទប្រកាន់បានកើតឡើង ដោយ​មិន​ប៉ះពាល់​ដល់​សិទ្ធិ​របស់​អ្នក​ក្នុងការប្រើប្រាស់ដំណោះស្រាយផ្នែករដ្ឋបាល ឬ​ផ្នែកច្បាប់​ផ្សេងទៀត​នោះទេ ប្រសិនបើ​អ្នកជឿថា​ការដំណើរការ​ទិន្នន័យ​ផ្ទាល់ខ្លួន​របស់​អ្នក​ បំពានទៅនឹង​បទប្បញ្ញត្តិ GDPR ។

ទិន្នន័យផ្ទាល់ខ្លួនរបស់ម្ចាស់ទិន្នន័យនឹងត្រូវបានលុបចោល ឬ​បិទចោល​ភ្លាមៗ នៅពេល​ដែល​គោលបំណង​នៃ​ការរក្សាទុកលែងចាំបាច់។ ទិន្នន័យ​អាចនឹង​ត្រូវបានរក្សាទុកយូរជាង​នេះ ប្រសិនបើមានការតម្រូវពី​សមាជិក​​​សភា​នៅ​អឺរ៉ុប ឬក្នុងប្រទេសជាក់លាក់ដែលបង្កើតបទប្បញ្ញត្តិ ឬ​ច្បាប់​​នៅ​ក្រោម​ប្រព័ន្ធ​ច្បាប់​របស់​សហភាព​អឺរ៉ុប ឬច្បាប់របស់ប្រទេសនោះ ។ ទិន្នន័យក៏នឹងត្រូវបានបិទ ឬលុបចោលផងដែរ នៅពេល​ផុត​កំណត់​​​រយៈពេលរក្សាទុកដែលកំណត់ដោយស្តង់ដារដែលបានរៀបរាប់ លុះត្រាតែមានការតម្រូវឱ្យ​រក្សាទុក​ទិន្នន័យ​បន្ត​សម្រាប់ការរៀបចំ​ចុះកិច្ចសន្យា ឬការបំពេញកាតព្វកិច្ចតាមកិច្ចសន្យា។

1. យើងបានអនុវត្តវិធានការសុវត្ថិភាពផ្នែកបច្ចេកទេស និងស្ថាប័ន (TOMs) ដែលសមស្រប និងទំនើប។ ដូច្នេះ ទិន្នន័យ​ដែលត្រូវបាន​ដំណើរការ​ដោយពួកយើងគឺ​ត្រូវបាន​ការពារ​ពីការក្លែងបន្លំ ការខាតបង់ ការខូចខាត និង​ការចូលប្រើប្រាស់ដោយគ្មានការអនុញ្ញាតជាយថាហេតុ ឬដោយចេតនា។ 

2. វិធានការសុវត្ថិភាពទាំងនេះរួមបញ្ចូលជាពិសេសដូចជាការផ្ទេរ​ទិន្នន័យ​ដែលត្រូវបានធ្វើកូដនីយកម្ម​រវាងកម្មវិធីរុករករបស់អ្នក និងម៉ាស៊ីនមេរបស់យើង។

1. ការផ្ទេរទិន្នន័យផ្ទាល់ខ្លួនទៅភាគីទីបីអាចធ្វើទៅបាន​​តែ​ក្នុង​ក្របខណ្ឌដែលមាន​តម្រូវការ​ផ្លូវ​ច្បាប់​តែ​ប៉ុណ្ណោះ។ យើងបញ្ចេញទិន្នន័យផ្ទាល់ខ្លួនរបស់អ្នកប្រើប្រាស់ទៅកាន់ភាគីទី ប្រសិនបើមានការតម្រូវ ឧ. សម្រាប់​គោលបំណងចេញវិក្កយបត្រ ឬគោលបំណងផ្សេងទៀត ប្រសិនបើ​ការបញ្ចេញទិន្នន័យ​គឺ​ចាំបាច់​ដើម្បី​ធានា​ការបំពេញកាតព្វកិច្ចតាមកិច្ចសន្យាចំពោះអ្នកប្រើប្រាស់។ 

2. ប្រសិនបើយើងឱ្យអ្នកម៉ៅការបន្តចូលរួម​នៅក្នុង​សេវាកម្ម​អនឡាញ​របស់​យើង គឺយើងបាន​រៀបចំ​កិច្ចសន្យា​សមស្រប ក៏ដូចជា​វិធានការផ្នែក​បច្ចេកទេស និងស្ថាប័នគ្រប់គ្រាន់ជាមួយក្រុមហ៊ុនទាំងនេះរួចហើយ។ 

3. ប្រសិនបើយើងប្រើប្រាស់មាតិកា ឧបករណ៍ ឬ​មធ្យោបាយ​ផ្សេងទៀត​ពី​ក្រុមហ៊ុនដទៃទៀត (ចាប់ពីពេល​នេះ​តទៅហៅកាត់ថា "អ្នកផ្តល់សេវា​ជាភាគីទីបី") ដែលមាន​ទីតាំង​​ការិយាល័យ​ចុះបញ្ជី​ស្ថិត​នៅ​ក្នុង​ប្រទេស​ទីបី​ យើង​អាច​សន្មត់បាន​ថា​មានការ​ផ្ទេរទិន្នន័យ​ទៅកាន់​ប្រទេសកំណើត​របស់​អ្នកផ្តល់សេវា​ជា​ភាគី​ទីបី​ទាំងនេះ។ ទិន្នន័យផ្ទាល់ខ្លួនអាច​ត្រូវបានផ្ទេរ​ទៅកាន់​​ប្រទេស​ទីបី​បាន ប្រសិនបើ​ការការពារ​ទិន្នន័យ​មាន​កម្រិត​គ្រប់គ្រាន់ មានការយល់ព្រមពីអ្នកប្រើប្រាស់ ឬ​​ការអនុញ្ញាត​ផ្លូវច្បាប់​ផ្សេងទៀត​។

1. នៅពេលប្រើប្រាស់សេវាកម្មអនឡាញរបស់យើង ព័ត៌មាន​អាចនឹង​​ត្រូវ​បាន​ផ្ទេរ​ដោយស្វ័យប្រវត្តិ​ពី​កម្មវិធី​រុករក​របស់អ្នកប្រើប្រាស់មកកាន់យើង។ ព័ត៌មាននេះរួមមាន ឈ្មោះគេហទំព័រដែលបានចូលប្រើ, ឯកសារ, កាលបរិច្ឆេទ, និងពេលវេលានៃការចូលប្រើ, បរិមាណ​នៃ​ទិន្នន័យ​ដែល​បាន​ផ្ទេរ, ការជូនដំណឹង​អំពី​ការចូល​ប្រើ​ដោយជោគជ័យ, ប្រភេទ និង​កំណែ​កម្មវិធីរុករក, ប្រព័ន្ធប្រតិបត្តិការរបស់អ្នកប្រើប្រាស់, URL ដើម (ទំព័រ​ដែល​បាន​ចូលមើលពីមុន), អាសយដ្ឋាន IP, និងក្រុមហ៊ុន​ផ្តល់សេវាអ៊ីនធើណិត​ដែលស្នើផ្ទុកគេហទំព័រ។ 

2. ការដំណើរការព័ត៌មាននេះធ្វើឡើងដោយផ្អែកលើផលប្រយោជន៍​ស្របច្បាប់​ ស្របតាមមាត្រា 6 កថាខណ្ឌទី 1 (f) នៃបទប្បញ្ញត្តិ GDPR (ឧ. ដើម្បីបង្កើនប្រសិទ្ធភាពសេវាកម្មអនឡាញ) ក៏ដូចជា​ធានា​សុវត្ថិភាព​នៃការ​ដំណើរការទិន្នន័យស្របតាមមាត្រា 5 កថាខណ្ឌ 1 (f) នៃបទប្បញ្ញតិ GDPR (ឧ. សម្រាប់​គោលបំណង​ការពារ និង​ការបំភ្លឺអំពី​ការវាយប្រហារតាមអ៊ីនធឺណិត)។ 

3. ព័ត៌មាននេះនឹងត្រូវបានលុបចោលដោយស្វ័យប្រវត្តិក្នុងរយៈពេល 30 ថ្ងៃ​បន្ទាប់​ពីការបញ្ចប់នៃការតភ្ជាប់ លើកលែងតែ​រយៈពេល​រក្សាទុក​ទាមទារ​ផ្សេងពីនេះ។ 

4. ការប្រមូលទិន្នន័យ និង​ការរក្សាទុក​ទិន្នន័យ​ក្នុង​ឯកសារកំណត់ត្រា​ មាន​សារៈសំខាន់​សម្រាប់​ការ​ផ្តល់​សេវាកម្ម​អនឡាញ។ ដូច្នេះ អ្នកប្រើប្រាស់​មិនមានសិទ្ធិទទួលបានជម្រើសនៃការលុបចោល ការជំទាស់ ឬ​ការ​កែតម្រូវ​ឡើយ។

ក្រុមហ៊ុន​ JENTIS 

1. យើងប្រើប្រាស់សេវាកម្មរបស់ក្រុមហ៊ុន JENTIS GmbH ដែលមានអាសយដ្ឋាននៅ Schönbrunner Straße 231, 1120 Vienna ប្រទេសអូទ្រីស (ហៅថាក្រុមហ៊ុន "JENTIS")។ ក្រុមហ៊ុន JENTIS ផ្តល់​ដំណោះស្រាយ​តាមដានផ្នែកខាងម៉ាស៊ីនមេ ដែល​អនុញ្ញាត​ឱ្យ​យើង​អាចវិភាគ​ឥរិយាបថ​អ្នកប្រើប្រាស់​នៅលើ​គេហទំព័រ​របស់​យើង និង​បង្កើន​ការអនុលោមតាម​ឯកជនភាព​របស់ខ្លួន​ទាក់ទង​នឹង​ការអនុវត្ត​ឧបករណ៍​របស់​អ្នក​ផ្តល់សេវាជាភាគីទីបីផ្សេងទៀត។ 

2. ក្រុមហ៊ុន JENTIS អនុញ្ញាតឱ្យយើងអាចគ្រប់គ្រងលំហូរទិន្នន័យ ខណៈពេលដែលធានាបាន​ថា​អ្នកផ្តល់​សេវា​ជា​ភាគីទីបី​ទទួលបាន​តែ​ព័ត៌មាន​ចាំបាច់ និងដែលបានដំណើរការជាមុនប៉ុណ្ណោះ។ ការធ្វើបែបនេះ​អនុញ្ញាត​​ឱ្យយើងអាច​​ដាក់កំណត់ចំពោះ​ការចូលប្រើប្រាស់​ទិន្នន័យអ្នកប្រើប្រាស់/ទិន្នន័យ​ការប្រើប្រាស់​ដោយ​ផ្ទាល់​​ដោយ​ភាគីទីបី តាមករណីនីមួយៗ បង្កើនសុវត្ថិភាព និងបង្កើនប្រសិទ្ធភាពនៃការវិភាគ ខណៈពេល​ដែល​កាត់បន្ថយបាន​ការពឹងផ្អែកលើឃុកឃី និងកូដស្គ្រីបរបស់ភាគីទីបី។ 

3. ក្រុមហ៊ុន JENTIS ប្រើប្រាស់ឃុកឃីជាក់លាក់ និងបច្ចេកវិទ្យាស្រដៀងគ្នា ដែលចាំបាច់​សម្រាប់​ប្រតិបត្តិការ​​នៃសេវាកម្មទាំងមូល។ ឃុកឃីដែលរក្សាទុកនៅលើឧបករណ៍អេឡិចត្រូនិករបស់អ្នកប្រើ នៅ​ពេល​​ចូលប្រើគេហទំព័រមានរយៈពេលរហូតដល់ 390 ថ្ងៃ។ 

4. មូលដ្ឋានច្បាប់សម្រាប់ដំណើរការគឺជាផលប្រយោជន៍ស្របច្បាប់​របស់​យើង (មាត្រា 6 កថាខណ្ឌទី 1 (f) នៃបទប្បញ្ញត្តិ GDPR) ក្នុងការ​ធានា​​បាន​នូវ​ប្រតិបត្តិការ​ប្រកប​ដោយ​ប្រសិទ្ធភាព​សេដ្ឋកិច្ច​នៃគេហទំព័រ​របស់ យើង ដោយប្រើប្រាស់ឧបករណ៍វិភាគគេហទំព័រដែលគោរពឯកជនភាព និង​ធ្វើឱ្យការដំណើរការ​នៃ​គេហទំព័រ​ល្អប្រសើរឡើង ខណៈពេល​ដែល​ដាក់កំណត់ការប្រមូល និងការចែករំលែកទិន្នន័យដែលមិនចាំបាច់ (កាត់​បន្ថយ​ការប្រមូលទិន្នន័យ)។ 

5. ព័ត៌មានលម្អិតបន្ថែមអំពីការអនុវត្តដំណើរការទិន្នន័យរបស់ក្រុមហ៊ុន JENTIS អាចរកបាននៅ៖ https://www.jentis.com/en/privacy-policy/ ។ 

___ 

កម្មវិធីគ្រប់គ្រង​កូដតាមដាន​លើគេហទំព័ររបស់ Google (Google Tag Manager) 

1. គេហទំព័រនេះប្រើកម្មវិធី Google Tag Manager ។ សេវាកម្មនេះអនុញ្ញាតឱ្យមានការគ្រប់គ្រង​កូដ​តាមដាន​លើគេហទំព័រ​តាមរយៈផ្ទាំងមួយ។ កម្មវិធី Google Tag Manager អនុវត្តតែកូដ​តាមដាន​តែ​ប៉ុណ្ណោះ វាមិនកំណត់ឃុកឃី និងមិនប្រមូលទិន្នន័យផ្ទាល់ខ្លួនណាមួយឡើយ។ កម្មវិធី Google Tag Manager បើកឱ្យកូដតាមដានផ្សេងទៀតដែល​អាច​ប្រមូលទិន្នន័យផ្ទាល់ខ្លួន​បាន។ ប៉ុន្តែ កម្មវិធី Google Tag Manager នេះ​មិនដំណើរការ​ទិន្នន័យ​នេះទេ។ 

2. ប្រសិនបើការតាមដានត្រូវបានបិទនៅកម្រិតដូមែន ឬឃុកឃី ការបិទនោះ​នឹង​អនុវត្ត​ចំពោះ​កូដតាមដាន​ទាំង​អស់ដែលបានដាក់តាមរយៈកម្មវិធី Google Tag Manager ផងដែរ។

មុខងារ Google Analytics 

1. យើងប្រើប្រាស់មុខងារ Google Analytics ដែលជា​សេវាកម្ម​វិភាគ​គេហទំព័រ​របស់ក្រុមហ៊ុន Google Ireland Limited (Gordon House Barclays Dublin Ireland - ចាប់ពីពេលនេះតទៅហៅកាត់ថា "Google") ដោយផ្អែកលើការយល់ព្រមរបស់អ្នក សម្រាប់ការវិភាគ ការបង្កើនប្រសិទ្ធភាព និង​ប្រតិបត្តិការ​សេដ្ឋកិច្ច​នៃ​ការផ្តល់ជូន​តាម​អ៊ីនធឺណិត​របស់យើងស្របតាមមាត្រា 6 កថាខណ្ឌទី 1 (a) នៃបទប្បញ្ញត្តិ GDPR ។ Google ប្រើឃុកឃី និងបច្ចេកវិទ្យាផ្សេងទៀត។ ព័ត៌មានដែលត្រូវបានទាញយក​ដោយ​សេវាកម្ម​អំពី​ការប្រើប្រាស់​ការផ្តល់ជូន​តាមអ៊ីនធឺណិត​ដោយអ្នកប្រើប្រាស់​ត្រូវបាន​បញ្ជូន​ទៅ​ម៉ាស៊ីនមេរបស់ Google នៅសហរដ្ឋអាមេរិក ហើយ​ដំណើរការ​នៅទីនោះ។ 

2. Google ធ្វើ​សកម្មភាព​ជំនួស​យើង​ក្នុង​ក្របខណ្ឌ​នៃការ​ដំណើរការតាម​ការបញ្ជាទិញស្របតាមមាត្រា 28 នៃបទប្បញ្ញត្តិ GDPR ។ យើងបានរៀបចំចុះកិច្ចព្រមព្រៀងស្ដីពីការការពារទិន្នន័យជាមួយ Google ដែល​រួម​មាន​ខចែងស្ដីពីការ​ការពារ​ទិន្នន័យតាម​ស្តង់ដារ​សហភាព​អឺរ៉ុប។ 

3. យើងប្រើប្រាស់មុខងារ Google Analytics ដោយបើកដំណើរការ IP អនាមិក។ 

4. មុខងារ Google Analytics រក្សាទុក​ឃុកឃី​នៅក្នុង​កម្មវិធីរុករក​លើ​គេហទំព័រ​របស់​អ្នក​រយៈពេល​ពីរឆ្នាំ​រាប់​ចាប់​ពី​ការចូលមើល​ចុងក្រោយ​របស់អ្នក។ ឃុកឃីទាំងនេះរួមមានលេខ​សម្គាល់​អ្នកប្រើប្រាស់​ដែល​ត្រូវ​បាន​បង្កើត​​ដោយ​ចៃដន្យ ដែល​អាច​ត្រូវបាន​ប្រើ​ដើម្បី​ស្គាល់​អ្នក​នៅ​ពេលអ្នក​ចូល​មើល​គេហទំព័រ​នាពេលអនាគត។ អ្នក​ប្រើប្រាស់​​អាចទប់ស្កាត់កុំឱ្យមាន​ការរក្សាទុក​ឃុកឃីបាន​តាមរយៈ​​ការ​កំណត់​​សូហ្វវែរកម្មវិធី​រុករក​របស់​ពួកគេទៅ​តាមនោះ។ អ្នកប្រើប្រាស់​ក៏អាច​ទប់ស្កាត់កុំឱ្យមានការប្រមូលទិន្នន័យដែលទាញយក​ដោយឃុកឃី និង​ទិន្នន័យ​​ដែល​​​ទាក់ទង​​នឹង​ការប្រើប្រាស់​​ការផ្តល់ជូនតាមអ៊ីនធឺណិត​របស់ពួកគេទៅ Google ក៏​ដូច​ជា​ការ​ដំណើរការទិន្នន័យនេះដោយ Google ផងដែរ ដោយការទាញយក និង​ដំឡើង​កម្មវិធី​ជំនួយនៅក្នុងកម្មវិធី​រុករក​ដែលមាននៅតំណខាងក្រោម៖ https://tools.google.com/dlpage/gaoptout?hl=en ។ 

5. ទិន្នន័យដែលបានកត់ត្រាត្រូវបានរក្សាទុករួមគ្នាជាមួយនឹង​លេខសម្គាល់​អ្នកប្រើប្រាស់​ដែល​ត្រូវ​បាន​បង្កើត​ដោយចៃដន្យ ដែល​អាច​ឱ្យ​មាន​ការវាយតម្លៃ​ប្រូហ្វាល់អ្នកប្រើប្រាស់ដែលប្រើព័ត៌មានក្លែងក្លាយបាន។ ទិន្នន័យ​ដែលទាក់ទងនឹងអ្នកប្រើប្រាស់នេះនឹងត្រូវបានលុបចោល​ដោយ​ស្វ័យប្រវត្តិបន្ទាប់ពីរយៈពេល 26 ខែ។ ទិន្នន័យផ្សេងទៀតត្រូវបានរក្សាទុកជាទម្រង់ស្ថិតិដែលមិនអាចកំណត់​អត្តសញ្ញាណអ្នកប្រើប្រាស់បាន ហើយ​ត្រូវបានរក្សាទុកជារៀងរហូត។ 

6. សម្រាប់ព័ត៌មានបន្ថែមអំពីការប្រើប្រាស់ទិន្នន័យដោយ Google ការកំណត់ និងជម្រើសនៃការលុបចោល សូម​ចូលទៅកាន់គេហទំព័ររបស់ Google៖ 

• https://policies.google.com/technologies/partner-sites (“ការប្រើប្រាស់ទិន្នន័យដោយ Google នៅពេលអ្នកប្រើគេហទំព័រ ឬកម្មវិធីរបស់ដៃគូរបស់យើង”)។ 
• https://policies.google.com/technologies/ads (“ការប្រើប្រាស់ទិន្នន័យសម្រាប់គោលបំណងផ្សាយពាណិជ្ជកម្ម”) 
• https://adssettings.google.com/authenticated (“គ្រប់គ្រងព័ត៌មានដែល Google ប្រើ​ដើម្បី​បង្ហាញការផ្សាយ​ពាណិជ្ជកម្ម​ដល់អ្នក”)។ 

___ 

AB Tasty 

យើងប្រើប្រាស់សេវាកម្មវិភាគគេហទំព័រ AB Tasty ពីក្រុមហ៊ុន AB TASTY SAS (17-19 Rue Michel-le-Comte, 75003 ទីក្រុងប៉ារីស ប្រទេសបារាំង)។ សេវាកម្មនេះត្រូវបានប្រើដើម្បីអនុវត្តការធ្វើតេស្ត A/B ឬ​ពហុវ៉ារ្យង់ ហើយ​ដូច្នេះ​វាបន្ត​ធ្វើឱ្យការ​ផ្តល់ជូនតាមអ៊ីនធឺណិតរបស់យើងមានភាព​ប្រសើរឡើង​។ ព័ត៌មាន​បន្ថែម​ស្តីពីការដំណើរការទិន្នន័យរបស់អ្នកអាចរកបាននៅ៖ https://www.abtasty.com/privacy-policy/ 

ការប្រមូលទិន្នន័យនៃការប្រើប្រាស់ និងការវាយតម្លៃស្ថិតិ 

សេវាកម្ម AB Tasty ប្រមូល​ព័ត៌មាន​ស្ថិតិ​អំពី​ការចូលប្រើប្រាស់​របស់អ្នកចូលមើល។ ព័ត៌មាន​នេះ​គឺជា​ទិន្នន័យ​​នៃការប្រើប្រាស់ (កម្មវិធីរុករកដែលបានប្រើ, ចំនួន​ទំព័រ​ដែល​បាន​មើល, ចំនួន​នៃ​ការចូលមើល, លំដាប់​នៃការចូលមើល, រយៈពេល​នៃការចូលមើល, សកម្មភាព​អន្តរកម្ម​ដូចជា​ការដាក់/ដកទំនិញចូល-ចេញពីកន្ត្រក, ការកត់ត្រា​ការប្រើប្រាស់​គេហទំព័រ​នីមួយៗ (លើកលែងតែពេលដំណើរការទូទាត់​ និង​ក្នុង​ដំណើរការ​ចុះឈ្មោះ) ។ល។) ដែលត្រូវបានប្រមូលដោយអនាមិក និងវាយតម្លៃស្ថិតិ។ សម្រាប់​ការ​ដំណើរការ​នេះ គឺមិនអាច​ធ្វើការសន្និដ្ឋាន​អំពី​បុគ្គល​ជាក់លាក់​ណាម្នាក់នៅពេលណាមួយឡើយ។ 

ការកំណត់ទីតាំងភូមិសាស្ត្រ 

លើសពីនេះទៀត សេវាកម្ម AB Tasty ដំណើរការអាសយដ្ឋាន IP របស់​អ្នក​ដើម្បី​កំណត់​ទីតាំង​ភូមិសាស្ត្រ​របស់​អ្នកចូលមើលគេហទំព័ររបស់​អង្គការហ្វ័រផរ ដែលជាផ្នែកមួយនៃពិធីការ TCP/IP ។ (ព័ត៌មាន​លម្អិត​អំពី​តំបន់នៃទីតាំងរបស់អ្នក)។ អាសយដ្ឋាន IP ត្រូវបាន​ប្រើ​ដើម្បី​ទាញយក​ទីតាំង​ភូមិសាស្ត្រ​របស់​អ្នកចូល​មើល​តាមមាត្រដ្ឋានទូទាំងទីក្រុង។

ការដំណើរការនេះ​ធ្វើឡើងនៅប្រទេសប៊ែលហ្សិក តាមរយៈក្រុមហ៊ុន Google Ireland (GCP) ដែលជាអ្នកដំណើរការរង (subprocessor) របស់ AB Tasty។ 

ទិន្នន័យផ្ទាល់ខ្លួនខាងក្រោមនឹងត្រូវបានដំណើរការដោយផ្អែកតាមទីតាំង​ភូមិសាស្ត្រ៖ 

o   អាសយដ្ឋាន IP របស់អ្នកចូលមើលគេហទំព័ររបស់អង្គការហ្វ័រផរ 

មូលដ្ឋានច្បាប់សម្រាប់ការដំណើរការគឺការយល់ព្រមរបស់អ្នក ដោយអនុលោមតាមមាត្រា 6 (1) (a) នៃ​បទប្បញ្ញត្តិ GDPR ។ អ្នកអាចដកការយល់ព្រមរបស់អ្នកវិញនៅពេលណាក៏បាន។ ការដកការយល់ព្រម​មិន​ប៉ះពាល់​ដល់ភាពស្របច្បាប់នៃការដំណើរការ​ដោយផ្អែកលើការយល់ព្រមមុនពេលដកការយល់ព្រម​នោះទេ។ 

បន្ទាប់ពីការ​កំណត់​ទីតាំងភូមិសាស្ត្រ ដែល​កើតឡើង​នៅពេល​អ្នក​ចូល​ទៅ​កាន់​គេហទំព័រ​ភ្លាមៗ​បន្ទាប់​ពី​អ្នក​យល់ព្រម អាសយដ្ឋាន IP របស់​អ្នក​នឹង​ត្រូវ​បានលុបចោលភ្លាមៗ ហើយនឹងមិនត្រូវបានរក្សាទុកទេ។ 

ការបង្កើតគំរូផ្ទាល់ខ្លួន 

ដើម្បីបង្ហាញមាតិកាដែលបំពេញតាមចំណាប់អារម្មណ៍របស់អ្នក គំរូផ្ទាល់ខ្លួនត្រូវបានបង្កើតឡើង។ គំរូ​នេះ​ត្រូវ​បានធ្វើកូដនីយកម្ម។ 

កត្តាខាងក្រោមនឹងត្រូវយកមកពិចារណានៅពេលបង្កើតមាតិកា​ជាក់លាក់ចំពោះប្រូហ្វាល់របស់អ្នក ហើយ​ភ្ជាប់​ទៅអាសយដ្ឋាន IP របស់អ្នក៖ 

• ការចុច 
• ការអូស mouse កាត់ 
• ការមើលទំព័រ 
• ប្រតិបត្តិការ 
• ការចូលមកគេហទំព័រមើលតែមួយទំព័រ បន្ទាប់មកចេញទៅវិញដោយមិនចុច ឬធ្វើអ្វីផ្សេងទៀត 
• ការអូស 
• ចំនួនវិនាទីនៅលើទំព័រ 
• ការបំពេញទម្រង់ 
• ការផ្ទៀងផ្ទាត់ភាពត្រឹមត្រូវ 
• ការអាប់ឡូត/ដោនឡូត 
• ធាតុមួយដែលបង្ហាញនៅលើផ្ទៃអេក្រង់ដែលអាចមើលឃើញ (ផ្នែកលើនៃទំព័រដែលមើលឃើញភ្លាមៗ) 
• ។ល។ 

មូលដ្ឋានច្បាប់សម្រាប់ការដំណើរការគឺការយល់ព្រមរបស់អ្នក ដោយអនុលោមតាមមាត្រា 6 (1) (a) នៃ​បទប្បញ្ញត្តិ GDPR ។ អ្នកអាចដកការយល់ព្រមរបស់អ្នកវិញនៅពេលណាក៏បាន។ ការដក​ការយល់ព្រម​មិន​ប៉ះពាល់ដល់ភាពស្របច្បាប់នៃការដំណើរការ​ដោយផ្អែកលើការយល់ព្រមមុនពេលដកការយល់ព្រម​នោះទេ។ 

គំរូផ្ទាល់ខ្លួនរបស់អ្នកនឹងត្រូវបានរក្សាទុកក្នុងរយៈពេល 13 ខែ ហើយ​នឹង​ត្រូវ​បានលុបចោលដោយស្វ័យប្រវត្តិ ឬ​រហូត​ដល់​អ្នក​លុបចោល​ការយល់ព្រមរបស់អ្នក។ 

ឃុកឃី 

ឃុកឃីត្រូវបានរក្សាទុកដើម្បីរក្សាទុក និង​ស្គាល់អ្នកចូលមើលគេហទំព័រ។ AB Tasty ដាក់​ឃុកឃី​ខាងក្រោម​នៅលើឧបករណ៍ប្រើប្រាស់​របស់​អ្នកចូលមើលគេហទំព័រ ឬនៅលើឧបករណ៍ដែលបានភ្ជាប់៖ 

A) ឃុកឃីបច្ចេកទេសសុទ្ធសាធចំនួនពីរ៖ 
1. ឃុកឃី “ABTasty”៖ វា​ពិនិត្យ​មើល​ថាតើ​ឧបករណ៍ប្រើប្រាស់​របស់​អ្នកចូលមើល​​អាច​ផ្ដល់ការអនុញ្ញាត​តាម​លក្ខណៈ​បច្ចេកទេសឱ្យរក្សាទុក​ឃុកឃី ឬផ្ទុយទៅវិញ ថាតើវាបដិសេធឬអត់។ 
2. ឃុកឃី “ABTastyDomainTest”៖ វាបញ្ជាក់ថា JS Tag កំពុង​ដំណើរការ​លើ URL របស់អតិថិជន។ 

អាយុកាល​នៃឃុកឃីទាំងពីរនេះគឺត្រឹមតែមួយប៉ព្រិចភ្នែកប៉ុណ្ណោះ។ ឃុកឃីទាំងនេះ​ត្រូវបាន​លុបភ្លាមៗ​ចេញពី​ឧបករណ៍ប្រើប្រាស់​របស់​អ្នកចូល​មើល។ 

B) ឃុកឃីមិនមែនបច្ចេកទេសចំនួនពីរ៖ 
1. ឃុកឃី “ABTastySession”៖ វា​រក្សាទុក​ទំព័រ​មកដល់​របស់អ្នកចូល​មើល, ការបើកវគ្គថ្មី​របស់​អ្នក​ចូល​មើល, និង​ទិន្នន័យផ្នែក​មុខងារបច្ចេកទេសផ្សេងទៀត។ វាត្រូវបានលុបចោល​ក្នុងរយៈពេល 30 នាទី​បន្ទាប់ពី​ទំព័រ​ចុងក្រោយ​ដែលបានមើលដោយអ្នកចូល​មើល។ 
2. ឃុកឃី “ABTasty”៖ វា​រក្សាទុក​ព័ត៌មាន​អាកប្បកិរិយា​របស់​អ្នកចូលមើល​គេហទំព័រ ឬ​ឧបករណ៍​ភ្ជាប់​ផ្សេង​ទៀត​របស់អតិថិជន និងជាពិសេស លេខសម្គាល់អ្នកចូល​មើល​អនាមិក ដែល​អនុញ្ញាត

ឱ្យ​ប្រមូល​ព័ត៌មាន​អនាមិក​​ដែលទាក់ទងនឹងអាកប្បកិរិយារបស់អ្នកចូល​មើល ហើយ​ដែល​ត្រូវបានភ្ជាប់ទៅ៖ 

i. ម៉ាស៊ីនដែលបានប្រើ (ឧបករណ៍) ដោយអ្នកចូលមើល; 
ii. កម្មវិធីរុករកដែលប្រើដោយអ្នកចូលមើល និង; 
iii. សកម្មភាពរាងកាយដែលធ្វើឡើងដោយអ្នកចូលមើល (ឧ. ការប្រើក្តារចុច, mouse កុំព្យូទ័រ, ឬ​ឧបករណ៍​ផ្សេង​ទៀតនៅលើក្តារចុច tactile) ។ 

ព័ត៌មាន​ទាំងនេះមានរយៈពេលរក្សាទុលអតិបរមា 13 ខែ ហើយបន្ទាប់មក​ត្រូវបានលុបចោល​ដោយ​ស្វ័យប្រវត្តិ។ 

មូលដ្ឋានច្បាប់​សម្រាប់ឃុកឃីមិនមែនបច្ចេកទេសទាំងពីរគឺជាការ​យល់ព្រម​របស់អ្នក​ដោយ​អនុលោម​តាម​មាត្រា 6 (1) (a) នៃបទប្បញ្ញត្តិ GDPR ។ អ្នកអាចដកការយល់ព្រមរបស់អ្នកវិញនៅពេលណាក៏បាន។ ការដកការយល់ព្រមមិនប៉ះពាល់ដល់ភាពស្របច្បាប់នៃការដំណើរការ​ដោយផ្អែកលើ​ការយល់ព្រម​មុន​ពេល​ដក​ការយល់ព្រម​នោះទេ។ 

___ 

Cloudflare 

នៅលើគេហទំព័ររបស់យើង Cloudflare ត្រូវបានប្រើ​ជា​បណ្តាញ​ចែកចាយមាតិកា (CDN)។ Cloudflare គឺជាសេវាកម្មរបស់ក្រុមហ៊ុន Cloudflare Inc. ដែលមានអាសយដ្ឋាននៅ 101 Townsend Street, San Francisco រដ្ឋកាលីហ្វ័រញ៉ា 94107 សហរដ្ឋអាមេរិក (ហៅថា “Cloudflare”)។ 

ចំណាំ៖ នៅក្នុងវិសាលភាពនៃសេវាកម្មនេះ ទិន្នន័យ​ត្រូវ​បាន​ផ្ទេរ​ទៅ​សហរដ្ឋអាមេរិក ឬការផ្ទេរបែបនេះមិនអាចដកចេញបានទេ។ 

CDN គឺជា​សេវាកម្មមួយ​ដែល​ជួយ​យើង​ក្នុងការ​ផ្តល់​នូវ​មាតិកា​ពី​គេហទំព័រ​របស់​យើង ជាពិសេស​ឯកសារ​ប្រព័ន្ធ​ផ្សព្វផ្សាយធំៗ ដូចជារូបភាព ដោយ​ប្រើ​ម៉ាស៊ីនមេក្នុងតំបន់ និងភ្ជាប់​អ៊ីនធឺណិត​ដើម្បី​ចែកចាយបាន​​រហ័ស​​ជាង​មុន។ ការចែកចាយ​មាតិកា​តាមរយៈ​ម៉ាស៊ីនមេ​នៅជិត​អ្នក​កាត់បន្ថយ​ពេលវេលាផ្ទុក​គេហទំព័រ​ជាមធ្យម។ 

Cloudflare រួមចំណែកទាំងការបង្កើនប្រសិទ្ធភាពគេហទំព័រ និងសេវាកម្មសុវត្ថិភាព។ Cloudflare ទប់ស្កាត់​ការ​គំរាមកំហែង និង​ដាក់កំណត់​ការប្រើប្រាស់​ធនធាន​ម៉ាស៊ីនមេខុស និងទំហំបណ្ដាញ។ គេហទំព័រ​របស់​យើង​មានអានុភាពខ្លាំងជាង និង​មិងងាយ​រងគ្រោះ​ពី​សារឥតបានការ ឬការវាយប្រហារផ្សេងទៀត ដោយសារ Cloudflare ។ 

Cloudflare ប្រើប្រាស់ឃុកឃី និង​ដំណើរការ​ទិន្នន័យ​របស់​អ្នកប្រើប្រាស់​គេហទំព័រ​របស់យើង។ 

ប្រសិន​​បើ​អ្នកចូលមើលគេហទំព័ររបស់យើង សំណើ​របស់​អ្នក​នឹង​ត្រូវ​បាន​ដឹកនាំ​ដោយម៉ាស៊ីនមេរបស់ Cloudflare ។ ក្នុងករណីនេះ ទិន្នន័យ​ចូលប្រើជា​ស្ថិតិ​ត្រូវបាន​ប្រមូល​នៅពេល​ចូលមើល​គេហទំព័រ​របស់​យើង។ 

ទិន្នន័យចូលប្រើរួមមាន៖ 

• អាសយដ្ឋាន IP របស់អ្នក 
• អាសយដ្ឋាននៃគេហទំព័រ (នានា) របស់​យើង​ដែល​អ្នក​បាន​ចូល​មើល 
• ប្រភេទ និងកំណែ​នៃ​កម្មវិធីរុករក​តាមអ៊ីនធឺណិត​ដែល​អ្នក​កំពុងប្រើ 
• ប្រព័ន្ធប្រតិបត្តិការដែលអ្នកកំពុងប្រើ 
• គេហទំព័រដែលអ្នកបានប្តូរមកកាន់​គេហទំព័ររបស់យើង (URL ដើម) 
• រយៈពេល​​​​​ដែល​អ្នក​បានចំណាយពេលនៅលើគេហទំព័ររបស់យើង និង 
• ចំនួនដងនៃការចូល​មកកាន់​គេហទំព័ររបស់យើង។ 

ទិន្នន័យនេះជួយ Cloudflare ជាពិសេស​ក្នុងការ​កំណត់រក​ការគំរាមកំហែង​ថ្មីៗ និង​ក្នុងការ​ធានា​បាន​នូវ​ស្តង់ដារ​​សុវត្ថិភាព​ខ្ពស់​សម្រាប់​ប្រតិបត្តិការនៃគេហទំព័ររបស់យើង។ 

ទិន្នន័យរបស់អ្នក​​ត្រូវបានដំណើរការដើម្បីរក្សាសុវត្ថិភាព និង​ការបំពេញ​មុខងារ​របស់ CDN និងដើម្បី​បង្កើន​ប្រសិទ្ធភាព​រយៈពេល​ផ្ទុករបស់យើង។ ការប្រើប្រាស់ឃុកឃីដោយ Cloudflare ត្រូវបាន​ធ្វើឡើង​សម្រាប់​ហេតុផល​​សុវត្ថិភាព ដើម្បី​ធានាបាន​នូវ​ភាពអាចទុកចិត្តបាន​នៃ​ឧបករណ៍ប្រើប្រាស់​ និង​ពិតជា​ចាំបាច់​សម្រាប់​មុខងារសុវត្ថិភាព។ ការប្រើប្រាស់​នេះគឺជាផលប្រយោជន៍ស្របច្បាប់នៅក្នុងនិយមន័យនៃ​មាត្រា 6 កថាខណ្ឌ 1 (f) នៃបទប្បញ្ញត្តិ GDPR ។ 

Cloudflare រក្សាកំណត់ត្រាទិន្នន័យ ដរាបណាវាមានភាពចាំបាច់ ហើយ​ទិន្នន័យ​នេះ​នឹង​ត្រូវបានលុបចោល​ក្នុងរយៈពេល 24 ម៉ោង​ក្នុង​ករណី​ភាគច្រើន។ យ៉ាងណាមិញ មានព័ត៌មានដែល Cloudflare រក្សាទុក​ដោយ​គ្មាន​កំណត់រយៈពេល​ ជាផ្នែកនៃកំណត់ត្រាអចិន្ត្រៃយ៍របស់ខ្លួន ដើម្បីកែលម្អដំណើរការជារួមរបស់ Cloudflare ។ យ៉ាងណាមិញ ទិន្នន័យនេះមិនមានលក្ខណៈផ្ទាល់ខ្លួនទេ ហើយ​ត្រូវ​បាន​បម្លែង​ជា​ទិន្នន័យ​អនាមិកដោយ Cloudflare។ ទិន្នន័យអ្វីដែលពាក់ព័ន្ធអាចរកបាននៅ https://www.cloudflare.com/application/privacypolicy/។

សម្រាប់ព័ត៌មានបន្ថែមស្តីពីការគ្រប់គ្រងទិន្នន័យដែលបានផ្ទេរទៅកាន់ Cloudflare សូមមើល​គោលការណ៍​ឯកជនភាពរបស់ Cloudflare ៖ https://www.cloudflare.com/en-gb/privacypolicy/ 

___ 

Google APIs & ពុម្ពអក្សរក្នុង Google (Google Fonts) 

ដើម្បីបង្ហាញពុម្ពអក្សរបានត្រឹមត្រូវជាប្រចាំ គេហទំព័រ​របស់​យើង​ប្រើ​ពុម្ពអក្សរ​គេហទំព័រ​ដែល​ត្រូវ​បាន​ផ្តល់​ដោយ Google ។ Google Fonts គឺជាសេវាកម្មរបស់ក្រុមហ៊ុន Google Ireland Limited ដែល​មាន​អាសយដ្ឋាន​នៅ Gordon House, Barrow Street, Dublin 4 ប្រទេសអៀរឡង់ (ហៅថា “Google”)។ ដើម្បីប្រើពុម្ពអក្សរគេហទំព័រទាំងនេះ យើងក៏ប្រើ Google APIs ផងដែរ។ 

ដើម្បីបង្ហាញ​ពុម្ពអក្សរគេហទំព័រ កម្មវិធី​រុករក​លើ​គេហទំព័រ​ដែល​អ្នក​ប្រើ​ត្រូវតែ​ភ្ជាប់ជាមួយម៉ាស៊ីនមេ Google ។ វាជូនដំណឹង​ដល់ Google ថា​គេហទំព័រ​របស់​យើង​កំពុង​ត្រូវ​បាន​ចូល​ប្រើ​តាមរយៈ​អាសយដ្ឋាន IP របស់​អ្នក។ អាសយដ្ឋាន IP ពី​កម្មវិធីរុករក​របស់​ឧបករណ៍​ដែល​អ្នក​កំពុងប្រើ​ដើម្បី​ចូល​ប្រើ​គេហទំព័រ​របស់​យើង​ក៏​ត្រូវ​បានរក្សាទុកដោយ Google ផងដែរ។ ប្រសិនបើកម្មវិធីរុករករបស់អ្នកមិនគាំទ្រពុម្ពអក្សរគេហទំព័រ​ទេនោះ ឧបករណ៍របស់អ្នកនឹងបង្ហាញគេហទំព័រដោយប្រើប្រភេទពុម្ពអក្សរស្តង់ដារ។ ជាមួយនឹងសំណើ Google Font នីមួយៗ អាសយដ្ឋាន IP របស់​អ្នក​ត្រូវបាន​ផ្ទេរដោយស្វ័យប្រវត្តិទៅម៉ាស៊ីនមេ Google រួម​ជាមួយ​នឹង​ព័ត៌មាន​ដូចជា ចំណូលចិត្តភាសារបស់អ្នក គុណភាពការបង្ហាញ កំណែ និង​ឈ្មោះ​នៃកម្មវិធីរុករករបស់អ្នក។ ទិន្នន័យការប្រើប្រាស់ដែលប្រមូលបានដោយ Google អនុញ្ញាត​ឱ្យ​ពួកគេ​អាច​កំណត់​ប្រជាប្រិយភាព​នៃ​ប្រភេទ​ពុម្ពអក្សរជាក់លាក់នានា។ Google បានបោះពុម្ពផ្សាយ​លទ្ធផល​ទាំងនេះ​នៅលើ​គេហទំព័រ​វិភាគ​ផ្ទៃក្នុង (ឧ. Google Analytics)។ 

សម្រាប់​ព័ត៌មានបន្ថែមអំពីពុម្ពអក្សរនៅក្នុង Google សូមមើល https://developers.google.com/fonts/faq និង​គោលការណ៍​ឯកជនភាពរបស់ Google ៖ https://policies.google.com/privacy ។ 

___ 

Google Photos 

ដើម្បីបង្ហាញរូបតំណាង​វីដេអូ គេហទំព័ររបស់យើងប្រើកម្មវិធី Google Photos ដែលត្រូវបានផ្តល់ដោយ Google ។ ទិន្នន័យ​នឹង​មិនត្រូវបាន​ប្រមូល​ឡើយ​នៅពេល​ប្រើប្រាស់រូបភាពទាំងនេះ។ សម្រាប់ព័ត៌មាន​បន្ថែម​អំពីគោលការណ៍ឯកជនភាព Google សូមចូលទៅកាន់គោលការណ៍ឯកជនភាព Google៖ https://policies.google.com/privacy ។ 

___ 

Google Maps 

Google Maps គឺជាសេវាកម្ម​ផែនទីលើអនឡាញ​ដែល​ធ្វើ​ឱ្យ​ព័ត៌មាន​ភូមិសាស្រ្ត​កាន់តែងាយស្វែងរក​បាន​សម្រាប់​​អ្នក​ក្នុងនាម​ជា​អ្នកប្រើប្រាស់​តាមរយៈឧបករណ៍របស់អ្នក។ ក្នុងចំណោមអ្វីៗផ្សេងទៀត ទិសដៅ​ត្រូវ​បាន​បង្ហាញ ឬ​ផ្នែកនៃផែនទី​នៃ​ទីតាំង​អាចត្រូវបានបញ្ចូលទៅក្នុងគេហទំព័រ។ 

នៅពេល​ដែល Google Maps ត្រូវបានចាប់ផ្តើម កម្មវិធីរុករក​របស់​អ្នក​នឹង​បង្កើតការតភ្ជាប់​ទៅកាន់​ម៉ាស៊ីនមេ​របស់ Google ។ ដំណើរការនេះ​អនុញ្ញាតឱ្យ Google ដឹងថា​គេហទំព័រ​របស់​យើង​ត្រូវ​បាន​ចូល​ប្រើ​តាមរយៈ​អាសយដ្ឋាន IP របស់អ្នក។ ការប្រើប្រាស់ Google Maps អាចឱ្យ Google ប្រមូល និង​ដំណើរការ​ទិន្នន័យ​អំពី​ការប្រើប្រាស់សេវាកម្ម។ 

បន្ថែមពីលើ​អាសយដ្ឋាន IP របស់អ្នក Google Maps ដំណើរការពាក្យ​ស្វែងរក​ដែលបានវាយបញ្ចូល និង​កូអរដោណេ​រយៈទទឹង និង​រយៈបណ្តោយ​សម្រាប់ការផ្តល់សេវាកម្មនេះ។ ប្រសិនបើអ្នកប្រើ​មុខងារ​កំណត់​ផ្លូវរបស់ Google Maps អាសយដ្ឋាន​ចាប់ផ្តើម​ដែលបានបញ្ចូលក៏នឹងត្រូវបានរក្សាទុកផងដែរ។ ការដំណើរការ​ទិន្នន័យនេះធ្វើឡើងទាំងស្រុងតាមរយៈការប្រើប្រាស់ Google Maps ដោយស្ម័គ្រចិត្តរបស់អ្នក ហើយ​មិន​ស្ថិត​​នៅ​ក្នុង​ផ្នែក​នៃ​ឥទ្ធិពល​របស់យើងទេ។ 

ខចែង និង​លក្ខខណ្ឌ​ដំណើរការទិន្នន័យសម្រាប់ផលិតផល Google និង​ខកិច្ចសន្យាស្តង់ដារ​សម្រាប់​ការផ្ទេរ​ទិន្នន័យ​ទៅកាន់ប្រទេសទីបីអាចរក​បាននៅ https://business.safety.google/adsprocessorterms/ ។ 

___ 

Facebook Connect 

ប្រសិនបើអ្វីដែលគេហៅថា “ប៊ូតុង Facebook Connect" ត្រូវបាន​​ដាក់​នៅ​លើគេហទំព័រនេះ អ្នកមាន​លទ្ធភាព​​ចូល​ទៅ​គេហទំព័រ​របស់​យើង​ជាមួយ​នឹងទិន្នន័យអ្នកប្រើប្រាស់ Facebook របស់អ្នក។ លើសពីនេះ Facebook Connect អាច​បញ្ចូល​ព័ត៌មាន​អំពី​សកម្មភាព​របស់​អ្នកនៅលើ​គេហទំព័រ​របស់​យើង​ដោយ​ស្វ័យប្រវត្តិ​​ទៅក្នុងប្រូហ្វាល់ Facebook របស់អ្នក។ ក្នុងន័យនេះ នៅពេលអ្នកបើកដំណើរការប៊ូតុងនោះ អ្នក​នឹង​ត្រូវ​បាន​ផ្តល់​ឱកាស​ឱ្យ​ផ្ដល់ការយល់ព្រម​យ៉ាង​ច្បាស់លាស់​ក្នុងការចូល​ប្រើ​ទិន្នន័យ​អ្នកប្រើប្រាស់ Facebook របស់អ្នក និងដើម្បីផ្សព្វផ្សាយព័ត៌មាន និង​សកម្មភាព​នៅ

ក្នុងប្រូហ្វាល់ Facebook របស់អ្នក។ ការប្រើប្រាស់ទិន្នន័យបន្ថែម (ឧ. ទំនាក់ទំនង​តាមរយៈ​អាសយដ្ឋាន​អ៊ីមែល​របស់អ្នក) ធ្វើឡើងដោយ​មាន​ការ​យល់ព្រម​ជាមុនប៉ុណ្ណោះ។ 

1. សូមចំណាំថា Facebook ទទួលបានព័ត៌មានអំពីកម្មវិធី ឬ​គេហទំព័រ​តាមរយៈ Facebook Connect រួមទាំងអ្វីដែលអ្នកកំពុងធ្វើផងដែរ។ ដើម្បីធ្វើឱ្យដំណើរការតភ្ជាប់មានលក្ខណៈផ្ទាល់ខ្លួន ក្នុងករណីខ្លះ Facebook អាចទទួលបានព័ត៌មានចំនួនកំណត់ មុន​ពេល​អនុញ្ញាតកម្មវិធី ឬគេហទំព័រ។ 

2. គោលបំណង និងវិសាលភាពនៃការប្រមូលទិន្នន័យ និង​ការដំណើរការបន្ថែម និងការប្រើប្រាស់​ទិន្នន័យ​ដោយ Facebook ក៏ដូចជា​សិទ្ធិរបស់អ្នកក្នុងកិច្ចការនេះ និង​ការកំណត់​ជម្រើស​សម្រាប់​ការការពារ​ឯកជនភាព​របស់អ្នក អាចរកបាន​នៅ​ក្នុង​សេចក្តីប្រកាសស្ដីពី​ការការពារទិន្នន័យនៅលើ៖ https://www.facebook.com/policy.php ។ 

___ 

សេវាកម្មផ្សាយពាណិជ្ជកម្មរបស់ Google 

1. គេហទំព័រនេះប្រើមុខងារធ្វើទីផ្សារឡើងវិញ (remarketing) ឬ "ក្រុមគោលដៅស្រដៀងគ្នា" របស់​ក្រុមហ៊ុន Google Inc ដែលមានអាសយដ្ឋាននៅ 1600 Amphitheatre Parkway, Mountain View, CA 94043 សហរដ្ឋអាមេរិក ("Google")។ 

2. អ្នកអាចត្រូវបានគេកំណត់ជាគោលដៅផ្សាយពាណិជ្ជកម្មដោយការដាក់​ការផ្សាយពាណិជ្ជកម្ម​ដែល​មាន​លក្ខណៈផ្ទាល់ខ្លួន និង​ផ្អែកលើ​ចំណាប់អារម្មណ៍ នៅពេល​អ្នក​ចូល​ទៅកាន់​គេហទំព័រ​ផ្សេង​ទៀត​នៅ​ក្នុង​អ្វី​ដែល​គេហៅថា "Google Display Network"។ មុខងារ “Google Remarketing" ឬមុខងារ "ក្រុមគោលដៅ​ស្រដៀងគ្នា" ប្រើអ្វីដែលគេហៅថា "ឃុកឃី" ឯកសារអត្ថបទដែលត្រូវបានរក្សាទុក នៅលើ​កុំព្យូទ័រ​របស់អ្នក និង​​ដែល​អនុញ្ញាត​ឱ្យមាន​​ការវិភាគ​ការប្រើប្រាស់​គេហទំព័រ​របស់អ្នក។ ឯកសារអត្ថបទ​ទាំងនេះ​ត្រូវ​បាន​ប្រើ​ដើម្បី​កត់ត្រា​ការចូលមើល​របស់អ្នក និង​ទិន្នន័យអនាមិកអំពីការប្រើប្រាស់គេហទំព័រ។ ទិន្នន័យ​ផ្ទាល់ខ្លួន​នឹង​មិន​ត្រូវបានរក្សាទុកទេ។ ប្រសិនបើអ្នកចូលមើលគេហទំព័រមួយផ្សេងទៀតនៅក្នុងអ្វីដែលគេហៅថា "Google Display Network" អ្នកអាចមើលឃើញ​ការផ្សាយ​ពាណិជ្ជកម្ម​ដែល​ទំនងជាគិតគូរពីផ្នែក​ផលិតផល និង​ព័ត៌មាន​​ដែលត្រូវ​បាន​ចូលមើល​ពីមុន​នៅលើគេហទំព័ររបស់យើង។ 

3. អ្នកអាចទប់ស្កាត់មុខងារ "Google Remarketing" ឬ "ក្រុមគោលដៅស្រដៀងគ្នា" បាន​ដោយ​ការទប់ស្កាត់​​កុំឱ្យមានការរក្សាទុក​ឃុកឃី តាមរយៈការកំណត់សូហ្វវែរ​កម្មវិធី​រុករករបស់អ្នកទៅតាមនោះ។ យ៉ាងណាមិញ យើងចង់ចង្អុលបង្ហាញថា ក្នុងករណីនេះ អ្នក​ប្រហែល​ជា​មិន​អាច​ប្រើ​មុខងារ​ទាំងអស់​នៃ​គេហទំព័រ​​នេះ​បាន​ក្នុង​កម្រិត​ពេញលេញ​នោះទេ។ អ្នកក៏អាចរារាំងមិនឱ្យ Google ប្រមូល​ទិន្នន័យ​ដែល​បង្កើត​ដោយឃុកឃី និងដែល​ពាក់ព័ន្ធនឹងការប្រើប្រាស់គេហទំព័ររបស់អ្នក និងមិនឱ្យមាន​ការ​ដំណើរការ​ទិន្នន័យនេះដោយ Google ដោយទាញយក និង​ដំឡើង​កម្មវិធី​ជំនួយ​ក្នុង​កម្មវិធីរុករក​ដែលអាច​រកបាន​តាម​តំណខាងក្រោម៖ https://www.google.com/settings/ads/plugin?hl=en ។ អ្នកក៏អាចបិទការប្រើប្រាស់ឃុកឃីដោយភាគីទីបីបាន​ផងដែរ​ដោយ​ចូល​ទៅកាន់​ទំព័របិទសកម្មភាព​ការផ្សាយ​ពាណិជ្ជកម្មរបស់​បណ្តាញនៅ https://www.networkadvertising.org/choices/ និង​អនុវត្តតាម​ព័ត៌​មាន​បន្ថែមសម្រាប់បដិសេធ (opt-out) ដែលបានរៀបរាប់​នៅ​ទីនោះ។ 

4. គោលការណ៍ឯកជនភាពរបស់ Google សម្រាប់​ការធ្វើទីផ្សារឡើងវិញ​ដោយប្រើ​​ព័ត៌មាន​បន្ថែម​អាច​រកបាន​នៅទីនេះ៖ https://www.google.com/privacy/ads/ ។ 

___ 

មុខងារ Google Ads Conversion Tracking & Google Enhanced Conversions for Web 

1. គេហទំព័រនេះ​ប្រើប្រាស់​មុខងារ​ ”Google Ads Conversion Tracking” និង​ ”Google Enhanced Conversions for Web” នៅក្នុង ”Google Ads”។ សេវាកម្មនេះត្រូវបានផ្តល់ដោយក្រុមហ៊ុន Google Ireland Limited ដែលមានអាសយដ្ឋាន​នៅ Gordon House, 4 Barrow Street, Dublin ប្រទេសអៀរឡង់ (ហៅថា “Google”)។ 

2. មុខងារ Google Ads Conversion Tracking ប្រើ "ឃុកឃី" ដែល​ជា​កញ្ចប់​ទិន្នន័យ​តូចៗ​ដែល​ដាក់​នៅ​លើ​ឧបករណ៍ប្រើប្រាស់របស់អ្នក ដើម្បី​ជួយ​គេហទំព័រក្នុងការ​វិភាគ​ពី​របៀប​ដែល​អ្នកប្រើប្រាស់​ធ្វើអន្តរកម្ម​ជាមួយ​​គេហទំព័រ បន្ទាប់ពីពួកគេចុចលើការផ្សាយពាណិជ្ជកម្មរបស់ Google ។ ឃុកឃី​មាន​សុពលភាព​រយៈពេល​អតិបរមា 90 ថ្ងៃ។ ដរាបណាឃុកឃីនីមួយៗមានសុពលភាព Google និង​ពួកយើងជា​ប្រតិបត្តិករ​គេហទំព័រ​អាច​ដឹងថាអ្នកបានចុចលើការផ្សាយពាណិជ្ជកម្ម ហើយបាន​ចូលទៅដល់​ទំព័រ​គោលដៅ​ជាក់លាក់​មួយ (ឧ. ទំព័របរិច្ចាគ ការចុះឈ្មោះស្នើសុំ​ព្រឹត្តិបត្រព័ត៌មាន)។ ឃុកឃី​ទាំងនេះ​មិនអាច​ត្រូវបាន​តាមដាន​តាម​គេហទំព័រជាច្រើនដោយ​អ្នកចូលរួម Google Ads ផ្សេងគ្នាទេ។ ការប្រើប្រាស់​ឃុកឃី​ទាំងនេះ​អនុញ្ញាត​ឱ្យ​យើងអាច​បង្កើត​នូវ​អ្វី​ដែល​ហៅថា​ស្ថិតិការបំប្លែងនៅក្នុង Google Ads ការកត់ត្រា ក្នុងចំណោមអ្វីៗ​ផ្សេង​ទៀត ចំនួន​អ្នក​ប្រើ

ប្រាស់​ដែល​បាន​ចុច​លើ​ការផ្សាយពាណិជ្ជកម្ម​របស់​យើង ក៏ដូចជា​ចំនួន​អ្នកប្រើប្រាស់​ដែល​បាន​ចូល​ទៅ​ដល់​ទំព័រ​គោលដៅ​ដែលត្រូវបានផ្តល់ដោយ "កូដការបម្លែង"។ 

លើសពីនេះ យើងប្រើប្រាស់មុខងារ Google Enhanced Conversions for Web ដែលជា​មុខងារ​មួយ​នៅ​ក្នុង Google Ads ដែលធ្វើអោយប្រសើរឡើងនូវភាពត្រឹមត្រូវនៃការតាមដានការបម្លែង។ នេះមានន័យថា នៅ​ពេល​ដែល​អ្នក​អនុវត្ត​សកម្មភាព​ជាក់លាក់​មួយ​នៅ​លើ​គេហទំព័រ​របស់យើង (ឧ. ការចុះឈ្មោះស្នើសុំ​​ព្រឹត្តិបត្រ​ព័ត៌មានរបស់យើង) យើងចាប់យកអាសយដ្ឋានអ៊ីមែលរបស់អ្នក បំបែកវា​ដោយ​ប្រើ​វិធី SHA-256 ហើយផ្ញើវាទៅ Google ដើម្បី​ផ្គូផ្គង​ជាមួយ​អាសយដ្ឋាន​អ៊ីមែល​ពីគណនី Google ដែលមានស្រាប់។ វាជួយ​ផ្គូផ្គង​សកម្មភាពរបស់អ្នកប្រើប្រាស់ឱ្យបានកាន់​តែ​ត្រឹមត្រូវ​ជាមួយពាណិជ្ជកម្មដែលពួកគេបានចុច ដើម្បី​បង្កើន​​ប្រសិទ្ធភាព​នៃយុទ្ធនាការ។ យើងមិនប្រើទិន្នន័យផ្សេងទៀតក្រៅពីអាសយដ្ឋានអ៊ីមែលរបស់​អ្នក​នៅ​ក្នុង​បរិបទ​នេះទេ។ 

3. សម្រាប់ព័ត៌មានបន្ថែមអំពីរបៀបដែល Google ប្រើប្រាស់​ទិន្នន័យបំប្លែង និង​គោលការណ៍​ឯកជនភាព​របស់ Google សូមចូលទៅកាន់៖ 

https://support.google.com/google-ads/answer/93148?ctx=tltp; 

https://policies.google.com/privacy ។ 

4. មូលដ្ឋានច្បាប់សម្រាប់ការដំណើរការទិន្នន័យផ្ទាល់ខ្លួននៅក្នុងបរិបទនេះគឺការយល់ព្រមជាមុនរបស់​អ្នក​ដោយ​អនុលោមតាមមាត្រា 6 កថាខណ្ឌ 1 (a) នៃបទប្បញ្ញត្តិ GDPR ។ 

___ 

YouTube 

1. យើងប្រើ YouTube សម្រាប់ការរួមបញ្ចូលវីដេអូ។ វីដេអូត្រូវបានបង្កប់នៅក្នុងម៉ូដការពារទិន្នន័យបន្ថែម។ 

2. គេហទំព័ររបស់ YouTube ប្រើ​ឃុកឃី​ដើម្បី​ប្រមូល​ព័ត៌មាន​អំពី​អ្នកប្រើប្រាស់​គេហទំព័ររបស់ខ្លួន។ YouTube ប្រើប្រាស់ឃុកឃីទាំងនោះ ក្នុងចំណោមអ្វីៗផ្សេងទៀត ដើម្បីប្រមូលស្ថិតិវីដេអូ ដើម្បី​ការពារ​ការ​ក្លែងបន្លំ និង​កែលម្អ​ភាពសមស្របសម្រាប់អ្នកប្រើប្រាស់។ 

3. តាមរយៈការប្រើប្រាស់ YouTube ការតភ្ជាប់​ត្រូវបាន​បង្កើត​ឡើង​ជាមួយ​បណ្តាញ Google Ad Manager ។ ការចាប់ផ្ដើមចាក់វីដេអូអាចបណ្ដាល​​ឱ្យ​មាន​ការដំណើរការ​ទិន្នន័យ​បន្ថែមទៀត។ យើង​គ្មាន​ឥទ្ធិពល​លើ​បញ្ហា​នោះទេ។ 

4. សម្រាប់ព័ត៌មានបន្ថែមអំពីឯកជនភាពនៅ YouTube សូមមើល​គោលការណ៍​ឯកជនភាព​របស់​ពួកគេ​នៅលើ៖ https://www.youtube.com/t/privacy_at_youtube ។ 

___ 

កម្មវិធីគ្រប់គ្រង​ការផ្សាយពាណិជ្ជកម្មរបស់ Google (Google Ad Manager) 

1. កម្មវិធីគ្រប់គ្រង​ការផ្សាយពាណិជ្ជកម្មរបស់ Google ដោយ Google គឺជាសេវាកម្មរបស់ក្រុមហ៊ុន Google Inc ដែលមានអាសយដ្ឋាននៅ 1600 Amphitheatre Parkway, Mountain View, CA 94043 សហរដ្ឋអាមេរិក (ហៅថា “Google”)។ 

2. Google Ad Manager ដោយ Google ប្រើ​ឃុកឃី​ដើម្បី​បង្ហាញ​ ការផ្សាយពាណិជ្ជកម្ម​ដែល​ពាក់ព័ន្ធ​ជាមួយ​អ្នក។ កម្មវិធីរុករករបស់អ្នកត្រូវបានផ្តល់លេខសម្គាល់ក្លែងក្លាយ (ID) ដើម្បី​ពិនិត្យ​មើលថា​តើ​ការ​ផ្សាយពាណិជ្ជកម្ម​ណាមួយ​ត្រូវបាន​បង្ហាញ​នៅក្នុង​កម្មវិធី​រុករករបស់អ្នក ហើយ​តើ​ការផ្សាយពាណិជ្ជកម្ម​ណា​មួយ​​ដែល​ត្រូវ​បាន​ផ្ទុក។ ឃុកឃីមិនមានផ្ទុកព័ត៌មានផ្ទាល់ខ្លួនណាមួយឡើយ។ ការប្រើប្រាស់​ឃុកឃី​របស់​កម្មវិធី​គ្រប់គ្រងការផ្សាយពាណិជ្ជកម្មរបស់ Google អនុញ្ញាតឱ្យ Google និង​គេហទំព័រ​ដៃគូ​របស់​ខ្លួន​បង្ហាញ ការផ្សាយពាណិជ្ជកម្ម​ដោយ​ផ្អែក​លើ​ការចូលមើល​គេហទំព័ររបស់យើង ឬគេហទំព័រ​ផ្សេងទៀត​នៅលើ​អ៊ីនធឺណិត​ពីមុនមក។ ព័ត៌មាន​​ដែល​បង្កើតដោយឃុកឃីត្រូវបានបញ្ជូនដោយ Google ទៅកាន់​ម៉ាស៊ីនមេ​នៅសហរដ្ឋអាមេរិកសម្រាប់ការវិភាគ និងរក្សាទុកនៅទីនោះ។ ក្នុងកាលៈទេសៈណាក៏ដោយ Google នឹងមិន​ផ្គូផ្គង​ទិន្នន័យ​របស់​អ្នក​ជាមួយ​នឹងទិន្នន័យផ្សេង​ទៀត​ដែលប្រមូលដោយ Google ឡើយ។ 

3. តាមរយៈការ​ប្រើគេហទំព័ររបស់យើង អ្នកយល់ព្រមឱ្យ Google ​ដំណើរការ​ទិន្នន័យអំពីអ្នក និងយល់ព្រម​ទៅនឹង​​របៀប​នៃការ​​ដំណើរការ​ទិន្នន័យ​ដែលបានពិពណ៌នាខាងលើ ក៏​ដូច​ជា​គោលបំណង​ដែល​មាន​រៀបរាប់​ផងដែរ។ 

4. អ្នកអាចបដិសេធការប្រើប្រាស់ឃុកឃីដោយជ្រើសរើសការកំណត់​សមស្របនៅលើកម្មវិធីរុករករបស់អ្នក។ អ្នកក៏អាចរារាំងមិនឱ្យ Google ប្រមូល​ទិន្នន័យដែលបង្កើតដោយឃុកឃី និងដែល​ពាក់ព័ន្ធ​នឹង​ការប្រើប្រាស់​គេហទំព័ររបស់អ្នក និងមិនឱ្យមាន​ការ​ដំណើរការ​ទិន្នន័យនេះដោយ Google ដោយទាញយក និង​ដំឡើង​កម្មវិធី​​ជំនួយ​ក្នុង​កម្មវិធីរុករក​ដែលអាច​រកបាន​តាម​តំណខាងក្រោម ក្រោមមុខងារ “Extension for Google Ad Manager deactivation”។ 

5. សម្រាប់ព័ត៌មានបន្ថែមអំពីកម្មវិធីគ្រប់គ្រង​ការផ្សាយពាណិជ្ជកម្ម​របស់ Google ដែលផ្ដល់ជូនដោយ Google និងឯកជនភាព សូមចូលទៅកាន់៖ https://policies.google.com/technologies/ads?hl=en ។

___ 

ឧបករណ៍​អាជីវកម្ម​ Meta និងមុខងារ Advanced Matching for Web 

1.​​​ នៅលើគេហទំព័ររបស់យើង យើងប្រើប្រាស់ឧបករណ៍អាជីវកម្ម Meta ដូចជា "Meta Pixel” (ពីមុនមានឈ្មោះថា “Facebook Pixel”) និង “Conversions API” ព្រមទាំងមុខងារ “Advanced Matching for Web” ផងដែរ។ ឧបករណ៍/សេវាកម្មទាំងនេះត្រូវបានផ្តល់ជូនដោយក្រុមហ៊ុន Meta Ireland Ltd., 4 Grand Canal Square, Grand Canal Harbour, Dublin 2, ប្រទេសអៀរឡង់ (“Meta”)។ 

2.​​​ “Meta Pixel” អនុញ្ញាតឱ្យយើងតាមដានសកម្មភាពរបស់អ្នកប្រើប្រាស់គេហទំព័រ ដោយប្រមូលព័ត៌មានដែលមានអត្តសញ្ញាណក្លែងក្លាយ។ សកម្មភាពនានាដែលបានធ្វើឡើងដោយអ្នកប្រើប្រាស់ ត្រូវបានកំណត់ថាជា “សកម្មភាព” និងត្រូវបានវិភាគ ដើម្បីទទួលបានចំណេះដឹងអំពីសកម្មភាពរបស់អ្នកប្រើប្រាស់ (ឧ. ការចូលមើលគេហទំព័រ ឬការដាក់សំណុំបែបបទ)។ សម្រាប់គោលបំណងនេះ Meta Pixel ប្រើប្រាស់ឃុកឃី និងបច្ចេកវិទ្យាស្រដៀងៗគ្នា (ដូចជា ឧបករណ៍តាមដាន) – ឃុកឃី (“_fbp”) មានអាយុកាល 90 ថ្ងៃ។ 

ក្រៅពីនេះ យើងក៏ប្រើប្រាស់ “Conversions API” ដើម្បីប្រមូលទិន្នន័យពាក់ព័ន្ធនឹងសកម្មភាពដែលមិនបង្ហាញអត្តសញ្ញាណពិតប្រាកដ។ ដោយប្រើប្រាស់ Conversions API ទិន្នន័យនេះនឹងត្រូវផ្ញើទៅកាន់ម៉ាស៊ីនមេរបស់ក្រុមហ៊ុនដំណើរការ JENTIS GmbH ហើយបន្តផ្ញើទៅម៉ាស៊ីនមេរបស់ក្រុមហ៊ុន Meta ដើម្បីដំណើរការទិន្នន័យជាបន្តបន្ទាប់ ដោយមិនពឹងផ្អែកលើឃុកឃី ឬបច្ចេកវិទ្យាស្រដៀងគ្នាផ្សេងៗរបស់ Meta ឡើយ ក៏ប៉ុន្តែ ឃុកឃីរបស់ JENTIS (“jts-fbp”) ដែលមានអាយុកាល 90 ថ្ងៃត្រូវបានប្រើប្រាស់សម្រាប់បញ្ចូលសេវាកម្មជាមួយកម្មវិធីគ្រប់គ្រងកូដតាមដានលើគេហទំព័ររបស់ JENTIS (JENTIS Tag Manager)។ 

ក្រៅពីទិន្នន័យពាក់ព័ន្ធនឹងសកម្មភាព យើងក៏ដំណើរការទិន្នន័យមេតាបច្ចេកទេសអំពីការចូលប្រ់ប្រាស់ឧបករណ៍ (ឧ. អាសយដ្ឋាន IP ភ្នាក់ងាររបស់អ្នកប្រើប្រាស់ គេហទំព័រដែលបានចូលប្រើប្រាស់ [URL] គេហទំព័រមុនពេលចូល [referrer URL] រេសូលូស្យុងអេក្រង់) ផងដែរ តាមរយៈការប្រើប្រាស់ Meta Pixel និង Conversions API របស់យើង។ 

3.​​​ ការប្រើប្រាស់ឧបករណ៍អាជីវកម្ម Meta រួមបញ្ចូលគ្នានេះអនុញ្ញាតឱ្យយើងយល់ដឹងកាន់តែច្បាស់អំពីការប្រើប្រាស់គេហទំព័ររបស់យើង និងប្រសិទ្ធភាពនៃវិធានការផ្សាយពាណិជ្ជកម្មរបស់យើងដោយការតាមដានលើការបំប្លែង (ឧ. “ការតាមដានលើការបំប្លែង”)។ ឧបករណ៍ទាំងនេះក៏ត្រូវបានប្រើប្រាស់សម្រាប់គោលបំណងវិភាគ និងផ្សាយពាណិជ្ជកម្មផងដែរ ហើយវាថែមទាំងជួយបង្កើនប្រសិទ្ធភាពនៃសេវាកម្មរបស់យើងទៀតផង។ យើងអាចប្រើប្រាស់ទិន្នន័យ និងចំណេះដឹងដែលយើងទទួលបានពីការដាក់ឱ្យប្រើប្រាស់ឧបករណ៍អាជីវកម្ម Meta ដើម្បីបង្កើនប្រសិទ្ធភាពយុទ្ធនាការផ្សព្វផ្សាយពាណិជ្ជកម្មរបស់ក្រុមហ៊ុន Meta ដោយផ្ដោតទៅលើក្រុមអ្នកប្រើប្រាស់ដែលបានកំណត់លក្ខណៈបុគ្គលតាមលក្ខណៈរួម (មុខងារ “Website Custom Audiences”)។ 

4.​​​ ទិន្នន័យដែលប្រមូលបានតាមរយៈឧបករណ៍អាជីវកម្ម Meta មិនអនុញ្ញាតឱ្យយើងធ្វើការសន្និដ្ឋានលើអត្តសញ្ញាណរបស់អ្នកប្រើប្រាស់ណាមួយឡើយ។ ក្រុមហ៊ុន Meta អាចប្រើប្រាស់ទិន្នន័យសកម្មភាពសរុបដែលប្រមូលបានពីអ្នកផ្សាយពាណិជ្ជកម្មនានា ឬផលិតផល Meta ដើម្បីធ្វើការកំណត់លក្ខណៈ និងមាតិកាផ្ទាល់ខ្លួន (ឧ. ការផ្សាយពាណិជ្ជកម្ម និងការណែនាំ)។ ប្រសិនបើអ្នកជាអ្នកប្រើប្រាស់សេវាកម្មរបស់ Meta អ្នកអាចផ្លាស់ប្តូរការកំណត់ការផ្សាយពាណិជ្ជកម្ម (ឧ. ការកំណត់ផ្ទាល់ខ្លួននៃមាតិកាផ្សាយពាណិជ្ជកម្មដែល Meta បង្ហាញជូនអ្នក) ដោយកែតម្រូវការកំណត់ដែលមានស្រាប់ (ឧ. សម្រាប់កម្មវិធី Facebook ឬ Instagram)។ 

5.​​​ ជាចុងក្រោយ យើងក៏ប្រើប្រាស់មុខងារ “Advanced Matching for Network” ដែលជាមុខងារមួយនៅក្នុង Meta Ads ដែលជួយបង្កើនការតាមដានការបំប្លែង (តាមរយៈ Meta Pixel និង/ឬ Conversions API) ហើយធ្វើឱ្យលទ្ធផលផ្សាយពាណិជ្ជកម្មមានប្រសិទ្ធភាពកាន់តែខ្ពស់។ នៅពេលអ្នកអនុវត្តសកម្មភាពមួយនៅលើគេហទំព័ររបស់យើង (ឧ. ការចុះឈ្មោះប្រើប្រាស់ព្រឹត្តិបត្រព័ត៌មាន) យើងនឹងប្រមូលអាសយដ្ឋានអ៊ីមែលរបស់អ្នកទុក ហើយបម្លែងវាដោយប្រើវិធី SHA-256 ដ៏មានសុវត្ថិភាព ហើយផ្ញើវាទៅ Meta ដើម្បីផ្គូផ្គងជាមួយអាសយដ្ឋានអ៊ីមែលរបស់អ្នកប្រើប្រាស់ Meta ដែលមានស្រាប់ (ដែលហៅថាមុខងារ “លេខសម្គាល់អ្នកប្រើប្រាស់ដែលត្រូវគ្នា”)។ វាជួយកំណត់ការបំប្លែងឱ្យកាន់តែបានត្រឹមត្រូវជាងមុនទៅនឹងការទំនាក់ទំនងជាមួយការផ្សាយពាណិជ្ជកម្ម និងបង្កើនប្រសិទ្ធភាពនៃយន្តការផ្សាយពាណិជ្ជកម្មរបស់ Meta។ នៅក្នុងចំណុចនេះ យើងមិនប្រើប្រាស់ទិន្នន័យផ្សេងក្រៅពីអាសយដ្ឋានអ៊ីមែលរបស់អ្នកឡើយ។ ក្រុមហ៊ុន Meta នឹងដំណើរការតែទិន្នន័យនេះ ដើម្បីផ្គូផ្គងវាជាមួយលេខសម្គាល់អ្នកប្រើប្រាស់ ហើយបញ្ចូលវាជាមួយលេខសម្គាល់អ្នកប្រើប្រាស់ដែលត្រូវគ្នាជាមួយទិន្នន័យសកម្មភាពដែលត្រូវគ្នា និងលុបវាចោលក្រោយពេលដំណើរការផ្គូផ្គង។

6.​​​ អាស្រ័យលើគោលបំណងនៃការដំណើរការទិន្នន័យ តួនាទីនីមួយៗត្រូវបានអនុវត្តក្រោមបទប្បញ្ញត្តិ GDPR សម្រាប់ការប្រើប្រាស់ឧបករណ៍អាចីវកម្ម Meta និងលក្ខណៈពិសេសនានារបស់វា។ 

សម្រាប់គោលបំណងនៃការផ្គូផ្គង ការវាស់វែង និងការវិភាគ (ឧ. ការបង្កើតរបាយការណ៍យុទ្ធនាការ ឬការវិភាគទិន្នន័យ ការផ្គូផ្គងលេខសម្គាល់អ្នកប្រើប្រាស់) ក្រុមហ៊ុន Meta នឹងដំណើរការទិន្នន័យផ្ទាល់ខ្លួនជំនួសឱ្យយើង ស្របតាមលក្ខខណ្ឌដំណើរការទិន្នន័យរបស់ Meta។ 

សម្រាប់គោលបំណងផ្ដោតលើការផ្សព្វផ្សាយ ការចែកចាយ និងការកំណត់ផ្ទាល់ខ្លួនលើពាណិជ្ជកម្ម យើង និងក្រុមហ៊ុន Meta ដើរតួជាអ្នកគ្រប់គ្រងរួម ដោយអនុលោមតាមមាត្រា 26 នៃបទប្បញ្ញត្តិ GDPR ប៉ុន្តែចំពោះតែការប្រមូលទិន្នន័យផ្ទាល់ខ្លួនតាមរយៈឧបករណ៍អាជីវកម្ម Meta នៅលើគេហទំព័ររបស់យើង និងការបញ្ជូនបន្តទៅកាន់ Meta ប៉ុណ្ណោះ។ ការគ្រប់គ្រងរួមនេះ មិនរួមបញ្ចូលដល់ដំណើរការបន្ថែមណាមួយដែលធ្វើឡើងដោយ Meta Ireland ក្រោយពេលទទួលបានទិន្នន័យឡើយ (ឧ. សម្រាប់ការកែលម្អផលិតផល)។ សម្រាប់ដំណើរការបែបនោះ ក្រុមហ៊ុន Meta ដើរតួជាអ្នកគ្រប់គ្រងឯករាជ្យ។ យើងបានចុះកិច្ចព្រមព្រៀងបំពេញបន្ថែមរវាងអ្នកគ្រប់គ្រងរួមរបស់ Meta (Meta Joint Controller Addendum) ដែលមានរៀបរាប់ពីទំនួលខុសត្រូវនៃការអនុលោមតាមបទប្បញ្ញត្តិ GDPR នីមួយៗ។ 

ជាពិសេស យើងទទួលខុសត្រូវក្នុងការធានាថាការប្រើប្រាស់ឧបករណ៍អាជីវកម្ម Meta នៅលើគេហទំព័ររបស់យើងគឺស្របច្បាប់ ស្របពេលដែល Meta ទទួលខុសត្រូវក្នុងការរក្សាសិទ្ធិរបស់អ្នកជាម្ចាស់ទិន្នន័យ និងផ្តល់តម្លាភាពទាក់ទងនឹងសកម្មភាពដំណើរការជាបន្តបន្ទាប់របស់ខ្លួន។ 

7.​​​ សម្រាប់ព័ត៌មានបន្ថែមអំពីវិធីប្រើប្រាស់ទិន្នន័យសកម្មភាពរបស់ Meta ការបែងចែកតួនាទីក្រោមបទប្បញ្ញត្តិ GDPR និងការអនុវត្តការការពារសុវត្ថិភាពទិន្នន័យរបស់ Meta (រួមទាំងមូលដ្ឋានច្បាប់ដែល Meta គោរពតាម និងវិធីសាស្រ្តប្រើប្រាស់សិទ្ធិរបស់អ្នកជាម្ចាស់ទិន្នន័យចំពោះ Meta) សូមពិនិត្យ៖ 

• https://www.facebook.com/privacy/policy/ (គោលការណ៍ឯកជនភាពរបស់ក្រុមហ៊ុន Meta); 
• https://www.facebook.com/legal/terms/dataprocessing (លក្ខខណ្ឌដំណើរការទិន្នន័យ របស់ក្រុមហ៊ុន Meta); 
• https://www.facebook.com/legal/controller_addendum (កិច្ចព្រមព្រៀងបំពេញបន្ថែមរវាង អ្នកគ្រប់គ្រងរួមរបស់ Meta)។ 

8.​​​ គោលការណ៍ផ្លូវច្បាប់សម្រាប់ការប្រើប្រាស់ឧបករណ៍អាជីវកម្ម Meta មុខងារ Website Custom Audiences និងមុខងារ Advanced Matching for Web របស់យើង គឺផ្អែកលើការយល់ព្រមជាមុនរបស់អ្នក ដោយអនុលោមតាមមាត្រា 6 កថាខណ្ឌទី 1 (a) នៃបទប្បញ្ញត្តិ GDPR ដែលយើងទទួលបានតាមរយៈ ប្រព័ន្ធគ្រប់គ្រងការយល់ព្រមរបស់យើង។ អ្នកអាចដកហូតការយល់ព្រមរបស់អ្នកនៅពេលណាក៏បានដែលមានប្រសិទ្ធិភាពសម្រាប់ពេលអនាគត។ 

អ្នកក៏អាចគ្រប់គ្រងការកំណត់ការផ្សាយពាណិជ្ជកម្មតាមចំណង់ចំណូលចិត្តរបស់អ្នកតាមរយៈវេទិកា YourOnlineChoices (https://youronlinechoices.eu/​) ដែលមានក្រុមហ៊ុន Meta ជាក្រុមហ៊ុនសមាជិកផងដែរ។ សូមចំណាំថា មុខងារដែលប្រើសម្រាប់បដិសេធនេះដំណើរការតាមរយៈឃុកឃីដែលបានរក្សាទុកក្នុងកម្មវិធីរុករករបស់អ្នក មានន័យថាវាអាស្រ័យតាមឧបករណ៍ និងកម្មវិធីរុករក ហើយត្រូវកំណត់សារឡើងឡើងវិញ ប្រសិនបើអ្នកបានលុបឃុកឃីចោល ឬប្រើឧបករណ៍ផ្សេងមួយទៀត។ 

9.​​​ ទិន្នន័យសកម្មភាពនឹងត្រូវបានរក្សាទុករយៈពេលរហូតដល់ពីរឆ្នាំ។ 

___ 

សេវាកម្ម jQuery 

1.​​​ យើងប្រើប្រាស់សេវាកម្ម jQuery CDN ផ្ដល់ជូនដោយ jQuery Foundation ដើម្បីផ្តល់ឱ្យអ្នកនូវការចូលទៅកាន់គេហទំព័រ និងគេហទំព័ររងរបស់យើងបានយ៉ាងឆាប់រហ័ស និងមានភាពងាយស្រួលនៅលើឧបករណ៍ពីរផ្សេងៗគ្នា។ សេវាកម្ម jQuery ត្រូវបានចែកចាយតាមរយៈបណ្តាញចែកចាយមាតិកា (CDN) របស់ក្រុមហ៊ុនកម្មវិធីអាមេរិក StackPath,  LCC 2012 McKinney Ave. Suite 1100, Dallas, TX 75201, សហរដ្ឋអាមេរិក។ សេវាកម្មនេះផ្ទុក គ្រប់គ្រង និងដំណើរការទិន្នន័យផ្ទាល់ខ្លួនរបស់អ្នក។ 

2.​​​ បណ្តាញចែកចាយមាតិកា (CDN) គឺជាបណ្តាញម៉ាស៊ីនមេដែលបានចែកចាយតាមតំបន់ផ្សេងៗ ហើយតភ្ជាប់គ្នាតាមរយៈអ៊ីនធឺណិត។ តាមរយៈបណ្តាញនេះ មាតិកា និងជាពិសេសឯកសារដែលមានទំហំខ្លាំងអាចត្រូវបានចែកចាយបានយ៉ាងលឿន—សូម្បីតែនៅក្នុងអំឡុងពេលដែលមានតម្រូវការខ្ពស់។ សេវាកម្ម jQuery បង្កើតច្បាប់ចម្លងនៃគេហទំព័ររបស់យើងនៅលើម៉ាស៊ីនមេរបស់ខ្លួន។ ដូច្នេះហើយ គេហទំព័ររបស់យើងអាចចែកចាយព៌ត៌មានដល់អ្នកប្រើប្រាស់បានឆាប់រហ័សបំផុត។ វាមានន័យថា ការផ្ទេរទិន្នន័យទៅកាន់កម្មវិធីរុករករបស់អ្នកត្រូវបានពន្លឿនដោយ CDN។

3.​​​ យើងចង់ផ្តល់ជូនសេវាកម្មដ៏ទូលំទូលាយ និងដំណើរការបានយ៉ាងល្អនៅលើគេហទំព័ររបស់យើងដល់អ្នក។  សេវាកម្មនេះរួមមានការផ្ទុកដ៏ឆាប់រហ័សនៅលើគេហទំព័ររបស់យើងផងដែរ។ អ្នកអាចផ្ទុកគេហទំព័ររបស់យើងបានកាន់រហ័សដោយសារតែមានសេវា jQuery ។ ការអនុវត្តសេវា jQuery មានប្រយោជន៍ជាពិសេសសម្រាប់អ្នកប្រើប្រាស់នៅក្រៅប្រទេស ដោយសារគេហទំព័រអាចត្រូវបានចែកចាយចេញពីម៉ាស៊ីនមេដែលនៅជិតទីតាំងនោះ។ 

4.​​​ គោលការណ៍ឯកជនភាពរបស់ StackPath បានបញ្ជាក់យ៉ាងច្បាស់ថា StackPath ប្រើប្រាស់ទិន្នន័យសរុប និងទិន្នន័យអនាមិកពីសេវាកម្មផ្សេងៗ (ដូចជាសេវាកម្ម jQuery) សម្រាប់ទាំងការកែលម្អសុវត្ថិភាព និងសេវាកម្មផ្ទាល់ខ្លួនរបស់ខ្លួន។ យ៉ាងណាមិញ ការប្រើប្រាស់ទិន្នន័យនេះមិនអាចកំណត់អត្តសញ្ញាណផ្ទាល់ខ្លួនរបស់អ្នកបានឡើយ។ 

5. ប្រសិនបើអ្នកចង់ជៀសវាងការផ្ទេរទិន្នន័យនេះ អ្នកតែងតែមានជម្រើសប្រើប្រាស់កម្មវិធីបិទ JavaScript ដូចជា ghostery.com ឬ noscript.net។ អ្នកក៏អាចបិទដំណើរការកូដ JavaScript នៅក្នុងកម្មវិធីរុករករបស់អ្នកបានផងដែរ។ ប្រសិនបើអ្នកសម្រេចចិត្តបិទដំណើរការកូដ JavaScript នោះមុខងារទូទៅនានាក៏អាចមានការផ្លាស់ប្តូរដែរ។ ឧទាហរណ៍ គេហទំព័រអាចនឹងមិនផ្ទុកបានលឿនដូចមុន។ 

6.​​​ សម្រាប់ទទួលបានព័ត៌បន្ថែម សូមចុចលើតំណខាងក្រោម៖ https://privacy-policy.openjsf.org. 

___ 

សេវាកម្ម reCAPTCHA​ របស់ Google 

1.​​​ យើងប្រើប្រាស់សេវាកម្ម reCAPTCHA របស់ Google ដែលការពារគេហទំព័ររបស់យើងពីសារឥតបានការ និងការប្រើប្រាស់មិនសមរម្យ។ សេវាកម្មនេះរារាំងកម្មវិធីស្វ័យប្រតិកម្ម (ដែលហៅថា រ៉ូបូត) មិនឱ្យអនុវត្តសកម្មភាពមិនសមរម្យនៅលើគេហទំព័ររបស់យើង ដោយមានការត្រួតពិនិត្យថាការបញ្ចូលទិន្នន័យត្រូវបានធ្វើឡើងដោយមនុស្សពិតប្រាកដ។ Google ប្រមូលទិន្នន័យដូចខាងក្រោម៖ 

• អាសយដ្ឋានគេហទំព័រមុនពេលចូលប្រើប្រាស់ (អាសយដ្ឋានគេហទំព័រដែលបានប្រើប្រាស់ captcha) 
• អាសយដ្ឋាន IP របស់អ្នកប្រើប្រាស់ 
• គណនី Google (ប្រសិនបើអ្នកបានចុះឈ្មោះជាមួយ Google នោះ គណនីនេះនឹងត្រូវកត់សម្គាល់ និងភ្ជាប់) 
• អាកប្បកិរិយាបញ្ចូលទិន្នន័យរបស់អ្នកប្រើប្រាស់ (ឧ. ល្បឿនបញ្ចូលទិន្នន័យក្នុងប្រអប់ទម្រង់ និងលំដាប់ជ្រើសរើសប្រអប់បញ្ចូល) ត្រូវបានប្រើប្រាស់ ដើម្បីកែលម្អការកំណត់សកម្មភាពនៅលើ Google ។ 
• ប្រភេទកម្មវិធីរុករក ទំហំ និងរេសូលូស្យុងរបស់កម្មវិធីរុករក កម្មវិធីជំនួយដែលបានដំឡើងលើកម្មវិធីរុករក កាលបរិច្ឆេទ និងការកំណត់ភាសា។ 
• សេចក្តីណែនាំបង្ហាញ (CSS) និងស្គ្រីប (Javascript) របស់គេហទំព័រ 
• សកម្មភាពម៉ៅស៍ និងការចុចលើគេហទំព័រ 

2.​​​ Google ក៏ប្រមូលឃុកឃីពីសេវាកម្ម Google ផ្សេងៗទៀតដូចជា Gmail, Search និង Analytics ដែរ។ ទិន្នន័យទាំងអស់ត្រូវបានធ្វើកូដនីយកម្ម ហើយបញ្ជូនទៅកាន់ Google។ ហើយពុំមានការប្រមូល ឬរក្សាទុកទិន្នន័យផ្ទាល់ខ្លួនដែលបានបំពេញនៅក្នុងប្រអប់ព័ត៌មាននៅក្នុងទម្រង់ឡើយ។ 

3.​​​ សម្រាប់ព័ត៌មានបន្ថែមអំពីគោលការណ៍ឯកជនភាពរបស់ Google សូមចូលទៅកាន់ https://www.google.com/policies/privacy/ 

4.​​​ ការដំណើរការព័ត៌មាននេះត្រូវបានធ្វើឡើងដោយផ្អែកលើផលប្រយោជន៍ស្របច្បាប់ដោយអនុលោមតាមមាត្រា 6 កថាខណ្ឌទី (1) (f) នៃបទប្បញ្ញត្តិ GDPR។ 

___ 

សេវាកម្ម ALAN Captcha 

1.​​​ យើងប្រើប្រាស់សេវាកម្ម “ALAN Captcha” ដែលមានផ្តល់ជូនដោយក្រុមហ៊ុន scrinus web & co GmbH, Marxergasse 5/24, 1030 Vienna, ប្រទេសអូទ្រីស ដើម្បីការពារគេហទំព័ររបស់យើងពីសារឥតបានការ ការរំលោភបំពានដោយស្វ័យប្រវត្តិ និងសកម្មភាពក្លែងបន្លំនានា។ 

2.​​​ សេវាកម្ម ALAN Captcha ផ្តល់ការការពារប្រឆាំងនឹងរ៉ូបូត ស្របពេលធានាការអនុលោមតាមបទប្បញ្ញត្តិការពារទិន្នន័យ។ សេវាកម្មនេះដំណើរការដោយមិនប្រើឃុកឃី ឬយន្តការតាមដានស្រដៀងគ្នាណាមួយឡើយ ហើយធ្វើឱ្យអាសយដ្ឋាន IP នៅលើបណ្ដាញក្លាយជាអនាមិកដោយស្វ័យប្រវត្តិ។ នៅពេលប្រើប្រាស់សេវាកម្ម ALAN Captcha យើងនឹងដំណើរការទិន្នន័យបច្ចេកទេសដូចជា កំណែវីជេត (widget version) ប្រភេទ និងកំណែកម្មវិធីរុករក ទិន្នន័យផាស្សល (puzzle data) ពេលវេលាកំណត់ និងទំនាក់ទំនង CAPTCHA ដើម្បីបែងចែករវាងអ្នកប្រើប្រាស់ជាមនុស្សពិតប្រាកដ និងរ៉ូបូត។

3.​​​ មូលដ្ឋានច្បាប់សម្រាប់ការដំណើរការទិន្នន័យ គឺផលប្រយោជន៍ស្របច្បាប់របស់យើង (ដោយអនុលោមតាមមាត្រា 6 កថាខណ្ឌទី 1 ចំណុច f នៃបទប្បញ្ញតិ GDPR) ក្នុងការធានាសុវត្ថិភាពគេហទំព័រ និងការការពារការក្លែងបន្លំនានា។ 

4.​​​ ព័ត៌មានលម្អិតបន្ថែមអំពីដំណើរការទិន្នន័យរបស់សេវាកម្ម ALAN Captcha អាចរកបាននៅ៖ https://alancaptcha.com/en-us/privacy-policy-for-end-users។

1.​​​ នៅពេលទាក់ទងមកកាន់យើង (តាមរយៈទម្រង់អនឡាញ ឬអ៊ីមែល) ទិន្នន័យដែលអ្នកប្រើប្រាស់បានផ្ដល់ជូននឹងត្រូវបានប្រើប្រាស់តែសម្រាប់ដំណើរការសាកសួរ និងការដោះស្រាយបញ្ហាតែប៉ុណ្ណោះ។ 

2.​​​ លុះត្រាតែមានការយល់ព្រមពីអ្នកប្រើប្រាស់ ទើបអាចមានការរប្រើប្រាស់ទិន្នន័យដទៃទៀតបាន។ 

3.​​​ ទិន្នន័យរបស់អ្នកប្រើប្រាស់ នឹងត្រូវបានផ្ទុកក្នុងប្រព័ន្ធគ្រប់គ្រងទំនាក់ទំនងអតិថិជនរបស់យើង (Salesforce) ឬកម្មវិធី/មូលដ្ឋានទិន្នន័យស្រដៀងគ្នានេះ។ យើងនឹងរក្សាទុកទិន្នន័យនេះតាមរយៈពេលដែលច្បាប់កំណត់សម្រាប់លិខិតអាជីវកម្ម។

1.​​​ ជាមួយនឹងព័ត៌មានខាងក្រោមនេះ យើងចង់ជំរាបជូនអ្នកអំពីមាតិកានៃព្រឹត្តិបត្រព័ត៌មាន និងការទំនាក់ទំនងតាមអ៊ីមែលរបស់យើង ក៏ដូចជានីតិវិធីចុះឈ្មោះ ការផ្ញើ និងការវិភាគស្ថិតិ ព្រមទាំងសិទ្ធិរបស់អ្នកក្នុងការជំទាស់ផងដែរ។ តាមរយៈការចុះឈ្មោះចូលប្រើប្រាស់ព្រឹត្តិបត្រព័ត៌មានរបស់យើង អ្នកយល់ព្រមទទួលព័ត៌មាន និងទទួលយកនីតិវិធីដែលបានពិពណ៌នាខាងលើ។ 

2.​​​ ការយល់ព្រម 

ជាផ្នែកមួយនៃការចុះឈ្មោះប្រើប្រាស់ព្រឹត្តិបត្រព័ត៌មាន និងការទំនាក់ទំនងតាមអ៊ីមែល យើងទទួលយកការយល់ព្រមពីអ្នកគាំទ្ររបស់យើងតាមរយៈប្រអប់ធីកពិសេស ដែលបានបន្ថែមនៅក្នុងបណ្តាញផ្សេងៗរបស់យើង។ ការចុះឈ្មោះប្រើប្រាស់ព្រឹត្តិបត្រព័ត៌មាន និងការទំនាក់ទំនងតាមអ៊ីមែល ត្រូវបានកត់ត្រាជាភ័ស្តុតាងនៃការបំពេញកាតព្វកិច្ចផ្លូវច្បាប់។ ការកត់ត្រារួមមានការរក្សាទុកពេលវេលានៃការចុះឈ្មោះ និងការបញ្ជាក់។ 

3.​​​ ឧបករណ៍អ៊ីមែល 

ព្រឹត្តិបត្រព័ត៌មាន និងការទំនាក់ទំនងតាមអ៊ីមែល ត្រូវបានផ្ញើចេញដោយប្រើឧបករណ៍អ៊ីមែល Marketing Cloud – ដែលតទៅនេះហៅថា “ឧបករណ៍ផ្គត់ផ្គង់សេវាផ្ញើ”។ អ្នកអាចមើលបទប្បញ្ញត្តិការពារទិន្នន័យរបស់អ្នកផ្គត់ផ្គង់ឧបករណ៍អ៊ីមែលបាននៅទីនេះ៖ https://www.salesforce.com/eu/company/privacy/ 

យោងតាមព័ត៌មានផ្ទាល់ខ្លួនរបស់ខ្លួន អ្នកផ្គត់ផ្គង់ឧបករណ៍អ៊ីមែលអាចប្រើប្រាស់ទិន្នន័យនេះនៅក្នុងទម្រង់ដែលមានអត្តសញ្ញាណក្លែងក្លាយ ពោលគឺមិនភ្ជាប់ទៅនឹងអ្នកប្រើប្រាស់ណាមួយឡើយ ដើម្បី កែលម្អ ឬបង្កើនប្រសិទ្ធភាពសេវាកម្មរបស់ខ្លួន ឧ. កែលម្អប្រកបដោយបច្ចេកទេសលើការផ្ញើ និងបង្ហាញព្រឹត្តិបត្រព័ត៌មាន និងការទំនាក់ទំនងតាមអ៊ីមែល ឬសម្រាប់គោលបំណងធ្វើស្ថិតិ ដើម្បីកំណត់ថា អ្នកទទួលមកពីប្រទេសណា។ យ៉ាងណាមិញ អ្នកផ្គត់ផ្គង់ឧបករណ៍អ៊ីមែលមិនប្រើប្រាស់ទិន្នន័យរបស់អ្នកទទួលព្រឹត្តិបត្រព័ត៌មាន ដើម្បីទាក់ទងទៅកាន់ពួកគេផ្ទាល់ ឬបញ្ចូនទិន្នន័យទៅភាគីទីបីឡើយ។ 

4.​​​ ទិន្នន័យចុះឈ្មោះ 

ដើម្បីចុះឈ្មោះប្រើប្រាស់ព្រឹត្តិបត្រព័ត៌មាន និងការទំនាក់ទំនងតាមអ៊ីមែល អ្នកត្រូវបញ្ចូលអាសយដ្ឋានអ៊ីមែល នាម និងនាមត្រកូលរបស់អ្នក ព្រមទាំងធីកលើប្រអប់ធីកការយល់ព្រមផងដែរ។ 

5.​​​ ការស្ទង់មតិ និងការវិភាគស្ថិតិ 

ព្រឹត្តិបត្រព័ត៌មាន និងការទំនាក់ទំនងតាមអ៊ីមែលមានផ្ទុកនូវឧបករណ៍តាមដាន ពោលគឺឯកសារទំហំភីកសែល ដែលត្រូវបានទាញយកពីម៉ាស៊ីនមេរបស់អ្នកផ្គត់ផ្គង់ឧបករណ៍អ៊ីមែល នៅពេលបើកព្រឹត្តិបត្រព័ត៌មាន ឬការទំនាក់ទំនងតាមអ៊ីមែល។ ក្នុងដំណើរការទាញយកនេះ ព័ត៌មានបច្ចេកទេសដូចជា ព័ត៌មានអំពីកម្មវិធីរុករក និងប្រព័ន្ធរបស់អ្នក អាសយដ្ឋាន IP និងពេលវេលាទាញយកនឹងត្រូវបានប្រមូលទុក។ ព័ត៌មានទាំងនេះត្រូវបានប្រើប្រាស់សម្រាប់កែលម្អសេវាកម្មផ្នែកបច្ចេកទេស ដោយផ្អែកលើទិន្នន័យបច្ចេកទេស ឬក្រុមគោលដៅ និងអាកប្បកិរិយាចូលទស្សនារបស់ពួកគេដោយផ្អែកលើទីតាំងទាញយក (ដែលអាចកំណត់បានតាមអាសយដ្ឋាន IP) ឬពេលវេលាចូលប្រើប្រាស់។ 

ការស្ទង់មតិជាស្ថិតិក៏មានរួមបញ្ចូលការកំណត់ថាអ្នកទទួលព្រឹត្តិបត្រព័ត៌មាន និងការទំនាក់ទំនងតាមអ៊ីមែលបានបើកវាឬអត់ ហើយបានបើកនៅពេលណា និងបានចុចតំណភ្ជាប់អ្វីខ្លះ។ សម្រាប់បញ្ហាបច្ចេកទេស យើងអាចផ្ដល់ព័ត៌មាននេះទៅកាន់អ្នកទទួលព្រឹត្តិបត្រព័ត៌មាននីមួយៗបាន។ ក៏ប៉ុន្តែ យើង និងក្រុមហ៊ុនផ្គត់ផ្គង់សេវាឧបករណ៍អ៊ីមែលពុំមានបំណងតាមដានអ្នកប្រើប្រាស់នីមួយៗឡើយ។ យើងប្រើលទ្ធផលវាយតម្លៃដើម្បីស្វែងយល់អំពីទម្លាប់ចូលទស្សនារបស់អ្នកប្រើប្រាស់ ហើយកែប្រែមាតិការបស់យើងឱ្យសមរម្យ ឬផ្ញើមាតិកាផ្សេងៗទៅតាមចំណង់ចំណូលរបស់ពួកគេ។ 

6.​​​ មូលដ្ឋានច្បាប់ 

ការប្រើប្រាស់ឧបករណ៍អ៊ីមែល ការអនុវត្តការស្ទង់មតិ និងការវិភាគស្ថិតិ រួមទាំងការកត់ត្រាដំណើរការចុះឈ្មោះ គឺត្រូវផ្អែកលើផលប្រយោជន៍ស្របច្បាប់របស់យើងដោយអនុលោមតាមមាត្រា 6 កថាខណ្ឌទី (1) (f) នៃបទប្បញ្ញត្តិ GDPR។ យើងមានបំណងផ្តល់ជូនប្រព័ន្ធព្រឹត្តិបត្រព័ត៌មានដែលងាយស្រួលប្រើប្រាស់ និងមានសុវត្ថិភាពដែលបម្រើផលប្រយោជន៍អាជីវកម្មរបស់យើង និងបំពេញតាមការរំពឹងទុករបស់អ្នកប្រើប្រាស់របស់យើង។ 

7.​​​ ការបញ្ចប់/ការដកហូតវិញ 

អ្នកអាចបោះបង់ការទទួលបានព្រឹត្តិបត្រព័ត៌មាន និងការទំនាក់ទំនងតាមអ៊ីមែលនៅពេលណាក៏បាន ពោលគឺការដកហូតការយល់ព្រម។ អ្នកអាចរកឃើញតំណជ្រើសរើសចាកចេញនៅចុងព្រឹត្តិបត្រព័ត៌មាន និងការទំនាក់ទំនងតាមអ៊ីមែលនីមួយៗ។ ប្រសិនបើអ្នកប្រើប្រាស់បានបោះបង់ការទទួលយកព្រឹត្តិប័ត្រព័ត៌មាន ឬការទំនាក់ទំនងតាមអ៊ីមែលហើយ ទិន្នន័យផ្ទាល់ខ្លួនដែលបានដំណើរការសម្រាប់ការផ្ញើព្រឹត្តិប័ត្រព័ត៌មានរបស់ពួកគេនឹងត្រូវបានលុបចោល។

1.​​​ វិសាលភាព និងគោលបំណងនៃការដំណើរការទិន្នន័យ មូលដ្ឋានច្បាប់សម្រាប់ការដំណើរការទិន្នន័យ 

យើងដំណើរការតែទិន្នន័យណាដែលចាំបាច់សម្រាប់គាំទ្រដល់អ្នកស្ម័គ្រចិត្តដោយអនុលោមតាមមាត្រា 6 កថាខណ្ឌទី 1 ចំណុច a នៃបទប្បញ្ញត្តិ GDPR ប៉ុណ្ណោះ (ការយល់ព្រម)។  

ការផ្ញើការទំនាក់ទំនងតាមអ៊ីមែលរបស់យើងក៏ត្រូវបានធ្វើឡើងដោយអនុលោមតាមមាត្រា 6 កថាខណ្ឌទី 1 ចំណុច a នៃបទប្បញ្ញតិ GDPR ដែរ (ការយល់ព្រម)។ 

2.​​​  ទិន្នន័យ 

ជាពិសេស ទិន្នន័យផ្ទាល់ខ្លួនសំខាន់ៗ និងទិន្នន័យទំនាក់ទំនង (ឧ. អាសយដ្ឋានអ៊ីមែល និងលេខទូរស័ព្ទ) ត្រូវបានដំណើរការ។ 

3.​​​ អ្នកទទួល 

មិនមាន 

4.​​​ សិទ្ធិក្នុងការជំទាស់ និងការដកចេញ 

អ្នកអាចជំទាស់ចំពោះការផ្ញើការទំនាក់ទំនងតាមអ៊ីមែលរបស់យើងនៅពេលណាក៏បានដែលមានប្រសិទ្ធិភាពសម្រាប់ពេលអនាគត។ 

អ្នកអាចដកហូតការយល់ព្រមរបស់អ្នកឱ្យដំណើរការទិន្នន័យនៅពេលណាក៏បានដែលមានប្រសិទ្ធិភាពសម្រាប់ពេលអនាគត។ 

1.​​​ វិសាលភាព និងគោលបំណងនៃការដំណើរការទិន្នន័យ មូលដ្ឋានច្បាប់សម្រាប់ការដំណើរការទិន្នន័យ 

នៅលើវេទិកាអនឡាញរបស់យើង យើងមានផ្តល់ជូនទម្រង់ឱ្យអ្នកប្រើប្រាស់អាចប្រើសម្រាប់ធ្វើការបរិច្ចាគ ឬឧបត្ថម្ភតាមប្រព័ន្ធអេឡិចត្រូនិក។ យើងដំណើរការទិន្នន័យដែលបានប្រមូលនៅក្នុងបរិបទនេះសម្រាប់គោលបំណងដំណើរការការទូទាត់ និងជាជំនួយដល់អ្នកបរិច្ចាគ និងអ្នកឧបត្ថម្ភដោយអនុលោមតាមមាត្រា 6 កថាខណ្ឌទី 1 ចំណុច b នៃបទប្បញ្ញត្តិ GDPR (ការអនុវត្តកិច្ចសន្យា)។ 

ការប្រើប្រាស់ទិន្នន័យអាសយដ្ឋានរបស់អ្នកសម្រាប់គោលបំណងផ្ញើតាមប្រៃសណីយ៍ និងការផ្សាយពាណិជ្ជកម្មត្រូវបានអនុវត្តដោយអនុលោមតាមមាត្រា 6 កថាខណ្ឌទី 1 ចំណុច f នៃបទប្បញ្ញត្តិ GDPR (តុល្យភាពផលប្រយោជន៍)។ 

លើសពីនេះទៅទៀត ការដំណើរការទិន្នន័យនេះមានភាពចាំបាច់ណាស់ចំពោះបទបញ្ញត្តិពន្ធដារ និងបទបញ្ញត្តិប្រឆាំងការលាងលុយកខ្វក់យោងតាមមាត្រា 6 កថាខណ្ឌទី 1 ចំណុច c នៃបទប្បញ្ញត្តិ GDPR (កាតព្វកិច្ចផ្លូវច្បាប់)។ 

2.​​​ ទិន្នន័យ 

យើងបានប្រមូលទិន្នន័យក្នុងគ្រប់ករណីទាំងអស់តាមទម្រង់ដែលបានប្រើប្រាស់។ ទិន្នន័យទាំងនេះរួមមាន ព័ត៌មានអំពីការបរិច្ចាគ (ឧ. ចំនួនទឹកប្រាក់ ចន្លោះពេលបរិច្ចាគ និងវិធីសាស្រ្តទូទាត់) រួមជាមួយនឹងទិន្នន័យផ្ទាល់ខ្លួនសំខាន់ៗ និងទិន្នន័យទំនាក់ទំនងផងដែរ (ឧ. អាសយដ្ឋានអ៊ីមែល និងលេខទូរស័ព្ទ)។ 

3.​​​ អ្នកទទួល 

ប័ណ្ណឥណទាន និងឥណពន្ធផ្ទាល់ 

ប្រសិនបើអ្នកជ្រើសរើស “កាតឥណទាន/ឥណពន្ធ” ឬ “ឥណពន្ធផ្ទាល់ SEPA (SEPA direct debit)” ជាវិធីសាស្ត្រទូទាត់ យើងនឹងបញ្ជូនទិន្នន័យផ្ទាល់ខ្លួនចាំបាច់សម្រាប់ដំណើរការទូទាត់របស់អ្នកទៅកាន់ក្រុមហ៊ុន ADYEN N.V. ដែលជាអ្នកផ្គត់ផ្គង់សេវាទូទាត់  (Simon Carmiggeltstraat 6-50, 1011 DJ, Amsterdam, ប្រទេសហូឡង់)។ 

ព័ត៌មានស្តីពីការការពារទិន្នន័យនៅ Adyen N.V. អាចរកបាននៅ https://www.adyen.com/policies-and-disclaimer/privacy-policy។ 

Paypal 

ប្រសិនបើអ្នកជ្រើសរើសយក “PayPal” ជាវិធីសាស្ត្រទូទាត់ យើងនឹងបញ្ជូនទិន្នន័យផ្ទាល់ខ្លួនដែលចាំបាច់សម្រាប់ដំណើរការទូទាត់ទៅកាន់ក្រុមហ៊ុន PayPal (Europe) S.à r.l. et Cie, S.C.A.។ (22-24 Boulevard Royal, L-2449 ប្រទេសលុចសំបួរ)។ 

ព័ត៌មានស្តីពីការការពារទិន្នន័យនៅ PayPal (Europe) S.à r.l. et Cie, S.C.A. អាចរកបាននៅ https://www.paypal.com/webapps/mpp/ua/privacy-full។ 

4.​​​ សិទ្ធិក្នុងការជំទាស់ និងការដកចេញ 

អ្នកអាចបដិសេដមិនឱ្យយើងប្រើប្រាស់ទិន្នន័យរបស់អ្នកសម្រាប់គោលបំណងផ្សាយពាណិជ្ជកម្មនៅពេលណាក៏បានដែលមានប្រសិទ្ធិភាពសម្រាប់ពេលអនាគត។ 

អ្នកអាចដកហូតការយល់ព្រមរបស់អ្នកឱ្យដំណើរការទិន្នន័យនៅពេលណាក៏បានដែលមានប្រសិទ្ធិភាពសម្រាប់ពេលអនាគត។

1.​​​ វិសាលភាព និងគោលបំណងនៃការដំណើរការទិន្នន័យ មូលដ្ឋានច្បាប់សម្រាប់ការដំណើរការទិន្នន័យ 

យើងដំណើរការតែទិន្នន័យណាដែលចាំបាច់សម្រាប់ការអនុវត្តពាក្យបណ្តឹងដោយអនុលោមតាមមាត្រា 6 កថាខណ្ឌទី 1 ចំណុច a នៃបទប្បញ្ញត្តិ GDPR ប៉ុណ្ណោះ (ការយល់ព្រម)។ 

ការផ្ញើព្រឹត្តិបត្រព័ត៌មានតាមអ៊ីមែលត្រូវបានអនុវត្តដោយផ្អែកជាពិសេសលើការយល់ព្រមដាច់ដោយឡែក  របស់អ្នកដោយអនុលោមតាមមាត្រា 6 កថាខណ្ឌទី 1 ចំណុច a នៃបទប្បញ្ញត្តិ GDPR។ 

2.​​​ ទិន្នន័យ 

ជាពិសេស ទិន្នន័យផ្ទាល់ខ្លួនសំខាន់ៗ ទិន្នន័យទំនាក់ទំនង (ឧ. អាសយដ្ឋានអ៊ីមែល និងលេខទូរស័ព្ទ) និងទិន្នន័យពាក់ព័ន្ធនឹងពាក្យបណ្តឹងត្រូវបានដំណើរការ។ 

3.​​​ អ្នកទទួល 

ទិន្នន័យរបស់អ្នកនឹងត្រូវបានចែកចាយជាមួយអ្នកទទួលពាក្យបណ្តឹង ដូចជាអាជ្ញាធរសាធារណៈ ឬសភាដែលពាក់ព័ន្ធ។ ក្នុងករណីមួយចំនួន យើងក៏អាចចែកចាយទិន្នន័យរបស់អ្នកជាមួយអង្គការដៃគូដែលគាំទ្រដល់ការផ្សព្វផ្សាយរបស់យើង។ ប្រសិនបើមានករណីនេះកើតឡើង វានឹងមានរៀបរាប់យ៉ាងច្បាស់លាស់នៅក្នុងពាក្យបណ្តឹង។ 

លើសពីនេះទៅទៀត ទិន្នន័យរបស់អ្នកនឹងត្រូវបានចែកចាយជាមួយអ្នកផ្គត់ផ្គង់សេវាកម្ម ដែលជួយគ្រប់គ្រង និងផ្ញើពាក្យបណ្តឹងរបស់យើង។ ក្រុមហ៊ុនផ្គត់ផ្គង់ទាំងនេះត្រូវបានចងភ្ជាប់ដោយ កិច្ចព្រមព្រៀងការពារទិន្នន័យយ៉ាងតឹងរ៉ឹង ដើម្បីធានាថាទិន្នន័យរបស់អ្នកត្រូវបានគ្រប់គ្រងប្រកបដោយសុវត្ថិភាព និងអនុលោមតាមច្បាប់ការពារទិន្នន័យ។ 

4.​​​ សិទ្ធិក្នុងការជំទាស់ និងការដកចេញ 

អ្នកអាចបដិសេដលើការផ្ញើអ៊ីមែល ឬព្រឹត្តិបត្រព័ត៌មាននៅពេលណាក៏បានដែលមានប្រសិទ្ធិភាពសម្រាប់ពេលអនាគត។ 

អ្នកអាចដកហូតការយល់ព្រមរបស់អ្នកឱ្យដំណើរការទិន្នន័យនៅពេលណាក៏បានដែលមានប្រសិទ្ធិភាពសម្រាប់ពេលអនាគត។

នៅលើគេហទំព័ររបស់យើង  យើងមានធ្វើកម្មវិធីតាមអនឡាញតាមកាលបរិច្ឆេទជាក់លាក់។ ដើម្បីចូលរួមក្នុងកម្មវិធីទាំងនេះ អ្នកត្រូវចុះឈ្មោះ ដោយផ្តល់ជូនទិន្នន័យផ្ទាល់ខ្លួនដូចជា ឈ្មោះ និងអាសយដ្ឋានអ៊ីមែល។ មុនថ្ងៃកម្មវិធីមួយថ្ងៃ អ្នកនឹងទទួលបានអ៊ីមែលដែលមានតំណភ្ជាប់ និងព័ត៌មានលម្អិតអំពីការបញ្ចាំងតាមអនឡាញពីយើង។  ក្រោយពេលចប់កម្មវិធី អ្នកនឹងទទួលបានអ៊ីមែលថ្លែងអំណរគុណពីយើង។ 

មូលដ្ឋានច្បាប់សម្រាប់ការដំណើរការទិន្នន័យនេះ គឺផ្អែកលើការយល់ព្រមរបស់អ្នកស្របតាម មាត្រា 6 កថាខណ្ឌទី (1) ចំណុច (a) នៃបទប្បញ្ញត្តិ GDPR។ 

ក្នុងដំណើរការចុះឈ្មោះចូលរួមកម្មវិធី អ្នកក៏អាចស្ម័គ្រចិត្តជ្រើសរើសទទួលព័ត៌មានពីយើងអំពីកម្មវិធី និងសកម្មភាពផ្សាយពាណិជ្ជកម្មផ្សេងៗនាពេលអនាគតផងដែរ។ មូលដ្ឋានច្បាប់សម្រាប់ការដំណើរការទិន្នន័យនេះ គឺផ្អែកលើការយល់ព្រមបន្ថែមរបស់អ្នកស្រប មាត្រា 6 កថាខណ្ឌទី (1) ចំណុច (a) នៃបទប្បញ្ញត្តិ GDPR ដែល មិនមែនជាលក្ខខណ្ឌចាំបាច់សម្រាប់ការចូលរួមក្នុងកម្មវិធីឡើយ។ 

ទិន្នន័យរបស់អ្នកនឹងត្រូវបានរក្សាទុកចាប់តាំងពីពេលដែលអ្នកចុះឈ្មោះរហូតដល់ចប់កម្មវិធី លុះត្រាតែអ្នកដកហូតការយល់ព្រម ឬមានមូលដ្ឋានច្បាប់ ឬរយៈពេលរក្សាទុកដែលអនុញ្ញាត ឬតម្រូវឱ្យរក្សាទុករយៈពេលវែងជាងនេះ។ 

អ្នកអាចដកហូតការយល់ព្រមរបស់ខ្លួនវិញនៅពេលណាក៏បានដែរ។ ការដកហូតការយល់ព្រមរបស់អ្នកមិនប៉ះពាល់ដល់ភាពស្របច្បាប់នៃការដំណើរការទិន្នន័យដែលបានអនុវត្តមុនពេលដកហូតឡើយ។ 

សម្រាប់ការបង្កើតកម្មវិធីតាមអនឡាញឡើងវិះ យើងអាចប្រើប្រាស់កម្មវិធីផ្គត់ផ្គង់សេវាកម្មដូចជា Slido ជាដើម។ ក្រុមហ៊ុនផ្គង់ផ្គង់សេវាកម្មទាំងនេះអាចចូលប្រើប្រាស់ទិន្នន័យផ្ទាល់ខ្លួន ដូចជាអាសយដ្ឋាន IP របស់អ្នកបាន។ សម្រាប់ព័ត៌មានលម្អិតបន្ថែមអំពីក្រុមហ៊ុនផ្គង់ផ្គង់សេវាកម្ម សូមមើល៖ (Legal | Slido - Audience Interaction Made Easy)។ 

នៅពេលប្រើប្រាស់ឧបករណ៍ទាំងនេះនៅលើគេហទំព័ររបស់យើង ទិន្នន័យរបស់អ្នកអាចត្រូវបានផ្ទេរទៅប្រទេសទីបី ដូចជាសហរដ្ឋអាមេរិកជាដើម។ យោងតាមសេចក្តីសម្រេចអំពីភាពសមស្របរបស់គណៈកម្មាធិការអឺរ៉ុប ចុះថ្ងៃទី10 ខែកក្កដា ឆ្នាំ2023 ស្តីពីក្របខណ្ឌភាពឯកជនទិន្នន័យ EU-US (EU-US Data Privacy Framework - DPF) បានឱ្យឃើញថា សហរដ្ឋអាមេរិកមានកម្រិតការពារទិន្នន័យគ្រប់គ្រាន់សម្រាប់ការពារទិន្នន័យផ្ទាល់ខ្លួនដែលបានផ្ទេរទៅកាន់ក្រុមហ៊ុននៅអាមេរិកក្រោមក្របខណ្ឌថ្មីនេះ ដូចនៅសហភាពអឺរ៉ុប   ដែរ។ 

ប្រសិនបើទិន្នន័យផ្ទាល់ខ្លួនត្រូវបានផ្ទេរទៅប្រទេសទីបីដែលមិនមានការសម្រេចភាពសមស្របពី                  គណៈកម្មការអឺរ៉ុបទេនោះ ការផ្ទេរនោះត្រូវធ្វើឡើងដោយផ្អែកលើមូលដ្ឋានស្ដង់ការលក្ខខណ្ឌកិច្ចសន្យា។

1. តាមរយៈគេហទំព័រការងារ (careers portal)នៅលើគេហទំព័ររបស់យើង យើងមានផ្តល់ប្រព័ន្ធដាក់ពាក្យ ស្នើសុំតាមអ៊ីនធឺណិតសម្រាប់បេក្ខជន ដែលមានចំណាប់អារម្មណ៍លើការងារណាដែលយើងបានដាក់ក្នុងបញ្ជី។ សម្រាប់ការអនុវត្តប្រព័ន្ធដាក់ពាក្យស្នើសុំតាមអ៊ីនធឺណិតនេះ យើងប្រើប្រាស់សេវាកម្មរបស់ក្រុមហ៊ុន iCIMS, Inc. [New Jersey, US]។ 

រាល់ការផ្ទេរទិន្នន័យផ្ទាល់ខ្លួនរបស់អ្នកទៅកាន់ក្រុមហ៊ុន iCIMS, Inc. នៅសហរដ្ឋអាមេរិក គឺផ្អែកលើ វិញ្ញាបនបត្ររបស់ក្រុមហ៊ុនផ្គត់ផ្គង់ស្របតាម "ក្របខ័ណ្ឌឯកជនភាពទិន្នន័យ EU-U.S." (EU-U.S. Data Privacy Framework) ដោយអនុលោមតាម សេចក្តីសម្រេចចិត្ត (adequacy decision) រៀងៗខ្លួនរបស់ គណៈកម្មការសហភាពអឺរ៉ុប (EU Commission)។ 

2. សម្រាប់ព័ត៌មានលម្អិតអំពី វិសាលភាព គោលបំណង មូលដ្ឋានច្បាប់ និងអ្នកទទួលទិន្នន័យផ្ទាល់ខ្លួន របស់អ្នក ដែលទាក់ទងទៅនឹងដំណើរការជ្រើសរើសបុគ្គលិករបស់យើង សូមពិនិត្យមើលសេចក្តីជូនដំណឹង ស្តីពីឯកជនភាពសម្រាប់អ្នកដាក់ពាក្យ របស់យើង៖ 

• សេចក្តីជូនដំណឹងស្តីពីឯកជនភាពសម្រាប់អ្នកដាក់ពាក្យពីខាងក្រៅ (សំដៅលើបេក្ខជនដែលចាប់អារម្មណ៍ចង់ធ្វើការនៅ FOUR PAWS); 
• សេចក្តីជូនដំណឹងស្តីពីឯកជនភាពសម្រាប់អ្នកដាក់ពាក្យផ្ទៃក្នុង (សំដៅលើបុគ្គលិករបស់ FOUR PAWS ដែលចាប់អារម្មណ៍ចង់ប្តូរតំណែង)។ 

3. តាមរយៈប្រព័ន្ធដាក់ពាក្យស្នើសុំ អ្នកអាចផ្តល់ទិន្នន័យ និងឯកសាររបស់អ្នកដោយផ្ទាល់ ឬស្ម័គ្រចិត្ត ប្រើប្រាស់គណនីភាគីទីបីផ្ទាល់ខ្លួនរបស់អ្នក ដើម្បីជួយសម្រួលដល់ដំណើរការនេះ។​  

ជាក់ស្តែង នេះរួមបញ្ចូលទាំងអ្នកទទួល និងសេវាកម្មដូចខាងក្រោម៖  

a) ការចូលគណនី (Single sign on) ជាមួយគណនីបណ្តាញសង្គម សម្រាប់ប្រវត្តិរូបអ្នកដាក់ពាក្យ៖  

• ស្ថាប័ន Microsoft ដែលផ្តល់ “គណនី Microsoft” របស់អ្នក។  
• ស្ថាប័ន LinkedIn ដែលផ្តល់ “គណនី LinkedIn” របស់អ្នក។  
• ស្ថាប័ន Apple ដែលផ្តល់ “គណនី Apple” របស់អ្នក។  
• ស្ថាប័ន Indeed ដែលផ្តល់ “គណនី Indeed” របស់អ្នក។  
• ការបញ្ចូលឯកសារទៅផ្ទុកក្នុងក្លោដ (Cloud Storage)៖  
• ស្ថាប័ន Google ដែលផ្តល់សេវាកម្ម “Google Drive”។  
• ស្ថាប័ន Dropbox ដែលផ្តល់សេវាកម្ម “Dropbox ”។  
• ស្ថាប័ន Microsoft ដែលផ្តល់សេវាកម្ម “OneDrive”។  

4. ដើម្បីការពារនឹងសារឥតបានការ (spam) និងការរំលោភបំពានដោយបូត (bots) (ដើម្បីផ្ទៀងផ្ទាត់ថា ទិន្នន័យដែលបានបញ្ចូលត្រូវបានដាក់ស្នើដោយមនុស្សពិតប្រាកដ) យើងប្រើប្រាស់សេវាកម្ម “hCaptcha” ដែលផ្តល់ដោយក្រុមហ៊ុន Intuition Machines, Inc. (San Francisco, US) នៅលើគេហទំព័រការងារ របស់យើង។  សម្រាប់គោលបំណងនេះ ទិន្នន័យបច្ចេកទេសមួយចំនួន (ដូចជា អាសយដ្ឋាន IP ព័ត៌មានកម្មវិធីរុករក (browser information) ជាដើម) និងទិន្នន័យដែលអ្នកប្រើប្រាស់បានបញ្ចូល ត្រូវបានយកទៅដំណើរការ។  ក្នុងដំណើរការនេះ សំណើបញ្ចូលមួយចំនួនអាចត្រូវបានបញ្ជូនទៅអ្នក ប្រើប្រាស់ហើយបន្ថែមដោយទិន្នន័យដូចជា ការប្រើប្រាស់ម៉ៅស៍ ទីតាំងរំកិល ការចុច និងប៉ះប៊ូតុង។ សូមចំណាំថា ចរាចរណ៍ត្រូវបានប្រុកស៊ី (proxied) តាមរយៈបណ្តាញរបស់ក្រុមហ៊ុន Cloudflare, Inc. ដើម្បីបង្កើនប្រសិទ្ធភាព/ភាពជឿជាក់ និងដើម្បីការពារសេវាកម្ម hCaptcha ពីការវាយប្រហារ។  

ដំណើរការនេះ គឺផ្អែកលើផលប្រយោជន៍ស្របច្បាប់របស់យើង ដោយអនុលោមតាម ប្រការទី 6 កថាខណ្ឌ 1 (f) GDPR ក្នុងការការពារប្រកបដោយប្រសិទ្ធភាពប្រឆាំងនឹងសារឥតបានការ (SPAM) និងការរំលោភបំពាន។ hCaptcha ត្រូវបានរចនាឡើងដើម្បីដំណើរការដោយមិន រក្សាទុកទិន្នន័យផ្ទាល់ខ្លួនរយៈពេលវែង។ ក្រុមហ៊ុនផ្គត់ផ្គង់គ្រាន់តែរក្សាទុកទិន្នន័យកំណត់ហេតុ អំពីព្រឹត្តិការណ៍នៅលើបណ្តាញរបស់ខ្លួន ដើម្បីដំណើរការសេវាកម្មប៉ុណ្ណោះ (ឧទាហរណ៍ កំណត់ហេតុកំហុសដែលអាចមានអាសយដ្ឋាន IP)។  

រាល់ការផ្ទេរ ទិន្នន័យផ្ទាល់ខ្លួន របស់អ្នកទៅកាន់ក្រុមហ៊ុន Intuition Machines, Inc. និង Cloudflare, Inc. (ដែលដើរតួជាអ្នកដំណើរការបន្ថែម) នៅសហរដ្ឋអាមេរិក គឺផ្អែកលើវិញ្ញាបនបត្ររបស់ក្រុមហ៊ុនផ្គត់ផ្គង់ ស្របតាម "ក្របខ័ណ្ឌឯកជនភាពទិន្នន័យ EU-U.S." ដោយអនុលោមតាម (សេចក្តីសម្រេចចិត្ត) រៀងៗខ្លួនរបស់គណៈកម្មការសហភាពអឺរ៉ុប។  

5. ដើម្បីអនុវត្តបច្ចេកទេសប្រព័ន្ធដាក់ពាក្យស្នើសុំតាមអ៊ីនធឺណិតនៅលើគេហទំព័ររបស់យើង យើងប្រើប្រាស់ឃុកឃី (cookies) ដែលចាំបាច់សម្រាប់ឱ្យវាដំណើរការបានត្រឹមត្រូវ (មានន័យថា សំខាន់) ហើយអាចក្សាទុកនៅលើឧបករណ៍ប្រើប្រាស់របស់អ្នក នៅពេលចូលប្រើ និងរុករកទំព័ររៀងៗខ្លួនលើគេហទំព័រការងាររបស់យើង (សម្រាប់ព័ត៌មានទូទៅអំពីឃុកឃី សូមពិនិត្យមើលផ្នែក “អំពីឃុកឃី និងការយល់ព្រម” ខាងក្រោម)។  

មូលដ្ឋានច្បាប់គឺ ផលប្រយោជន៍ស្របច្បាប់របស់យើង (ប្រការទី 6 កថាខណ្ឌ 1 (f) GDPR) ដែលអាចធ្វើស្តង់ដារ និងស្វ័យកម្មដំណើរការដាក់ពាក្យស្នើសុំ ដោយប្រើប្រាស់ដំណោះស្រាយដាក់ពាក្យស្នើសុំដ៏ទំនើបទាន់សម័យ។  

ជាក់ស្តែង ឃុកឃី ត្រូវបានប្រើប្រាស់ទាក់ទងនឹងប្រព័ន្ធដាក់ពាក្យស្នើសុំតាមអ៊ីនធឺណិតជាពិសេស៖  

• “i18n” (ជាឃុកឃីភាគីទីមួយ ប្រើសម្រាប់បង្ហាញទំព័រ មុខងារស្វែងរក កំណត់ទីតាំងសម្រាប់ពាក្យស្នើសុំការងារ យកគំរូដើមដែលត្រូវបានរក្សាទុកសម្រាប់មាតិកា និងអនុញ្ញាតឱ្យអ្នកប្រើប្រាស់ផ្លាស់ប្តូរភាសា)។ 
• “cookie_icims_iframe_content_height” (ជាឃុកឃីភាគីទីមួយ ប្រើសម្រាប់រក្សាទុកកម្ពស់ iframe ដើម្បីរបង្ហាញមាតិកាបានត្រឹមត្រូវ); 
• “_icimsCookiesEnabledCheck” (ជាឃុកឃីភាគីទីមួយ ប្រើដើម្បីពិនិត្យមើលថា តើឃុកឃីត្រូវបានបើកឬអត់ ដើម្បីបង្ហាញការព្រមាន/កំហុសដែលប៉ះពាល់មុខងារណាមួយ); 
• “JSESSIONID” (ជាឃុកឃីភាគីទីមួយ ប្រើសម្រាប់គ្រប់គ្រង ដើម្បីរក្សាការចូលប្រើគេហទំព័ររបស់អ្នកប្រើប្រាស់ និងមុខងារច្រើនទំព័រ); 
• “com.auth0.nonce” (ជាឃុកឃីភាគីទីមួយ ប្រើដើម្បីការពារការវាយប្រហារបែប token replay សម្រាប់ការចូលប្រើប្រាស់ដោយសុវត្ថិភាព នឹងត្រូវបានលុបចោលបន្ទាប់ពី 10 នាទី); 
• “com.auth0.state” (ជាឃុកឃីភាគីទីមួយ ប្រើដើម្បីការពារការវាយប្រហារបែប CSRF  សម្រាប់ការចូលប្រើប្រាស់ដោយសុវត្ថិភាព នឹងត្រូវបានលុបចោលបន្ទាប់ពី 10 នាទី); 
• “auth0” (ជាឃុកឃីភាគីទីមួយ ដែលចាំបាច់ដើម្បីបើកមុខងារចូលប្រើប្រាស់នៅលើគេហទំព័រការងារ នឹងត្រូវបានលុបចោលបន្ទាប់ពី 3 ថ្ងៃ); 
• “auth0_compat” (ជាឃុកឃីភាគីទីមួយ ដែលចាំបាច់ដើម្បីបើកមុខងារចូលប្រើប្រាស់នៅលើកម្មវិធីរុករកដែលមិនអាចប្រើប្រាស់ SameSite=None នឹងត្រូវបានលុបចោលបន្ទាប់ពី 3 ថ្ងៃ); 
• “icims_prompt_login_redirect” (ជាឃុកឃីភាគីទីមួយ ប្រើដើម្បីកំណត់ថាតើត្រូវបញ្ជូនអ្នកប្រើប្រាស់ទៅទំព័មួយណាបន្តទៀត បន្ទាប់ពីបានចូលគណនីរួច); 
• “did” (ជាឃុកឃីភាគីទីមួយ ប្រើជាឧបករណ៍កំណត់អត្តសញ្ញាណ សម្រាប់ការការពារពីការវាយប្រហារបន្ទាប់ពីចូលក្នុងគណនីរួច នឹងត្រូវបានលុបចោលបន្ទាប់ពី 1 ឆ្នាំ); 
• “did_compat” (ជាឃុកឃីភាគីទីមួយ ប្រើជាអត្តសញ្ញាណឧបករណ៍ សម្រាប់ការការពារការវាយប្រហារនៅលើកម្មវិធីរុករកដែលមិនគាំទ្រលក្ខណៈ SameSite=None នឹងត្រូវបានលុបចោលបន្ទាប់ពី 1 ឆ្នាំ); 
• “__cf_bm” (ជាឃុកឃីភាគីទីបី ប្រើប្រាស់ Cloudflare ដែលជាផ្នែកមួយនៃសេវាកម្ម hCaptcha ដើម្បីប្រើប្រាស់ដំណើរការនៃការបែងចែករវាងមនុស្ស និងបូត នឹងត្រូវលុបចោលប្រសិនបើអ្នកប្រាស់ បន្ទាប់ពី 30 នាទី); 
• “__cflb” (ជាឃុកឃីភាគីទីបី ប្រើដោយ Cloudflare ដែលជាផ្នែកមួយនៃសេវាកម្ម hCaptcha សម្រាប់ការបែងចែកបន្ទុក (load balancing) ដើម្បីបង្កើនប្រសិទ្ធភាពនៃការប្រើប្រាស់ធនធានបណ្តាញ នឹងត្រូវបានលុបចោលបន្ទាប់ពី 1 ថ្ងៃ); 
• “hmt_id” (ជាឃុកឃីភាគីទីបី ប្រើដោយ hCaptcha ប្រើសម្រាប់បង្កើត ស្ថិតិអនាមិក ដែលទាក់ទងនឹងសេវាកម្ម និងសម្រាប់គោលបំណងបច្ចេកទេសផ្សេងទៀត ដូចជាការចូលប្រើជំនួយ នឹងត្រូវបានលុបចោលបន្ទាប់ពី 30 ថ្ងៃ)។ 

នៅលើគេហទំព័ររបស់យើង យើងផ្តល់នូវឧបករណ៍រាយការណ៍តាមអ៊ីនធឺណិត សម្រាប់សាធារណជនទូទៅ ដើម្បីចែករំលែកព័ត៌មានអំពីសកម្មភាពជួញដូរសត្វ។ ឧបករណ៍ទាំងនេះត្រូវបានរចនាឡើងដើម្បីបង្កើន ចំណេះដឹង និងគាំទ្រដល់កិច្ចខិតខំប្រឹងប្រែងដើម្បីបញ្ឈប់ការជួញដូរសត្វដែលមិនមានក្រមសីលធម៌។ 

ឧបករណ៍រាយការណ៍ការជួញដូរសាច់ឆ្កែ និងឆ្មា (“DCMT”) អនុញ្ញាតឱ្យបុគ្គលម្នាក់ៗអាចរាយការណ៍បាននូវ សកម្មភាពដែលទាក់ទងនឹងសកម្មភាពជួញដូរដូចជា ការលួចសត្វចិញ្ចឹម ការដឹកជញ្ជូនសត្វ ការដាក់នុយពុល និងទីកន្លែងឃុំឃាំងសត្វនៅក្នុងប្រទេសកម្ពុជា និង ប្រទេសវៀតណាម ។

1. វិសាលភាព និងគោលបំណងរបស់ការដំណើរការទិន្នន័យ 

ឧបករណ៍រាយការណ៍ DCMT គឺរចនាឡើងដើម្បី ប្រមូលព័ត៌មាន អំពីឧប្បត្តិហេតុដែលបានសង្កេតឃើញនៅក្នុងប្រទេសកម្ពុជា និងវៀតណាម។  វាមិនមែនសម្រាប់កំណត់អត្តសញ្ញាណ ឬ ស៊ើបអង្កេត បុគ្គលដែលពាក់ព័ន្ធនឹងសកម្មភាពជួញដូរនោះទេ។  ប្រសិនបើអ្នកជឿថាមានឧក្រិដ្ឋកម្មបានកើតឡើង យើងសូមជម្រុញអ្នកឱ្យរាយការណ៍ទៅអាជ្ញាធរមូលដ្ឋានពាក់ព័ន្ធដោយផ្ទាល់។  

គោលបំណងនៃឧបករណ៍នេះគឺ ដើម្បីគាំទ្រដល់កិច្ចខិតខំប្រឹងប្រែងដើម្បីបញ្ឈប់ DCMT ដោយប្រមូលការយល់ដឹង និងភស្តុតាងដែលអាចផ្តល់ព័ត៌មានដល់៖ 

• យុទ្ធនាការ លើកកម្ពស់ការយល់ដឹង។ 
• ការតស៊ូមតិ និងការចូលរួមក្នុងគោលនយោបាយ។ 
• ការកំណត់ផែនទីផ្លូវពាណិជ្ជកម្ម និងតំបន់គ្រោះថ្នាក់។ 
• ទំនាក់ទំនងជាមួយភាគីពាក់ព័ន្ធ និង អ្នកបរិច្ចាគ។ និង 
• ការគាំទ្ររឹតបន្តឹងច្បាប់។ 

យើងមិនស្នើសុំឈ្មោះ ឬព័ត៌មានទំនាក់ទំនងឡើយ។  រាល់របាយការណ៍នីមួយៗមានលេខយោងពិសេសតែមួយគត់ (“Unique Report ID”)។  លេខយោងរបាយការណ៍ពិសេសនេះត្រូវបានប្រើ ដើម្បីបិទចោលការដាក់ស្នើស្ទួនជាន់គ្នា ភ្ជាប់របាយការណ៍ដែលទាក់ទងគ្នា និងអនុញ្ញាតឱ្យបុគ្គលម្នាក់ៗផ្តល់ព័ត៌មានបន្ថែមទាក់ទងនឹងរបាយការណ៍ ដែលបានដាក់បញ្ជូនពីមុន ដោយមិនចាំបាច់ប្រមូលព័ត៌មានទំនាក់ទំនងផ្ទាល់ខ្លួនឡើយ។ 

2. ទិន្នន័យ និង មូលដ្ឋានច្បាប់ 
 
ព័ត៌មានខាងក្រោម ត្រូវបានប្រមូលតាមរយៈឧបករណ៍រាយការណ៍៖ 

• សញ្ជាតិ៖ ដើម្បីស្វែងយល់ពីលក្ខណៈប្រជាសាស្រ្តនៃការរាយការណ៍ និងគាំទ្រកិច្ចខិតខំប្រឹងប្រែង។ 
• ព័ត៌មានលម្អិតអំពីឧប្បត្តិហេតុ៖ រួមទាំងការពិពណ៌នា ទីតាំង និងឯកសារភ្ជាប់។ 
• ទិន្នន័យផ្ទាល់ខ្លួនណាមួយ ដែលអាចត្រូវបានបញ្ចូលដោយអចេតនានៅក្នុងកន្លែងវាយអក្សរ ឬឯកសារភ្ជាប់។ 

ទិន្នន័យបច្ចេកទេស meta  ដូចជាអាសយដ្ឋាន IP៖ អាចត្រូវបានប្រមូលជាផ្នែកមួយនៃប្រតិបត្តិការបច្ចេកទេសទូទៅនៃទម្រង់ និងគេហទំព័ររបស់យើង។  ទិន្នន័យ meta មិនត្រូវបានភ្ជាប់ទៅនឹងលេខយោងរបាយការណ៍ ឬខ្លឹមសារនៃរបាយការណ៍នោះទេ ហើយត្រូវបានដំណើរការដោយឡែកពីគ្នាក្រោមការអនុវត្តឯកជនភាពគេហទំព័រទូទៅរបស់យើង ដែលបានពិពណ៌នានៅកន្លែងផ្សេងទៀតនៅក្នុងសេចក្តីជូនដំណឹងនេះ។ 

យើងតម្រូវឱ្យមានការយល់ព្រមច្បាស់លាស់ ជាមូលដ្ឋានច្បាប់ សម្រាប់ការដំណើរការទិន្នន័យផ្ទាល់ខ្លួន អនុលោមតាម ប្រការទី 6 កថាខណ្ឌ 1 lit a នៃ GDPR និងច្បាប់ការពារទិន្នន័យពាក់ព័ន្ធនៅក្នុងប្រទេស កម្ពុជា និងវៀតណាម។  ការយល់ព្រម គឺបានទទួលតាមរយៈទម្រង់ជាបែបបទរាយការណ៍ ហើយអាចដកវិញនៅពេលណាក៏បាន។ 

យើងមិនស្នើសុំ ឬមានបំណងប្រមូលទិន្នន័យផ្ទាល់ខ្លួនរបស់ភាគីទីបី (ឧទាហរណ៍ បុគ្គលដែលពាក់ព័ន្ធនឹង ការជួញដូរ) ឡើយ។  ប្រសិនបើទិន្នន័យបែបនេះត្រូវបានដាក់បញ្ចូលដោយអចេតនា យើងនឹងចាត់វិធានការដើម្បីពិនិត្យ និងធ្វើអនាមិកកម្មវាឱ្យបានឆាប់តាមដែលអាចធ្វើទៅបានបន្ទាប់ពីការ ដាក់បញ្ចូល។ 

3. អ្នកទទួល 

ព័ត៌មានដែលបានដាក់បញ្ចូលតាមរយៈឧបករណ៍រាយការណ៍ DCMT គឺមានតែបុគ្គលិកដែលមានការ អនុញ្ញាត នៅក្នុងអង្គការរបស់យើងប៉ុណ្ណោះដែលអាចចូលបាន ហើយនៅពេលដែលចាំបាច់ ស្ថាប័នផ្សេងទៀតនៅក្នុងបណ្តាញសកលរបស់ FOUR PAWS ដែលសហការលើគម្រោង DCMT។  ទាំងនេះអាចរាប់បញ្ចូលទាំងស្ថាប័នដែលស្ថិតនៅខាងក្រៅតំបន់សេដ្ឋកិច្ចអឺរ៉ុប (EEA)។

យើងក៏ជម្រុញក្រុមហ៊ុនដែលផ្គត់ផ្គង់ឱ្យទុកចិត្ត ដើម្បីគាំទ្រដល់ប្រតិបត្តិការបច្ចេកទេស ឧបករណ៍រាយការណ៍ រួមទាំងការ ផ្ទុកទិន្នន័យដោយសុវត្ថិភាព ការធ្វើអនាមិកកម្ម និងការវិភាគ។  ក្រុមហ៊ុនផ្គត់ផ្គង់ទាំងនេះ ត្រូវបានចងភ្ជាប់ដោយ កិច្ចព្រមព្រៀងការពារទិន្នន័យយ៉ាងតឹងរ៉ឹង ដើម្បីធានាថាទិន្នន័យរបស់អ្នកត្រូវបាន គ្រប់គ្រងប្រកបដោយសុវត្ថិភាព និងអនុលោមតាមច្បាប់ការពារទិន្នន័យ។  
  
នៅពេលដែលទិន្នន័យត្រូវបានផ្ទេរទៅក្រៅ EEA យើងធានានូវកម្រិតនៃការការពារគ្រប់គ្រាន់ស្របតាម ជំពូកទី V នៃ GDPR រួមទាំងតាមរយៈការប្រើប្រាស់ លក្ខខណ្ឌកិច្ចសន្យាស្ដង់ដារ ឬវិធានការការពារសមស្របផ្សេងទៀត។  
  
នៅពេលដែលព័ត៌មានត្រូវបានចែករំលែកជាសាធារណៈ — ឧទាហរណ៍ នៅក្នុងយុទ្ធនាការ លើកកម្ពស់ការយល់ដឹង នៅលើប្រព័ន្ធផ្សព្វផ្សាយសង្គម ឬជាមួយអង្គការដៃគូ ឬអាជ្ញាធរ — វានឹងត្រូវបានធ្វើអនាមិកកម្មជាមុន ដោយលុបព័ត៌មានណាមួយដែលសម្គាល់អត្តសញ្ញាណ។ 

 4. លទ្ធភាពនៃការដកការយល់ព្រម 

អ្នកអាច ដកការយល់ព្រម របស់អ្នកចំពោះដំណើរការទិន្នន័យផ្ទាល់ខ្លួនរបស់អ្នកនៅពេលណាក៏បាន។  អ្នកអាចធ្វើដូចនេះបានដោយដាក់ស្នើទម្រង់បែបបទម្តងទៀត ហើយផ្តល់ លេខយោងរបាយការណ៍ពិសេស របស់អ្នកដើម្បីជួយយើងកំណត់អត្តសញ្ញាណ និងដំណើរការសំណើរបស់អ្នក។ 

យើងមិនតម្រូវ ឬស្នើសុំព័ត៌មានទំនាក់ទំនងផ្ទាល់ខ្លួនសម្រាប់ការដកការយល់ព្រមឡើយ។  នេះជួយកាត់បន្ថយការប្រមូលបន្ថែមទិន្នន័យផ្ទាល់ខ្លួន។ 

5. ការរក្សាទុកទិន្នន័យ 

យើងរក្សាទុកទិន្នន័យផ្ទាល់ខ្លួនដែលបានដាក់បញ្ចូលតាមរយៈឧបករណ៍រាយការណ៍ DCMT សម្រាប់តែ រយៈពេលដែលចាំបាច់ ដើម្បីបំពេញគោលបំណងដែលបានបញ្ជាក់នៅក្នុងសេចក្តីជូនដំណឹងនេះ លុះត្រាតែរយៈពេលរក្សាទុកយូរជាងនេះគឺតម្រូវ ឬអនុញ្ញាតដោយច្បាប់។  

• ទិន្នន័យផ្ទាល់ខ្លួនដែលបានបញ្ចូលក្នុងខ្លឹមសាររបាយការណ៍៖  ត្រូវបានពិនិត្យ និងធ្វើអនាមិកកម្មឱ្យបានឆាប់តាមដែលអាចធ្វើទៅបាន បន្ទាប់ពីការដាក់ស្នើ និងក្នុងរយៈពេលប្រាំមួយខែ។ 
• សញ្ជាតិ៖ ត្រូវបានភ្ជាប់ទៅនឹង លេខយោងរបាយការណ៍ពិសេសពេលដែលបានដាក់ស្នើ។  នៅពេលដែលរបាយការណ៍ដែលពាក់ព័ន្ធត្រូវបានធ្វើអនាមិកកម្មពេញលេញ (ដូចដែលបានពិពណ៌នាខាងលើ) សញ្ជាតិនឹងលែងត្រូវបានចាត់ទុកជាទិន្នន័យផ្ទាល់ខ្លួនទៀតហើយ។  បន្ទាប់មក វាត្រូវបានរក្សាទុកក្នុងទម្រង់រួមបញ្ចូលគ្នា ដើម្បីគាំទ្រការគាំពារមតិ និងការវិភាគស្ថិតិ។ 
• កំណត់ត្រានៃការយល់ព្រម៖ កំណត់ត្រាការយល់ព្រមរបស់អ្នកនៅតែភ្ជាប់ទៅនឹង លេខយោងរបាយការណ៍ពិសេស របស់អ្នក ហើយត្រូវបានធ្វើអនាមិកកម្មនៅពេលដែលរបាយការណ៍ដែលពាក់ព័ន្ធត្រូវបានធ្វើអនាមិកកម្ម (បន្ទាប់ពីការដកការយល់ព្រម ឬក្នុងរយៈពេលប្រាំមួយខែនៃការដាក់ស្នើ)។  បន្ទាប់មក វាលែងជាទិន្នន័យផ្ទាល់ខ្លួនទៀតហើយ ហើយអាចត្រូវបានរក្សាទុកដោយគ្មានកំណត់។ 

យើងពិនិត្យជាទៀងទាត់នូវទិន្នន័យដែលយើងរក្សាទុក និងលុប ឬ ធ្វើអនាមិកកម្ម រាល់ទិន្នន័យផ្ទាល់ខ្លួនដែលលែងចាំបាច់ទៀត។

1. នៅលើគេហទំព័ររបស់យើង យើងប្រើប្រាស់បច្ចេកវិទ្យាជាច្រើនដើម្បីប្រមូល និងរក្សាទុកព័ត៌មាន។  ទាំងនេះរួមមានឃុកឃី កន្លែងផ្ទុកទិន្នន័យ និង ឧបករណ៍តាមដានសកម្មភាពអ្នកប្រើប្រាស់ (web beacons)។  បច្ចេកវិទ្យាទាំងនេះជួយទ្រទ្រង់មុខងារគេហទំព័រ លើកកម្ពស់បទពិសោធន៍អ្នកប្រើប្រាស់ បង្កើនសុវត្ថិភាព និងគាំទ្រការវិភាគ និងសកម្មភាពទីផ្សារ។ 

2. ដំណើរការទិន្នន័យរបស់អ្នកដោយប្រើប្រាស់បច្ចេកវិទ្យាទាំងនេះ អនុវត្តតាមគោលការណ៍ដែល បានកំណត់ក្រោម GDPR និងច្បាប់ ePrivacy។ ករណីប្រើប្រាស់មួយចំនួនគឺចាំបាច់ដើម្បីធានានូវមុខងារ គេហទំព័រដំណើរការ ហើយទិន្នន័យរបស់អ្នកអាចដំណើរការបានដោយផ្អែកលើប្រយោជន៍របស់យើង (ប្រការ 6 កថាខណ្ឌ 1 (f) GDPR) ខណៈពេលដែលករណីប្រើប្រាស់ផ្សេងទៀតតម្រូវឱ្យទទួលបាន ការយល់ព្រមជាមុនពីអ្នក (មាត្រា 6 កថាខណ្ឌ 1 (a) GDPR )។

1. ឃុកឃី គឺជាកញ្ចប់ទិន្នន័យតូចៗ ដែលរក្សាទុកនៅលើឧបករណ៍ប្រើប្រាស់របស់អ្នក។ ឃុកឃីជាធម្មតា មានឈ្មោះឃុកឃី និងម៉ាស៊ីនមេ ដែលវាមានប្រភពចេញពី តម្លៃមួយ (ឧទាហរណ៍ លេខសម្គាល់ពិសេស) និងព័ត៌មានអំពីពេលដែលវាផុតកំណត់។  ការប្រើប្រាស់ឃុកឃីត្រូវបានផ្តើមដោយម៉ាស៊ីនមេរបស់គេហទំព័រ ដែលរក្សាទុកព័ត៌មានដែលទទួលបាននៅពេលដែលការតភ្ជាប់សារជាថ្មី។ 

2. ឃុកឃីប្រើគោលបំណងផ្សេងៗគ្នា។ ឧទាហរណ៍ ជួយរក្សាមុខងារគេហទំព័រ កែលម្អបទពិសោធន៍ អ្នកប្រើប្រាស់ ឬតាមដានអន្តរកម្មក្នុងគោលបំណងសម្រាប់ការវិភាគ និងទីផ្សារ។  ឧទាហរណ៍ ពួកគេអាច រក្សាទុកចំណូលចិត្តរបស់អ្នកប្រើប្រាស់ ដូចជាការកំណត់ភាសាជាដើម។ 

3. គេហទំព័រដែលយើងចូលមើលអាចដាក់ឃុកឃីបាន ("ខូគីភាគីទីមួយ") ឬដោយភាគីទីបី ("ឃុកឃីភាគីទីបី") ឧទាហរណ៍ សម្រាប់ការតាមដានឆ្លងគេហទំព័រ។  កម្មវិធីរុករកភាគច្រើនទទួលយក ឃុកឃីភាគីទីមួយដោយស្វ័យប្រវត្តិ។  ទាក់ទងនឹងរយៈពេលរបស់វា ឃុកឃីត្រូវបានចាត់ជាថ្នាក់ដូចជា "រយៈពេលឃុកឃី" (session cookies) (ត្រូវបានលុបនៅពេលដែលអ្នកប្រើប្រាស់ឈប់ប្រើប្រាស់) ឬ "ឃុកឃីអចិន្ត្រៃយ៍" (persistent cookies) (ដែលមានរយៈពេលកំណត់ 400 ថ្ងៃសម្រាប់កម្មវិធីរុករកថ្មីៗ)។ 

4. បន្ថែមពីលើឃុកឃី យើងប្រើប្រាស់បច្ចេកវិទ្យាស្រដៀងនេះ សម្រាប់គោលបំណងស្រដៀងគ្នា ដែលអាចអនុវត្តតាមតម្រូវការផ្លូវច្បាប់។ 

ក្នុងចំណោមរបស់ផ្សេងទៀត នេះរួមបញ្ចូល៖ 

• ការប្រើប្រាស់ "កន្លែងផ្ទុកទិន្នន័យអ្នកប្រើប្រាស់" (local storage) របស់កម្មវិធីរុករក (រួមទាំង "កន្លែងផ្ទុកទិន្នន័យរយៈពេលប្រើប្រាស់" (session storage)) ដែលដំណើរការស្រដៀងទៅនឹងការប្រើប្រាស់ ឃុកឃី ប៉ុន្តែត្រូវបានគ្រប់គ្រងផ្ទាល់ដោយកម្មវិធីរុករករបស់អ្នក ហើយព័ត៌មានមិនត្រូវបានផ្ញើទៅម៉ាស៊ីនមេដោយស្វ័យប្រវត្តិទេ។  ខណៈពេលដែលការផ្ទុកទិន្នន័យវគ្គ គឺផ្អែកលើរយៈពេលប្រើប្រាស់ ព័ត៌មានដែល មាននៅក្នុងកន្លែងផ្ទុកទិន្នន័យអ្នកប្រើប្រាស់មិនមាន (មិនចាំបាច់) កាលបរិច្ឆេទបញ្ចប់ដែលបានកំណត់ជាមុនទេ។ 
• "Web beacons" ដែលជាធាតុ (មើលមិនឃើញ) ដូចជារូបភាព ឬបំណែកកូដដែលបានបង្កប់ នៅក្នុងទំព័រគេហទំព័រ (ឬអ៊ីមែល) ដែលជួយ ក្នុងចំណោមរបស់ផ្សេងទៀត តាមដានថាតើអ្នកប្រើប្រាស់ បានចូលប្រើមាតិកាបានឬអត់។ 

5. បន្ថែមពីលើជម្រើសណាមួយដែលយើងផ្តល់ជូន អ្នកអាចប្ដូរការកំណត់កម្មវិធីរុករករបស់អ្នក ដែលទាក់ទងនឹងឃុកឃី និងបច្ចេកវិទ្យាស្រដៀងគ្នា អាស្រ័យលើជម្រើសរបស់អ្នក។  ឧទាហរណ៍ ជាទូទៅកម្មវិធីរុករករបស់អ្នកអាចបដិសេធឃុកឃី (ដែលអាចប៉ះពាល់ដល់មុខងារគេហទំព័រ) ឬបដិសេធរាល់ឃុកឃីភាគីទីបីទាំងអស់។  អ្នកក៏មានជម្រើសក្នុងការ សម្អាតឃុកឃីដោយផ្ទាល់ និងទិន្នន័យគេហទំព័រផ្សេងទៀតពីឧបករណ៍ប្រើប្រាស់របស់អ្នក។

1. យើងប្រើប្រាស់វេទិកាគ្រប់គ្រងការយល់ព្រម Usercentrics (Usercentrics Consent Management Platform - "CMP") ដោយក្រុមហ៊ុន Usercentrics GmbH (Sendlinger Straße 7, 80331 Munich, Germany) ដើម្បីផ្តល់ តម្លាភាព និង ការគ្រប់គ្រង លើជម្រើសរបស់អ្នក។  CMP អនុញ្ញាតឱ្យអ្នកផ្តល់ ដក ឬ កែប្រែការយល់ព្រមរបស់អ្នកនៅពេលណាក៏បាន។  នេះតម្រូវឱ្យមានការដំណើរការ អាសយដ្ឋាន IP ទីតាំងភូមិសាស្ត្រ និងទិន្នន័យដែលទាក់ទងនឹង ឧបករណ៍ប្រើប្រាស់ ផ្សេងទៀត (ដូចជា ភ្នាក់ងារអ្នក ប្រើប្រាស់ (user agent) របស់អ្នក) ក៏ដូចជាព័ត៌មានដែលទាក់ទងនឹង ការយល់ព្រមមួយចំនួន (ដូចជា អត្តសញ្ញាណការយល់ព្រម (consent ID) និង ពេលវេលា) តាមរយៈម៉ាស៊ីនមេ Google Cloud នៅក្នុង EEA – ព័ត៌មានដែលទាក់ទងនឹងការយល់ព្រមត្រូវបានរក្សាទុកដោយប្រើប្រាស់ កន្លែងផ្ទុកទិន្នន័យ អ្នកប្រើប្រាស់ នៃឧបករណ៍ប្រើប្រាស់របស់អ្នក។ 

2. នៅពេលអ្នកចូលមើលគេហទំព័ររបស់យើងជាលើកដំបូង ផ្ទាំងមួយនឹងលេចឡើង សុំការយល់ព្រមរបស់អ្នកចំពោះការប្រើប្រាស់សេវាកម្ម (ឧបករណ៍) ដំណើរការទិន្នន័យជាក់លាក់ (ភាគីទីបី)។ រហូតទាល់តែអ្នកយល់ព្រម Usercentrics បិទចោល មិនត្រឹមតែឃុកឃីប៉ុណ្ណោះទេ ប៉ុន្តែសេវាកម្ម (ឧបករណ៍) នីមួយៗទាំងស្រុងដែលមិនត្រូវបានចាត់ទុកថា សំខាន់ សម្រាប់មុខងារគេហទំព័ររបស់យើង (ធានាថាទិន្នន័យមិនត្រូវបានផ្ញើទៅក្រុមហ៊ុនផ្គត់ផ្គង់ភាគីទីបីឡើយ)។  ប្រសិនបើអ្នកយល់ព្រម សេវាកម្ម (ឧបករណ៍) រៀងៗខ្លួននឹង ដំណើរការ ហើយចំណូលចិត្តរបស់អ្នក ត្រូវបានរក្សាទុក។  អ្នកអាច៖ (i) ទទួលយកឃុកឃីទាំងអស់ (សេវាកម្ម) ដោយផ្តល់ការយល់ព្រម សម្រាប់សកម្មភាពដំណើរការទាំងអស់; (ii) បដិសេធរាល់ឃុកឃីដែលមិនចាំបាច់ទាំងអស់ (សេវាកម្ម) ដោយបដិសេធការយល់ព្រមសម្រាប់សេវាកម្ម (ឧបករណ៍) មិនសំខាន់ទាំងអស់; (iii) រក្សាទុកជម្រើសតាមបំណង នៃសេវាកម្មនីមួយៗដែលអ្នកចង់អនុញ្ញាតឱ្យយើងប្រើប្រាស់។ 

3. ព័ត៌មានលម្អិតអំពីសេវាកម្ម (ឧបករណ៍) ដំណើរការទិន្នន័យនីមួយៗ រួមទាំងបច្ចេកវិទ្យាដែលបានប្រើ ត្រូវបានផ្តល់ជូនតាមរយៈ Usercentrics CMP នៅពេលអ្នកពង្រីកសេវាកម្មជាក់លាក់មួយនៅក្រោមផ្នែក “សេវាកម្ម” និង/ឬនៅក្នុង ផ្នែក 2.2.  (“ឧបករណ៍នៅក្នុងដែនរបស់យើង”) នៃសេចក្តីថ្លែងការណ៍ ឯកជនភាពទិន្នន័យនេះ។ 

4. មូលដ្ឋានច្បាប់ សម្រាប់ការដំណើរការទិន្នន័យរបស់អ្នកក្នុងគោលបំណងគ្រប់គ្រងការយល់ព្រម ដូចដែលបានពិពណ៌នានៅក្នុងផ្នែកនេះ គឺផលប្រយោជន៍ស្របច្បាប់របស់យើង (ប្រការ ៦ កថាខណ្ឌ ១ (f) GDPR) ក្នុងការអនុញ្ញាតឱ្យយើង (i) ស្នើសុំការយល់ព្រមប្រកបដោយប្រសិទ្ធភាពចំពោះការប្រើប្រាស់ សេវាកម្ម ដែលតម្រូវដោយរអង្គការរបស់យើង និង (ii) ដើម្បីផ្ទៀងផ្ទាត់ និងចងក្រងឯកសារ ជម្រើសរបស់អ្នកប្រើប្រាស់ដោយសុវត្ថិភាព។  
 
Usercentrics អនុញ្ញាតឱ្យយើងរក្សាទុក កំណត់ត្រានៃការយល់ព្រមរបស់អ្នកប្រើប្រាស់ សម្រាប់គោលបំណងអនុលោមភាព ដែលយើងរក្សាទុកក្នុងរយៈពេលបីឆ្នាំ។

1. អ្នកអាចចូលមើល Usercentrics CMP ឡើងវិញនៅពេលណាក៏បានដោយចុច  ត្រង់នេះ (here) ឬដោយប្រើស្នាមម្រាមដៃ នៅជ្រុងខាងឆ្វេងផ្នែកខាងក្រោមគេហទំព័រ។  

2. ប្រសិនបើអ្នកដកការយល់ព្រម នោះឃុកឃីដែលបានកំណត់ពីមុន និងទិន្នន័យដែលបានរក្សាទុកនៅតែមាននៅលើឧបករណ៍ប្រើប្រាស់របស់អ្នក ប៉ុន្តែនឹងឈប់ធ្វើការបញ្ជូនទិន្នន័យបន្ថែមទៀត ដោយសារសេវាកម្ម (ឧបករណ៍) ដំណើរការទិន្នន័យរៀងៗខ្លួនត្រូវបានបញ្ឈប់ម្តងទៀត។

យើងរក្សាសិទ្ធិក្នុងការផ្លាស់ប្តូរគោលការណ៍រក្សាឯកជនភាពទិន្នន័យ នេះទាក់ទងនឹងការដំណើរការទិន្នន័យ ដើម្បីសម្រួលវាទៅតាមការផ្លាស់ប្តូរស្ថានភាពផ្លូវច្បាប់ ទៅនឹង ការផ្លាស់ប្តូរនៃសេវាកម្មអនឡាញ ឬការដំណើរការទិន្នន័យ។​  

ប្រសិនបើត្រូវការយល់ព្រមពីអ្នកប្រើប្រាស់  ឬប្រសិនបើធាតុនៃ គោលការណ៍រក្សាឯកជនភាពទិន្នន័យ មានបទប្បញ្ញត្តិទាក់ទងនឹង កិច្ចសន្យា ជាមួយអ្នកប្រើប្រាស់ ការផ្លាស់ប្តូរនឹងត្រូវបានធ្វើឡើងជាមួយការយល់ព្រមរបស់អ្នកប្រើប្រាស់ប៉ុណ្ណោះ។  

អ្នកប្រើប្រាស់ត្រូវតែដឹង និងរក្សាមាតិកានៃគោលការណ៍រក្សាឯកជនភាពទិន្ន័យនេះជាប្រចាំ។